1 سالونیكی 2:19 - ئنجیلا پیرۆز

¹⁹ چنكو ما هیڤی، یان دلخۆشی، یان تانجا مە یا شانازیێ ل پێشیا خودانێ مە عیسای د رۆژا هاتنا وی دا چیە؟ ما نە هوینن؟

1 سالونیكی 2:19 ပူးပေါင်းရင်းမြစ်များ

مزگینیا مەتتای 16:27

كوڕێ مرۆڤ دێ ب مەزناهیا بابێ خۆ ڤە ل گەل فریشتەیێن خۆ هێت، هنگی هەر كەسەك دێ ل دویڤ كارێن خۆ هێتە خەلاتكرن.

مزگینیا مەرقۆسی 8:38

چنكو هەر كەسێ ل بەر چاڤێن ڤی نفشێ دەهمەنپیس و گونەهكار شەرم بكەت دانپێدانێ ب من و پەیڤێن من بكەت، كوڕێ مرۆڤ ژی، دەمێ ب مەزناهیا بابێ خۆ ڤە ل گەل فریشتەیێن پیرۆز دهێت، دێ شەرم كەت دانپێدانێ ب وی بكەت.»

مزگینیا یوحەننای 21:22

عیسای بەرسڤا وی دا: «ئەگەر من بڤێت ئەو بمینیتە ساخ تاكو ئەز ڤەگەڕیێم، ما تە چ ژێیە؟ تۆ ل دویڤ من وەرە!»

1 كورنتۆس 15:23

لێ هەر كەس ب دۆرا خۆ: ل بەراهیێ مەسیح كو خێڤەیە، پاشی د دەمێ هاتنا وی دا، ئەوێن كو یێن وینە.

1 كورنتۆس 4:5

لەوما پێشوەخت دادكرنێ ل سەر تشتەكی نەكەن، تاكو خودان بهێت، ئەوێ دێ تشتێن د تاریاتیێ دا ڤەشارتی ئێخیتە بەر رۆناهی و نیازێن دلان ئاشكرا كەت. هنگی پەسنكرنا هەر كەسەكی دێ ژ لایێ خودێ ڤە بیت.

فیلیپی 2:16

خۆ موكم ب پەیڤا ژیانێ ڤە بگرن، دا د رۆژا مەسیحی دا شانازیێ ببەم، كو بەزین و رەنجكێشانا من ب ئاڤێ دا نەچوویە.

فیلیپی 4:1

ئەڤجا گەلی خویشك و برایێن من یێن خۆشتڤی، ئەوێن ئەز بیریا هەوە دكەم و هوین شادی و تانجا منن، خۆشتڤیێن من ب ڤی شێوەی د ئێكبوونا ل گەل خودانی دا قاییم بمینن.

1 سالونیكی 2:20

بەلێ، مەزناهی و دلخۆشیا مە هوینن.

1 سالونیكی 3:13

دا دلێ هەوە بێی كێماسی د پیرۆزیێ دا قاییم بكەت ل پێشیا بابێ مە خودێ، دەمێ خودانێ مە عیسا ل گەل هەمی پیرۆزكریێن خۆ دهێت.

1 سالونیكی 4:15

ئەم ڤێ چەندێ ب پەیڤا خودانی بۆ هەوە دبێژین: ئەم یێن زیندی كو تا هاتنا خودانی بمینین، ئێكجار د بەراهیا یێن نڤستی را ناكەین.

1 سالونیكی 5:23

بلا خودایێ ئاشتیێ ب خۆ هەوە ب تەمامی پیرۆز بكەت و هەمی گیان و دەروون و لەشێ هەوە بپارێزیت، داكو ل دەمێ هاتنا خودانێ مە عیسایێ مەسیح د بێكێماسی بن.

2 سالونیكی 1:4

لەوما ئەم ب خۆ د ناڤ جڤاكێن گازیكریێن خودێ دا شانازیێ ب هەوە دبەین، ژ پێخەمەت خۆڕاگری و باوەریا هەوە د وان هەمی تەپەسەری و تەنگاڤیان دا یێن هوین خۆ ل بەر رادگرن.

2 سالونیكی 1:7

بەرفرەهیێ ژی بدەتە هەوە، ئەوێن هوین د تەنگاڤیێ دا، هەروەسا بدەتە مە ژی، دەمێ خودان عیسا ل گەل فریشتەیێن خۆ یێن بهێز ژ ئەسمانی دیار دبیت

2 سالونیكی 2:1

ئەڤجا دەربارەی هاتنا خودانێ مە عیسایێ مەسیح و خڕڤەبوونا مە ل نك وی، ئەم هیڤی ژ هەوە دكەین، گەلی خویشك و برایان،

تیتۆس 2:13

و چاڤەڕێی وێ رۆژا بەختەوەر بین یا ئەم ل هیڤیێ، كو دیاربوونا روومەتا خودایێ مەزن، قورتالكەرێ مە عیسایێ مەسیحە.

یەعقوب 5:7

ئەڤجا گەلی خویشك و برایان، تا هاتنا خودانی بێهنا خۆ فرە‍‌ھ كەن. بەرێ خۆ بدەنێ كا چەوا جۆتیار چاڤەڕێی بەرهەمێ پڕبها یێ ئەردی دكەت، بێهنا خۆ لێ فرە‍‌ھ دكەت تاكو بارانێن پاییز و بهارێ لێ دبارن.

یەعقوب 5:8

هوین ژی بێهنا خۆ فرە‍‌ھ كەن و دلێ خۆ موكم كەن، چنكو هاتنا خودانی یا نێزیكە.

1 پەترۆس 5:4

دەمێ سەرۆكشڤان دیار دبیت، هوین دێ تانجا مەزناهیێ وەرگرن، ئەوا برسقینا وێ ئێكجار ل كێمیێ نادەت.

2 پەترۆس 1:16

چنكو دەمێ مە هاتنا ب هێز یا خودانێ مە عیسایێ مەسیح ب هەوە دایە زانین، ئەم نەكەفتینە دویڤ ئەفسانەیێن ب ژیری هاتینە چێكرن، لێ مە ب چاڤێن خۆ مەزناهیا وی دیت.

2 پەترۆس 3:4

دێ بێژن: «كا سۆزا هاتنا وی؟ چنكو ژ دەمێ نڤستنا بابكالان، هەمی تشت ژ دەستپێكا ئافراندنێ وەرە وەكو خۆ ماینە.»

1 یوحەننا 2:28

نوكە ژی، گەلی زاڕۆكان، د ناڤ وی دا بنەج‍‌ھ ببن، داكو دەمێ ئەو دیار ببیت، مە پشتڕاستی هەبیت و د هاتنا وی دا شەرم ژێ نەكەین.

یەهودا 1:24

بۆ وی یێ شیان هەین هەوە ژ هەلنگفتنێ بپارێزیت و هەوە بێ كێماسی ل پێشیا مەزناهیا خۆ ب دلخۆشیەكا مەزن راوەستینیت،

ئاشكراكرن 1:7

ئەڤە ئەو یێ ل گەل عەوران دهێت، هەمی چاڤ دێ وی بینن، خۆ ئەوێن رم ل وی دای ژی. هەمی هۆزێن جیهانێ ژ بەر وی دێ ب خەم كەڤن. بەلێ. ئامین.

ئاشكراكرن 22:12

«ئەڤە ئەز دێ زوی هێم. خەلاتێ من ل گەل منە، دا ل دویڤ كریارێن هەر ئێكی بدەمێ.