1 سالونیكی 1:8 - ئنجیلا پیرۆز

⁸ چنكو دەنگێ پەیڤا خودانی ژ نك هەوە بەڵاڤ بوویە، نە ب تنێ گەهشتیە مەقدۆنیایێ و ئەخایایێ، لێ دەنگوباسێ باوەریا هەوە ب خودێ ل هەمی جهان بەڵاڤ بوویە و ئێدی پێدڤی نینە كو ئەم ئاخفتنەكێ ل سەر بێژین.

1 سالونیكی 1:8 ပူးပေါင်းရင်းမြစ်များ

كارێن هنارتیان 18:12

دەمێ گالیونی حوكمڕانی ل سەر هەرێما ئەخایا دكر، جوهی ب ئێك دەست دژی پاولۆسی رابوون و ئەو برە دادگەهێ.

رۆما 1:8

بەری هەر تشتی، ئەز ب رێیا عیسایێ مەسیح ژ بۆ هەوە هەمیان سوپاسیا خودایێ خۆ دكەم، چنكو باوەریا هەوە ل سەرانسەری جیهانێ یا دەنگ ڤەدای.

رۆما 15:26

چنكو باوەردارێن مەقدۆنیا و ئەخایایێ پێخۆش بوو، كو هاریكاریەكێ بدەنە پیرۆزكریێن هەژار، ئەوێن ل ئورشەلیمێ.

رۆما 16:19

گوهداریا هەوە گەهشتە گوهێن هەمیان، لەوما ئەز ب هەوە دلخۆشم. لێ من دڤێت هوین ل سەر باشیێ د هشیار بن و ل سەر خرابیێ د بێگونە‍‌ھ بن.

1 كورنتۆس 14:36

ما پەیڤا خودێ ژ نك هەوە دەركەفتیە؟ ما پەیڤا خودێ گەهشتیە هەوە ب تنێ؟

2 كورنتۆس 2:14

لێ سوپاس بۆ خودێ، ئەوێ هەردەم د نمایشا سەركەفتنا خۆ دا ب مەسیحی مە پێشڤە دبەت، ب رێكا مە بێهنا خۆش یا نیاسینا خۆ ل هەمی جهان بەڵاڤ دكەت.

2 كورنتۆس 3:4

مە پشتڕاستیەكا وەسا ب رێكا مەسیحی ل نك خودێ یا هەی،

كۆلۆسی 3:16

بلا پەیڤا مەسیحی ب دەولەمەندیا خۆ د دلێ هەوە دا ئاكنجی ببیت، هوین ژی ب هەمی ئاقلمەندی ئێكودوو فێر بكەن و ئاگەهدار بكەن، زەبووران و سروود و سترانێن روحانی، ب سوپاسداری ژ دلێ خۆ بۆ خودێ بسترن.

2 سالونیكی 1:4

لەوما ئەم ب خۆ د ناڤ جڤاكێن گازیكریێن خودێ دا شانازیێ ب هەوە دبەین، ژ پێخەمەت خۆڕاگری و باوەریا هەوە د وان هەمی تەپەسەری و تەنگاڤیان دا یێن هوین خۆ ل بەر رادگرن.

2 سالونیكی 3:1

ل دویماهیێ گەلی خویشك و برایان، نڤێژان ژ بۆ مە بكەن، داكو پەیڤا خودانی ب لەز بەڵاڤ ببیت و بهێتە مەزنكرن، هەروەكو د ناڤ هەوە ژی دا چێبووی.

1 تیمۆتاوس 2:8

ئەڤجا من دڤێت ل هەر جهەكێ هوین كۆم دبن، زەڵام نڤێژان بكەن. بلا دەستێن خۆ، بێی تۆڕەبوون و گەنگەشە، ب پیرۆزی بلند بكەن.

2 تیمۆتاوس 2:9

ئەوا ژ بەر وێ ئەز ئازارێ دكێشم، تاكو وی رادەی هاتیمە قەیدكرن وەكو تاوانبارەكی. لێ پەیڤا خودێ نەهاتیە قەیدكرن.

3 یوحەننا 1:12

سەبارەت دیمیتریۆسی، هەمی كەس بۆ باشیا وی شاهدەییێ ددەن، خۆ پەیاما راستیێ ب خۆ ژی شاهدەییێ بۆ ددەت. ئەم ژی شاهدەییێ بۆ ددەین و هوین دزانن كو شاهدەییا مە یا راستە.

ئاشكراكرن 14:6

پشتی هنگی من فریشتەیەكێ دی دیت، ل ناڤەندا ئەسمانی دفڕی، مزگینیا هەروهەری هەبوو، دا وێ بۆ ئاكنجیێن ئەردی ژ هەمی مللەت و هۆز و زمان و گەلان رابگەهینیت،

ئاشكراكرن 22:17

گیانێ پیرۆز و بویك دبێژن: «وەرە!» و یێ دبهیسیت بلا بێژیت: «وەرە!» و یێ تێهنی بلا بهێت و یێ دڤێت بلا بێ بەرامبەر ئاڤا ژیانێ وەرگریت.