1 سالونیكی 2:13 - ئنجیلا پیرۆز

¹³ هەروەسا ئەم بێی دابڕین سوپاسیا خودێ دكەین، چنكو دەمێ هەوە پەیڤا خودێ ژ مە بهیستی، هەوە قەبیل كر نە هەروەكو ئەو پەیڤا مرۆڤان بیت، لێ هەروەكو ئەو پەیڤا خودێ بیت، ب راستی ژی ئەو پەیڤا خودێیە كو د هەوەیێن باوەردار دا كار دكەت.

1 سالونیكی 2:13 ပူးပေါင်းရင်းမြစ်များ

مزگینیا مەتتای 10:20

چنكو نە هوینن ئەوێ دئاخڤیت، لێ گیانێ بابێ هەوە یێ د ناڤ هەوە دا دئاخڤیت.

مزگینیا مەتتای 10:40

ئەوێ هەوە قەبیل بكەت، ئەز قەبیل كرم و یێ من قەبیل بكەت، ئەوی ئەو قەبیل كر یێ ئەز هنارتیم.

مزگینیا لوقای 11:28

لێ عیسای گۆت: «هێشتا پتر خوزیكێن وان ئەوێن گو‍‌ھ ل پەیڤا خودێ دبن و پێ دكەن.»

مزگینیا لوقای 5:1

رۆژەكێ عیسا ل بەر لێڤا دەریاكا جەنیسارتێ یێ راوەستیای بوو، خەلك ژ بۆ گوهدانا پەیڤا خودێ ل دۆرێن وی خڕڤە ببوون.

مزگینیا لوقای 8:11

ئەڤەیە مەبەستا نموونەیێ: تۆڤ پەیڤا خودێیە.

مزگینیا لوقای 8:21

لێ وی بەرسڤا وان دا و گۆت: «دایكا من و برایێن من ئەون یێن گو‍‌ھ ل پەیڤا خودێ دگرن و پێ دكەن.»

مزگینیا یوحەننای 15:3

هوین نوكە ژ بەر وێ پەیڤا من بۆ هەوە گۆتی د پاقژن.

مزگینیا یوحەننای 17:17

وان ب راستیێ پیرۆز بكە، پەیڤا تەیە راستی.

مزگینیا یوحەننای 17:19

ژ پێخەمەت وان ئەز خۆ پیرۆز دكەم، دا ئەو ژی ب راستیێ بهێنە پیرۆز كرن.

كارێن هنارتیان 10:33

ئەڤجا د ج‍‌ھ دا من هنارتە ب دویڤ تە را و تە باش كر تۆ هاتی و ئەم هەمی نوكە ل بەرامبەر خودێ د ئامادەینە، دا مە گو‍‌ھ ل هەمی تشتان ببیت، یێن خودانی فەرمان ل تە كری كو تۆ بێژیە مە.»

كارێن هنارتیان 13:48

دەمێ یێن نەجوهی ئەڤ چەندە بهیستی، دلخۆش بوون و پەسنا پەیڤا خودانی كرن و هەمیێن ژ بۆ ژیانا هەروهەر هاتینە دەستنیشانكرن، باوەری ئینا.

كارێن هنارتیان 16:14

ژنكەكا خودێپەرێس گوهداریا مە دكر، ناڤێ وێ لیدیا بوو، خەلكا باژێڕێ تیاتیرا بوو، وێ بازرگانی ب پەڕوكێ بنەفشی دكر، خودانی دلێ وێ ڤەكربوو داكو گوهداریا ئاخفتنێن پاولۆسی بكەت.

كارێن هنارتیان 17:11

ئەڤ جوهییە ژ یێن ل سالونیكی جوامێرتر بوون، وان پەیڤا خودێ گەلەك ب گەرمی وەرگرت و رۆژانە نڤیسار دخواندن، دا بزانن كا فێركرنا پاولۆس و سیلاسی یا راست بوو یان نە.

كارێن هنارتیان 17:32

دەمێ ئامادەبوویان گو‍‌ھ ل رابوونا مریان بووی، هندەك ژ وان سڤكاتی پێ كر، لێ هندەكێن دی گۆتێ: «ل دۆر ڤی بابەتی، دێ ل دەمەكێ دی گوهێ خۆ دەینە تە.»

كارێن هنارتیان 2:41

ئەو كەسێن ئاخفتنا وی ب دلەكێ فرە‍‌ھ وەرگرتی، هاتنە تافیركرن و ل وێ رۆژێ نێزیكی سێ هزار مرۆڤان گەهشتنە جڤاتا وان.

كارێن هنارتیان 8:14

دەمێ هنارتیان ل ئورشەلیمێ بهیستی كو خەلكێ سامەریایێ پەیڤا خودێ یا وەرگرتی، پەترۆس و یوحەننا بۆ هنارتن.

رۆما 10:17

ئەڤجا باوەری ژ بهیستنێ دهێت و بهیستن ژی ب رێكا پەیاما مەسیحی دهێت.

2 كورنتۆس 3:18

ئەم هەمی ژی ب دێمەكێ بێ پێچە رەونەقیا خودانی رەنگڤەددەین، ژ رەونەقەكێ بۆ رەونەقەكا دی بەرەڤ وێنەیێ وی دهێینە گوهۆڕین، ئەڤ چەندە ژی ژ خودانیە، ئەوێ كو گیان ب خۆیە.

گالاتیا 4:14

هەر چەندە نەساخیا من بۆ هەوە تاقیكرن بوو، لێ هەوە ئەز بێڕێز نەكرم و پشتا خۆ نەدا من، هەوە وەكو فریشتەیەكێ خودێ یان وەكو مەسیح عیسای ئەز قەبیل كرم.

عیبرانی 4:12

پەیڤا خودێ یا زیندی و كاریگەرە، ژ هەر شیرەكێ دوودەڤ تیژترە، ئەو هەتا د ناڤبەرا دەروون و گیانی دا و گە‍‌ھ و مەژیێ هەستی دا دبڕیت، دشێت هزر و نیازێن دلی یێن باش و خراب ژ ئێك جودا بكەت.

عیبرانی 4:2

چنكو مزگینی بۆ مە ژی وەكو وان هاتە راگەهاندن، لێ ئەو پەیاما وان بهیستی چ مفا بۆ وان نەبوو، ژ بەر كو ئەو خەلك ل گەل وان یێن ب باوەری بهیستی، د ئێكگرتی نەبوون.

یەعقوب 1:18

ل دویڤ حەزا خۆ ب رێكا پەیڤا راستیێ وی ئەم بووین، داكو ببینە خێڤەیێ ئافراندیێن وی.

1 پەترۆس 1:23

هوین ب رێكا پەیڤا خودێ یا زیندی یا دمینیت ژ دایك بووینەڤە، نە ژ تۆڤەكێ كو پویچ دبیت، لێ ژ یێ پویچ نابیت.

1 پەترۆس 1:25

لێ پەیڤا خودانی هەتا هەتایێ دمینیت.» ئەڤە ئەو پەیڤە یا بۆ هەوە وەكو مزگینی هاتیە راگەهاندن.

1 پەترۆس 2:2

مادەم هەوە تام كریە كو خودان یێ باشە، ئێدی وەكو زاڕۆكێن ساڤا، دلێ خۆ ببەنە شیرێ روحانی یێ بێسەختە، دا بۆ قورتالبوونێ وەرارێ پێ بكەن.

2 پەترۆس 3:2

دا بیرا هەوە بهێتە پەیڤێن پێغەمبەرێن پیرۆز و فەرمانێن خودان و قورتالكەری یێن هنارتیێن هەوە هوین پێ ئاگەهدار كرین.

1 یوحەننا 3:3

هەر كەسێ ئەڤ هیڤیە ب وی هەبیت، خۆ پاك دكەت، كا چەوا مەسیح یێ پاكە.