1 سالونیكی 2:4 - ئنجیلا پیرۆز

⁴ لێ كا چەوا خودێ ئەم پەسەند كرین كو مزگینیێ ب مە بسپێریت، ئەم وەسا دئاخڤین، نە دا خەلكی رازی كەین، لێ دا خودێ رازی كەین، ئەوێ دلێ مە تاقی دكەت.

1 سالونیكی 2:4 ပူးပေါင်းရင်းမြစ်များ

مزگینیا لوقای 12:42

خودانی گۆت: «ئەڤجا ئەو بریكارێ دلسۆز و ئاقلمەند كیە، ئەوێ خودان وی بكەتە بەرپرسێ خزمەتكارێن خۆ، دا بەهرا وان ژ خوارنێ د دەمێ وێ دا بدەتێ؟

مزگینیا لوقای 16:11

ئەڤجا ئەگەر هوین ل سەر مالێ دونیایێ د دەستپاك نەبن، ئەو كیە دێ هەوە ل سەر دەولەمەندیا راستەقینە دانیت؟

مزگینیا یوحەننای 21:17

عیسای بۆ جارا سێیێ پرسیار ژێ كر: «شەمعونێ كوڕێ یوحەننای، تۆ حەز ژ من دكەی؟» پەترۆس خەمگین بوو، چنكو جارا سێیێ گۆتێ «تۆ حەز ژ من دكەی؟» ئینا گۆتێ: «خودان، تۆ هەمی تشتان دزانی، تۆ دزانی ئەز حەز ژ تە دكەم.» عیسای گۆتێ: «پەزێ من بچەرینە.

رۆما 8:27

ئەوێ كو دلان دپشكنیت ژی، دزانیت كا هزرێن گیانێ پیرۆز چنە، چنكو گیان ل گۆر حەزا خودێ مەهدەریێ بۆ پیرۆزكریان دكەت.

1 كورنتۆس 7:25

نوكە دەربارەی كوڕ و كچان، من چ فەرمان ژ نك خودانی نینن، لێ ئەز، وەكو ئێكێ خودانی دلۆڤانی پێ بری، داكو جهێ باوەریێ بیت، دێ بۆچوونەكێ بێژم.

1 كورنتۆس 9:17

و ئەگەر من ئەڤ چەندە ب حەزا خۆ كربا، دا من خەلات هەبیت، لێ ئەگەر نە ب حەزا خۆ دكەم، ئەڤە بریكاری ب من هاتیە دان.

2 كورنتۆس 2:17

ئەم وەكو گەلەك كەسان نینین بازرگانیێ ب پەیڤا خودێ بكەین، لێ ئەم وەكو مرۆڤێن ژ لایێ خودێ ڤە هاتینە هنارتن، ل بەرامبەری خودێ ل دویڤ حەزا مەسیحی ب نیازپاكی دئاخڤین.

2 كورنتۆس 4:2

مە كریارێن ڤەشارتی یێن ب شەرم ژی رەت كرن، ئەم فێلبازیێ ناكەین و دەستكاریێ د پەیڤا خودێ دا ناكەین. لێ ئەم راستیێ دیار دكەین و ب ڤی ئاوایی ل پێشیا خودێ بۆ وژدانا هەر مرۆڤەكی خۆ پەسەند دكەین.

2 كورنتۆس 5:11

ئەڤجا، ژ بەر كو ئەم دزانین ترسا ژ خودانی یا چەوایە، بزاڤێ دكەین مرۆڤان قاییل كەین. ئەم بۆ خودێ د ئاشكراینە و هیڤی دكەم د وژدانا هەوە ژی دا د ئاشكرا بین.

2 كورنتۆس 5:16

ژ نوكە و پێڤە ئەم ب دیتنەكا مرۆڤكانی ل كەسێ نانێڕین. هەر چەندە مە ب دیتنەكا مرۆڤكانی ل مەسیحی نێڕیە، لێ ئێدی ئەم وەسا ل وی نانێڕین.

گالاتیا 1:10

ما هوین هزر دكەن ئەز نوكە ل رازیبوونا مرۆڤان دگەڕیێم، یان یا خودێ؟ ما ئەز بزاڤێ دكەم دا دلێ مرۆڤان خۆش بكەم؟ نەخێر! ئەگەر من هەر ڤیابا دلێ مرۆڤان خۆش كەم، ئەز بەنیێ مەسیحی نەدبووم.

گالاتیا 2:7

لێ بەروڤاژی ڤێ چەندێ، ئەو وەسا تێگەهشتن كو بەرپرسیاری بۆ من یا هاتیە دان، دا ئەز مزگینیێ بدەمە ئەوێن سونەتنەكری، هەروەكو بۆ پەترۆسی هاتیە دان كو مزگینیێ بدەتە ئەوێن سونەتكری.

ئەفەسۆس 3:8

هەر چەندە د ناڤ هەمی پیرۆزكریان دا ئەز ژ یێ هەری كێم كێمترم، لێ ئەڤ كەرەمە بۆ من هاتیە دان، دا مزگینیێ د ناڤ مللەتێن نەجوهی دا بەڵاڤ بكەم دەربارەی دەولەمەندیا مەسیحی یا بێ سنوور

ئەفەسۆس 6:6

نە ب وێ خزمەتێ یا ل بەر چاڤان دهێتە كرن، ب تنێ بۆ رازیكرنا مرۆڤان، لێ وە بكەن هەروەكو بەنیێن مەسیحی ژ دل حەزا خودێ ب ج‍‌ھ دئینن.

كۆلۆسی 3:22

گەلی بەنیان، د هەمی تشتان دا گوهداریا خودانێن خۆ یێن ڤێ جیهانێ بكەن، نە ب وێ خزمەتێ یا ل بەر چاڤان دهێتە كرن، ب تنێ بۆ رازیكرنا مرۆڤان، لێ ب دلساخی و ترسا خودانی گوهداریێ بكەن.

1 تیمۆتاوس 6:20

هەی تیمۆتاوس! ئەو تشتێ ب تە هاتیە راسپاردن بپارێزە، خۆ ژ پڕبێژیێن نەپیرۆز و هەڤدژیێن ناڤێ ‹زانین› ب درەو ل سەر هاتینە دانان، دویر بئێخە،

2 تیمۆتاوس 1:14

وی تشتێ چاك یێ بۆ تە هاتیە سپاردن، ب هاریكاریا گیانێ پیرۆز یێ د مە دا ئاكنجی بپارێزە.

2 تیمۆتاوس 2:2

و ئەو تشتێن ب ئامادەبوونا گەلەك شاهدان تە ژ من بهیستین، ب كەسێن دلسۆز راسپێرە، كو بشێن هندەكێن دی ژی فێر بكەن.

تیتۆس 1:3

و نوكە د دەمێ نەخشەكری دا ئەوی ئەو پەیام ئاشكرا كر، ب رێكا وێ راگەهاندنێ، یا ئەركێ وێ ل دویڤ فەرمانا قورتالكەرێ مە خودێ، بۆ من هاتیە سپاردن.

عیبرانی 4:13

چ ئافراندی ژ خودێ د ڤەشارتی نینن، لێ هەمی تشت د رویت و ئاشكرانە ل بەر چاڤێن وی یێ ئەم دێ حسابێ دەینێ.

1 پەترۆس 4:11

ئەگەر ئێك دئاخڤیت، بلا وەكو ئێكێ پەیڤێن خودێ دبێژیت بئاخڤیت. ئەگەر ئێك خزمەتێ دكەت، بلا ب وێ هێزێ بكەت یا خودێ دایێ، دا خودێ د هەر تشتی دا بهێتە مەزنكرن، ب رێیا عیسایێ مەسیح، ئەوێ مەزناهی و سەروەری هەروهەر یێن وینە. ئامین.

ئاشكراكرن 2:23

ئەز دێ ل زاڕۆكێن وێ ژی دەم و كوژم. ئەڤجا هەمی جڤاكێن باوەرداران دێ زانن كو ئەزم یێ زێهن و دلان دپشكنیت و ئەز دێ ل دویڤ كریارێن هەوە دەمە هەر ئێكی ژ هەوە.