1 سالونیكی 2:16 - ئنجیلا پیرۆز

¹⁶ ئەو رێ نادەن كو ل گەل مللەتێن دی بئاخڤین دا قورتال ببن. ب ڤێ چەندێ ژی ئەو وەكو هەر جار چانتكێ خۆ یێ گونەهان تژی دكەن و ل دویماهیێ تۆڕەبوونا خودێ هاتە سەر وان.

1 سالونیكی 2:16 ပူးပေါင်းရင်းမြစ်များ

مزگینیا مەتتای 12:45

پاشی دچیت حەفت گیانێن دی یێن ژ خۆ پیستر ل گەل خۆ دئینیت و دچنە د وی جهی دا و تێدا ئاكنجی دبن. ئەڤجا رەوشا دویماهیێ یا وی مرۆڤی ژ یا بەرێ كمباختر لێ دهێت. رەوشا ڤی نفشێ خرابكار ژی دێ یا هۆسا بیت!»

مزگینیا مەتتای 23:32

ئەڤجا هوین ژی شووپا بابكالێن خۆ تەمام كەن.

مزگینیا مەتتای 24:14

و ئەڤ مزگینیا پاشایەتیێ دێ ل هەمی جیهانێ هێتە بەڵاڤكرن، كو بۆ هەمی مللەتان ببیتە شاهدەیی و پاشی دێ ب دویماهی هێت.

مزگینیا مەتتای 24:6

دێ هەوە گو‍‌ھ ل جەنگ و دەنگوباسێن جەنگان بیت. هشیار بن نەڤەجنقن، چنكو دڤێت ئەڤ تشتە روی بدەن. لێ ئەڤە هێشتا نە دویماهیە.

مزگینیا مەتتای 3:12

ملهێبا وی یا د دەستی دا و دێ بێدەرا خۆ پاقژ كەت و گەنمێ خۆ د عومبارێ دا خڕڤە كەت، لێ كایێ دێ ب ئاگرەكێ ناڤەمریێت، سوژیت.»

مزگینیا مەرقۆسی 16:16

یێ باوەریێ بینیت و بهێتە تافیركرن، دێ قورتال بیت و یێ باوەریێ نەئینیت دێ هێتە گونەهباركرن.

كارێن هنارتیان 13:45

دەمێ جوهیان ئەو جەماوەر دیتی، ژ چاڤپێڕانەبوونێ پڕ بوون و ب جڤینان بەرهنگاریا ئاخفتنا پاولۆسی كر.

كارێن هنارتیان 13:50

لێ جوهیان ژنكێن قەدرگران یێن كو هاتبوونە سەر باوەریا جوهیان و ریهسپیێن باژێڕی هاندان و تەپەسەریەك دژی پاولۆسی و بارناباسی ئاراند و ئەو ژ دەڤەرا خۆ دەرئێخستن.

كارێن هنارتیان 14:19

پاشی هندەك جوهی ژ ئەنتاكیایێ و كۆنیایێ هاتن و خەلك قاییل كر و پاولۆس بەرباران كر تاكو وان هزر كری یێ مری و خڕاندە ژ دەرڤەی باژێڕی.

كارێن هنارتیان 14:2

لێ ئەو جوهیێن باوەری نەئینای، مێشكێ نەجوهیان د سەردا بر و دژی برایان ئاراندن،

كارێن هنارتیان 14:5

هنگی هندەكێن نەجوهی و جوهیان ل گەل سەرۆكێن خۆ بڕیار دا كو هنارتیان كرێت و بەرباران بكەن،

كارێن هنارتیان 17:13

دەمێ جوهیێن سالونیكی زانی كو پاولۆس یێ مزگینیا پەیڤا خودێ ل بیرییە ژی بەڵاڤ دكەت، هاتن و ل وێرێ ژی خەلك ئازراند و تێكدان پەیدا كر.

كارێن هنارتیان 19:9

دەمێ هندەكان ركمانێ كری و نەڤیای باوەریێ بینن و ل بەرامبەر ئامادەبوویان جڤین داینە رێبازێ، پاولۆسی ئەو هێلان و شاگرد ل گەل خۆ برن و هەر رۆژ ل فێرگەها تیرانۆسی دانوستاندن دكر.

كارێن هنارتیان 21:21

وان یێ بهیستی، كو تۆ هەمی جوهیێن د ناڤ مللەتان دا فێر دكەی، كو ژ مووسای ڤاڕێ ببن و تۆ دبێژیە وان كو كوڕێن خۆ سونەت نەكەن و ل دویڤ داب و نەریتێن جوهیاتیێ نەچن.

كارێن هنارتیان 23:12

دەمێ بوویە سپێدە، هندەك جوهیان پیلانەك دانا و سویند خوار كو ئەو نەخۆن و نەڤەخۆن، تا ئەو پاولۆسی نەكوژن.

كارێن هنارتیان 24:9

جوهیان ژی پشتەڤانیا ڤێ تاوانباركرنێ كر و گۆتن كو ئەڤە هەمی وەسایە.

كارێن هنارتیان 25:2

ل وێرێ سەرۆكێن كاهنان و ریهسپیێن جوهیان، كێشا خۆ دژی پاولۆسی پێشكێش كر.

كارێن هنارتیان 25:7

دەمێ ئەو هاتی، جوهیێن كو ژ ئورشەلیمێ خواركەفتبوون، دەوروبەرێن وی گرتن و ئەو ب گەلەك تاوانێن گران تاوانبار كر، لێ نەشیان بسەلمینن.

كارێن هنارتیان 4:12

قورتالكرن ژ وی پێڤەتر ب دەستێ كەسەكێ دی نینە، چنكو چ ناڤێن دی د بن ئەسمانی ڤە بۆ مرۆڤان نەهاتینە دان، كو دڤێت ئەم پێ قورتال ببین.»

كارێن هنارتیان 9:23

پشتی بورینا گەلەك رۆژان، جوهیان پیلانەك دانا، دا وی بكوژن،

1 كورنتۆس 10:33

هەروەكو ئەز ژی هەوڵ ددەم د هەر تشتی دا هەمیان رازی بكەم، ئەز ل مفایێ خۆ ناگەڕیێم، لێ ئەز ل مفایێ گەلەكان دگەڕیێم، دا ئەو قورتال ببن.

گالاتیا 5:11

لێ ئەز، گەلی خویشك و برایان، ئەگەر هێشتا راگەهاندنێ بۆ سونەتكرنێ دكەم، پا بۆچی هێشتا دهێمە تەپەسەر كرن؟ ئەگەر وەسا با، هنگی دا ئاستەنگا خاچێ یا راكری بیت.

ئەفەسۆس 3:13

لەوما ئەز هیڤی ژ هەوە دكەم كو هوین بێ ئومێد نەبن ژ بەر ئازارێن ئەز بۆ هەوە دكێشم، ئەو بۆ هەوە مەزناهینە.

ئەفەسۆس 3:8

هەر چەندە د ناڤ هەمی پیرۆزكریان دا ئەز ژ یێ هەری كێم كێمترم، لێ ئەڤ كەرەمە بۆ من هاتیە دان، دا مزگینیێ د ناڤ مللەتێن نەجوهی دا بەڵاڤ بكەم دەربارەی دەولەمەندیا مەسیحی یا بێ سنوور

1 سالونیكی 1:10

و چاڤەڕێی كوڕێ وی بن كو دێ ژ ئەسمانان هێت، ئەوێ وی ژ ناڤ مریان راكری، عیسا، ئەوێ مە ژ تۆڕەبوونا دێ هێت قورتال دكەت.

2 سالونیكی 2:10

هەروەسا ل گەل هەر جۆرەكێ خرابیێ بۆ خاپاندنا یێن ژ ناڤ دچن، چنكو وان حەزژێكرنا راستیێ رەتكر، ئەوا دا وان قورتال كەت.

1 تیمۆتاوس 2:4

ئەوی دڤێت هەمی مرۆڤ قورتال ببن و بگەهنە زانینا راستیێ.

عیبرانی 6:8

لێ ئەگەر ستری و قیڤار دان، ئەو یێ بكێرنەهاتیە و نێزیكە نفرین لێ ببارن، كو دویماهیا وی سۆتنە.

ئاشكراكرن 22:11

ئەوێ خرابیێ دكەت، بلا هەر خرابیێ بكەت. یێ پیس ژی، بلا هەر یێ پیس بیت. یێ راستدار ژی، بلا هەر راستداریێ بكەت. یێ پیرۆز ژی، بلا هەر پیرۆز بمینیت.»