1 سالونیكی 1:3 - ئنجیلا پیرۆز

³ ل بەرامبەر خودێ، بابێ مە، بێی دابڕین كریارێن هەوە یێن ژ باوەریێ و رەنجا هەوە یا ژ حەزژێكرنێ و خۆڕاگریا هەوە یا ژ وێ هیڤیێ دزێت یا هەوە ب خودانێ مە عیسایێ مەسیح هەی، دئینینە بیرا خۆ.

1 سالونیكی 1:3 ပူးပေါင်းရင်းမြစ်များ

مزگینیا یوحەننای 14:15

«ئەگەر هوین حەز ژ من دكەن، هوین دێ فەرمانێن من ب ج‍‌ھ ئینن.

مزگینیا یوحەننای 15:10

ئەگەر هوین فەرمانێن من ب ج‍‌ھ بینن، دێ د ناڤ حەزژێكرنا من دا بنەج‍‌ھ بن، هەروەكو من فەرمانێن بابێ خۆ ب ج‍‌ھ ئیناین و د ناڤ حەزژێكرنا وی دا بنەج‍‌ھ دبم.

كارێن هنارتیان 10:31

و گۆتە من: ‹كورنیلیۆس، خودێ گو‍‌ھ ل نڤێژا تە بوو و هاریكاریێن تە بۆ هەژاران كرین ل بیرا وینە،

كارێن هنارتیان 3:19

ئەڤجا ل خۆ بزڤڕن و بۆ خودێ ڤەگەڕنەڤە دا ل گونەهێن هەوە بهێتە بورین،

رۆما 12:12

د هیڤیێ دا د دلخۆش بن، د تەنگاڤیێ دا د خۆڕاگر بن، ل سەر نڤێژكرنێ د بەردەوام بن.

رۆما 15:13

ئەڤجا بلا خودایێ هیڤیێ، ب رێكا باوەریێ هەوە تژی هەمی شادی و ئاشتی بكەت، دا هیڤیا هەوە ب هێزا گیانێ پیرۆز د سەردا بڕژیێت.

رۆما 15:4

چنكو هەمی تشتێن ژ كەڤن دا هاتینە نڤیسین، ئەو بۆ فێركرنا مە هاتبوونە نڤیسین، دا مە ب رێكا هەدار و هاندانا ژ نڤیسارێن پیرۆز دهێت هیڤی هەبیت.

رۆما 16:26

لێ نوكە ل دویڤ فەرمانا خودایێ هەروهەر هەی، ب رێكا نڤیسارێن پێغەمبەران، ئاشكرا بوو، دا هەمی مللەت باوەریێ پێ بینن و گوهداریا وی بكەن،

رۆما 16:6

سڵاڤان ل مەریەمێ بكەن، ئەوا ژ بۆ هەوە خۆ گەلەك وەستاندی.

رۆما 2:7

دێ ژیانا هەروهەر دەتە وان، یێن ب رێكا بەردەوامبوونێ ل سەر كریارێن باش بزاڤێ دكەن كو مەزناهیێ و سەربلندیێ و نەمریێ وەكو خەلات ژ نك خودێ وەرگرن.

1 كورنتۆس 13:13

ئەڤجا ئەڤ هەر سێیە دمینن: باوەری، هیڤی و حەزژێكرن و یا ژ هەمیان مەزنتر حەزژێكرنە.

1 كورنتۆس 15:58

ژ بەر ڤێ چەندێ، هەی خویشك و برایێن من یێن خۆشتڤی، د قاییم بن، د نەلڤ بن، د كارێ خودانی دا هەردەم د پڕ بزاڤ بن، چنكو هوین دزانن رەنجا هەوە بۆ خودانی یا ژ قەستا نینە.

2 كورنتۆس 2:17

ئەم وەكو گەلەك كەسان نینین بازرگانیێ ب پەیڤا خودێ بكەین، لێ ئەم وەكو مرۆڤێن ژ لایێ خودێ ڤە هاتینە هنارتن، ل بەرامبەری خودێ ل دویڤ حەزا مەسیحی ب نیازپاكی دئاخڤین.

گالاتیا 1:4

ئەوێ خۆ گۆری گونەهێن مە كری، دا مە ل دویڤ حەزا خودێ و بابێ مە ژ جیهانا نوكە یا خراب قورتال بكەت.

گالاتیا 5:13

هوین گەلی خویشك و برایان، ژ بۆ ئازادیێ یێن هاتینە گازی كرن، لێ وێ ئازادیێ نەكەنە بەهانە بۆ حەزێن لەشی، بەلكو ب حەزژێكرنێ خزمەتا ئێكودوو بكەن.

گالاتیا 5:6

چنكو د ئێكبوونا ل گەل مەسیح عیسای دا، سونەتبوون و سونەتنەبوون هەردوو د بێ مفانە، لێ ب تنێ ئەو باوەریا ب حەزژێكرنێ كار دكەت، یا ب مفایە.

گالاتیا 6:9

بلا ئەم ژ كرنا چاكیێ دلسار نەبین، چنكو ئەگەر ئەم دەست ژێ بەرنەدەین، ئەم دێ د دەمێ گونجای دا هەلینین.

1 سالونیكی 3:6

لێ نوكە تیمۆتاوس ژ نك هەوە زڤڕی نك مە و مزگینیا باوەری و حەزژێكرنا هەوە دایە مە. وی گۆتە مە كو هوین هەردەم مە ب باشی دئیننە بیرا خۆ و شەیدایێن دیتنا مە نە، هەروەكو ئەم ژی شەیدایێن دیتنا هەوە.

2 سالونیكی 1:11

بۆ ڤێ مەبەستێ ژی ئەم هەردەم ژ بۆ هەوە نڤێژان دكەین، كو خودایێ مە وە ل هەوە بكەت، هوین هەژی وێ گازیكرنێ بن یا وی هوین بۆ وێ گازی كرین و هەمی نیازێن هەوە یێن چاكیێ و كریارێن هەوە یێن ب باوەریێ دهێنە كرن، ب هێزا خۆ تەمام بكەت،

2 سالونیكی 1:3

پێدڤیە ئەم هەرگاڤ ژ پێخەمەت هەوە، گەلی خویشك و برایان، سوپاسیا خودێ بكەین. سوپاسیكرن ژی د جهێ خۆ دایە، چنكو باوەریا هەوە گەلەك وەرارێ دكەت و حەزژێكرنا هەر ئێك ژ هەوە بۆ ئێكودوو زێدە دبیت.

1 تیمۆتاوس 1:14

كەرەما خودانێ مە ژی بۆ من گەلەك ب سەر دا چوو، ل گەل باوەری و حەزژێكرنا د ئێكبوونا ل گەل مەسیح عیسای دا.

1 تیمۆتاوس 2:3

ئەڤ چەندە یا باشە و جهێ دلخۆشیێیە ل نك قورتالكەرێ مە خودێ.

عیبرانی 10:36

هوین د پێدڤی خۆڕاگریێنە، داكو پشتی هوین حەزا خودێ ب ج‍‌ھ دئینن، ئەوا سۆز پێ هاتیە دان وەرگرن.

عیبرانی 11:17

ب باوەریێ ئیبراهیمی ئیسحاق وەكو قوربان پێشكێش كر، دەمێ خودێ ئەو ئێخستیە د تاقیكرنێ دا. ئەوێ سۆز بۆ وی هاتینە دان ئێكانەیێ خۆ پێشكێش كر،

عیبرانی 13:21

هەوە ب هەر تشتەكێ باش ئامادە بكەت، دا هوین حەزا وی ب ج‍‌ھ بینن. بلا كارێ ب دلێ خۆ ب رێیا عیسایێ مەسیح د مە دا بكەت، هەتا هەتایێ مەزناهی بۆ وی بیت. ئامین.

عیبرانی 4:11

لەوما بلا ئەم بزاڤێ بكەین كو ب ژۆر بكەڤینە د وێ بێهنڤەدانێ دا، دا كەس ژ ئەنجامدانا هەمان نموونەیا نەگوهداریێ ژ ناڤ نەچیت.

عیبرانی 6:15

ب ڤی ئاوایی، پشتی ئیبراهیمی بێهنا خۆ فرە‍‌ھ كری، سۆز ب دەست ڤە ئینا.

1 پەترۆس 3:4

لێ بلا خەملا هەوە ناڤخۆیا دلێ هەوە بیت، بلا گیانەكێ نەرم و ئارام بیت، ئەڤەیە ئەو جوانیا پویچ نابیت و ل نك خودێ یا بهاگرانە.

1 یوحەننا 3:18

گەلی زاڕۆكان، بلا ئەم حەزژێكرنێ بكەین، نە ب پەیڤێ و ئەزمانی، لێ ب كریار و راستیێ.

1 یوحەننا 3:21

گەلی خۆشتڤیان، ئەگەر دلێ مە، مە گونەهبار نەكەت، مە ل نك خودێ پشتڕاستی یا هەی

1 یوحەننا 3:3

هەر كەسێ ئەڤ هیڤیە ب وی هەبیت، خۆ پاك دكەت، كا چەوا مەسیح یێ پاكە.

1 یوحەننا 5:3

چنكو حەزژێكرنا مە بۆ خودێ ئەڤەیە، كو ئەم فەرمانێن وی ب ج‍‌ھ بینین. فەرمانێن وی ژی نە بارگرانینە.

ئاشكراكرن 2:19

من های ژ كریارێن تە، ئانكو حەزژێكرن و باوەری و خزمەت و خۆڕاگرتنا تە، هەیە. هەروەسا دزانم كو كریارێن تە یێن ڤێ دویماهیێ ژ یێن دەستپێكێ پترن.

ئاشكراكرن 3:10

مادەم تە پەیڤا من ل دۆر خۆڕاگریێ ب ج‍‌ھ ئینا، ئەز ژی دێ تە ژ دەمژمێرا تاقیكرنێ پارێزم، ئەوا كو نێزیكە بهێتە سەر هەمی جیهانێ، دا ئاكنجیێن ل سەر ئەردی تاقی بكەت.