1 سالونیكی 2:2 - ئنجیلا پیرۆز

² لێ هەروەكو هوین دزانن، ل پێشیێ ل فیلیپی ئەم هاتینە ئازاردان و كرێتكرن، سەرەڕای هندێ مە ب خودایێ خۆ وێرەكی هەبوو كو د ناڤ بەرهنگاریەكا دژوار دا، مزگینیا خودێ بۆ هەوە رابگەهینین.

1 سالونیكی 2:2 ပူးပေါင်းရင်းမြစ်များ

كارێن هنارتیان 14:3

لەوما ئەو بۆ دەمەكێ درێژ مانە ل وێرێ و بێ ترس مزگینی دەربارەی خودانی ددا، خودانی ژی ب نیشان و مەندەهۆشیێن ل سەر دەستێ وان كرین، پەیڤا كەرەما خۆ دسەلماند.

كارێن هنارتیان 14:5

هنگی هندەكێن نەجوهی و جوهیان ل گەل سەرۆكێن خۆ بڕیار دا كو هنارتیان كرێت و بەرباران بكەن،

كارێن هنارتیان 16:12

ژ وێرێ ئەم چووینە باژێڕێ فیلیپی، كو باژێڕەكێ دەڤەرا ئێكێ یا مەقدۆنیایێ بوو و كۆلۆنیەكا رۆمایی بوو و بۆ چەند رۆژان ئەم ل وێرێ ماین.

كارێن هنارتیان 16:19

دەمێ خودانێن وێ دیتی، كو ئێدی ئەو مفای ژ وێ وەرناگرن، پاولۆس و سیلاس گرتن و راكێشانە بەر سینگێ دەستهەلاتداران ل گۆڕەپانا باژێڕی.

كارێن هنارتیان 16:37

لێ پاولۆسی گۆتە وان: «ئەم بێ دادگەهكرن، ل پێش چاڤێن خەلكی داینە بەر داران، هەر چەندە ئەم هەڤوەڵاتیێن رۆمایینە و ئەم كرینە د زیندانێ دا، نوكە چەوا ب دزی ڤە دێ مە دەرئێخن؟ نەخێر! بلا ئەو ب خۆ بهێن و مە بەردەن!»

كارێن هنارتیان 17:1

پاولۆس و سیلاس د ئەمفیپۆلیس و ئەپولونیایێ را بورین و گەهشتنە سالونیكی. ل وێرێ كنیشتەیەكا جوهیان هەبوو.

كارێن هنارتیان 17:17

ئینا ل كنیشتەیێ دانوستاندن دكر ل گەل جوهیان و ئەوێن هاتینە سەر باوەریا جوهیان، هەروەسا وی رۆژانە دانوستاندن ل گەل وان كەسان دكر، ئەوێن ل بازاڕی دكەفتنە رێیا وی.

كارێن هنارتیان 19:8

پاشی پاولۆس چوو د كنیشتەیێ ڤە. بۆ ماوێ سێ هەیڤان دچوو وێرێ و ب وێرەكی دئاخفت و گەنگەشە دكر و دەربارەی پاشایەتیا خودێ خەلك قاییل دكر.

كارێن هنارتیان 4:13

دەمێ ئەوێن كۆم بووی، وێرەكیا پەترۆسی و یوحەننای دیتی و تێ ئینایە دەر كو ئەو د نەخواندەوار و ئاسایینە، حێبەتی بوون و وان زانی كو ئەو ل گەل عیسای بوون.

كارێن هنارتیان 4:20

چنكو ئەم نەشێین ئەو تشتێن مە دیتین و گو‍‌ھ لێ بووین نەبێژین.»

كارێن هنارتیان 4:31

پشتی وان نڤێژ كری، جهێ ئەو لێ كۆم بووین هەژیا و هەمی ژ گیانێ پیرۆز پڕ بوون و ب وێرەكی پەیڤا خودێ رادگەهاند.

كارێن هنارتیان 5:41

ئەڤجا هنارتی ب دلخۆشی ژ جڤاتێ دەركەفتن، چنكو ئەو ل وێ باوەریێ بوون، كو بۆ وان شانازیە ژ بەر ناڤێ عیسای بهێنە بێڕێزكرن.

رۆما 1:1

ژ من، پاولۆس، بەنیێ مەسیح عیسای، ئەوێ هاتیە گازیكرن دا ببیتە هنارتی و بۆ مزگینیا خودێ هاتیە تەرخانكرن،

2 كورنتۆس 3:12

ئەڤجا مادەم مە هیڤیەكا هۆسا هەیە، ئەم ب وێرەكیەكا مەزن رەفتارێ دكەین،

كۆلۆسی 2:1

من دڤێت هوین بزانن، كو ئەز چەند ژ پێخەمەت هەوە و یێن ل لاودیكیایێ و هەمیێن روی ب روی ئەز نەدیتیم، بزاڤێ دكەم.

1 سالونیكی 1:5

چنكو مزگینیا مە نە ب تنێ ب پەیڤان، لێ ب هێزێ ژی و ب گیانێ پیرۆز و ب پشتڕاستیەكا تەمام گەهشتیە هەوە. هوین دزانن كا ئەم د ناڤ هەوە دا ژ پێخەمەت هەوە چ جۆرە كەس بووین.

2 تیمۆتاوس 1:12

ژ بەر ڤێ ئەگەرێ ژی ئەز ڤان ئازاران دكێشم. لێ شەرم پێ ناكەم، چنكو دزانم من باوەری ب كێ ئینایە و پشتڕاستم كو ئەو دشێت وی تشتی یێ بۆ من هاتیە سپاردن تا وێ رۆژێ بپارێزیت.

یەهودا 1:3

گەلی خۆشتڤیان، هەر چەندە من ب مەرەق دڤیا دەربارەی قورتالبوونا مە یا هەڤپشك بۆ هەوە بنڤیسم، لێ من ب فەر دیت كو ئەز بۆ هەوە نامەیەكێ بنڤیسم، تێدا هیڤی ژ هەوە بكەم كو هوین ژ پێخەمەت وێ باوەریێ خەباتێ بكەن، ئەوا ب جارەكێ و بۆ هەروهەر بۆ پیرۆزكریان هاتیە دان.