1 پەترۆس 5:9 - ئنجیلا پیرۆز

⁹ موكم د باوەریێ دا بەرهنگاریا وی بكەن، چنكو هوین دزانن كو خویشك و برایێن هەوە ل سەرانسەری جیهانێ هەمان ئەڤێ ئازارێ دكێشن.

1 پەترۆس 5:9 ပူးပေါင်းရင်းမြစ်များ

مزگینیا لوقای 22:32

لێ من بۆ تە داخواز ژ خودێ كر، داكو باوەریا تە ژ ناڤ نەچیت. تۆ ژی دەمێ ڤەگەڕیای، برایێن خۆ بهێز بئێخە.»

مزگینیا یوحەننای 16:33

من ئەڤ تشتە بۆ هەوە گۆتن، دا هەوە ئاشتی د ناڤ من دا هەبیت. د جیهانێ دا هوین دێ د تەنگاڤیێ دا بن. لێ د وێرەك بن: من سەركەفتن ل سەر جیهانێ ئینا.»

كارێن هنارتیان 14:22

وان دلێ شاگردان خورت دكر و ئەو هانددان كو د باوەریێ دا د خۆڕاگر بن و گۆتە وان: «دڤێت ئەم د گەلەك تەنگاڤیان را دەرباز ببین، دا بچینە د پاشایەتیا خودێ دا.»

1 كورنتۆس 10:13

چ تاقیكرن ب سەرێ هەوە نەهاتینە، ژبلی یێن ب سەرێ هەمی مرۆڤان دهێن. خودێ یێ دلسۆزە: ئەو ناهێلیت هوین زێدەتر ژ شیانا هەوە بهێنە تاقیكرن، ئەو دێ ل گەل تاقیكرنێ دەرگەهەكێ خۆ رزگاركرنێ ژی ڤەكەت، دا هوین بشێن خۆ ل بەر بگرن.

ئەفەسۆس 4:27

نە ژی رێكێ بدەنە ئبلیسی.

ئەفەسۆس 6:16

د سەر ڤان تشتان را، مەتاڵێ باوەریێ د دەستێ هەوە دا یێ هەلگرتی بیت، ئەوێ كو ب وی هوین دشێن وان تیرێن ئاگرینی ڤەمرینن یێن خرابكار د هەوە وەردكەت.

كۆلۆسی 2:5

چنكو ئەگەر ب لەشی ئەز ل نك هەوە یێ ئامادە نەبم، لێ ب گیانی ئەز ل گەل هەوەمە، ب دیتنا رێكوپێكی و موكمیا باوەریا هەوە ب مەسیحی، دلخۆش دبم.

1 سالونیكی 3:3

دا د ڤان تەنگاڤیان دا كەس ژ هەوە نەلقیێت. هوین ب خۆ دزانن كو ئەم بۆ ڤان تشتان یێن هاتینە دەستنیشانكرن،

1 تیمۆتاوس 6:12

د خەباتا باش یا باوەریێ دا خۆ بوەستینە و خۆ ب ژیانا هەروهەر ڤە بگرە، ئەوا تۆ بۆ وێ هاتیە گازیكرن و تە ل بەرامبەر گەلەك شاهدان شاهدەییا باش بۆ وێ دای.

2 تیمۆتاوس 3:12

بەلێ، هەمی ئەوێن دڤێن د ئێكبوونا ل گەل مەسیح عیسای دا ب خودێترسی بژین، دێ هێنە تەپەسەركرن.

2 تیمۆتاوس 4:7

ئەز د خەباتا باش دا خەبتیم، من بەریكانا خۆ تەمام كر، باوەری پاراست.

عیبرانی 11:33

ئەوان ب باوەریێ پاشایەتی بندەست كرن، دادپەروەری ب ج‍‌ھ ئینا، سۆز ب دەست خۆ ڤە ئینان، دەڤێ شێران گرێ دا،

عیبرانی 12:8

لێ ئەگەر هوین ژ وێ تەمبیكرنێ د بێبەهر بن، ئەوا هەمی كوڕ تێدا پشكدار دبن، هنگی هوین بیژینە، نە كوڕێن وینە.

یەعقوب 4:7

لەوما ملكەچی خودێ ببن. دژی ئبلیسی راوەستن و ئەو دێ ژ بەر هەوە رەڤیت.

1 پەترۆس 1:6

هوین ب وێ چەندێ دلخۆش دبن، سەرەڕای كو نوكە دڤێت هوین بۆ دەمەكێ كورت ژ بەر تاقیكرنێن جۆراوجۆر تووشی خەمگینیێ ببن،

1 پەترۆس 2:21

بۆ وی تشتی هوین یێن هاتینە گازیكرن، چنكو مەسیحی ژی ژ پێخەمەت هەوە ئازار كێشان و هۆسا نموونەیەك بۆ هەوە ب ج‍‌ھ هێلا، دا ل دویڤ شووپا وی بچن،

1 پەترۆس 3:14

لێ ئەگەر هوین ژ پێخەمەت راستداریێ هاتنە ئازاردان ژی، ئەو خوزیكێن هەوە. ژ وان كەسان نەترسن و تێكنەچن،

1 پەترۆس 4:13

لێ دلخۆش ببن كو هوین بووینە پشكدارێن ئازارێن مەسیحی، دا دەمێ مەزناهیا وی دیار دبیت ژی، هوین دلخۆش و دلشاد ببن.

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.

ئاشكراكرن 6:11

هنگی بۆ هەر ئێك ژ وان كراسەكێ سپی هاتە دان و بۆ وان هاتە گۆتن كو دەمەكێ كورت بێهنا خۆ ڤەدەن تاكو ژمارەیا هەڤبەنیێن وان و خویشك و برایێن وان، ئەوێن دێ وەكو وان هێنە كوشتن، تەمام ببیت.

ئاشكراكرن 7:14

من گۆتێ: «ئەزبەنی، تۆ دزانی.» هنگی وی گۆتە من: «ئەڤە ئەون یێن ژ تەنگاڤیا مەزن هاتین و جلكێن خۆ ب خوینا بەرخی شویشتین و سپی كرین.