1 پەترۆس 5:8 - ئنجیلا پیرۆز

⁸ هەوە های ژ خۆ هەبیت و هشیار بمینن. نەیارێ هەوە ئبلیس، وەكو شێرەكێ نڕنڕی دگەڕیێت دا ئێكی بخۆت.

1 پەترۆس 5:8 ပူးပေါင်းရင်းမြစ်များ

مزگینیا مەتتای 13:39

و ئەو دوژمنێ زیوان چاندی ئبلیسە، دروین ژی دویماهیا جیهانێیە و پالەیێن دروینێ ژی فریشتەنە.

مزگینیا مەتتای 24:42

ئەڤجا هشیار بمینن، چنكو هوین نزانن كیژ رۆژێ دێ خودانێ هەوە هێت،

مزگینیا مەتتای 25:41

پاشی دێ بێژیتە ئەوێن ل دەستێ چەپێ: ‹ژ من دویر بكەڤن، هەی ئەوێن تۆڕەبوونا بابێ من ل سەر، بەرەڤ ئاگرێ هەروهەر، ئەوێ بۆ ئبلیسی و فریشتەیێن وی هاتیە ئامادەكرن،

مزگینیا مەتتای 4:1

پاشی گیانێ خودێ عیسا برە چۆلی، دا ژ لایێ ئبلیسی ڤە بهێتە تاقیكرن.

مزگینیا مەتتای 4:11

وی دەمی ئبلیسی ئەو هێلا و وەسا چێبوو فریشتە هاتنە نك و خزمەتا وی كر.

مزگینیا مەرقۆسی 4:15

ئەوێن ل سەر رێكێ، ل وی جهێ پەیڤ دهێتە چاندن، ئەڤەنە: دەمێ گو‍‌ھ لێ دبن، ئێكسەر ئبلیس دهێت و پەیڤا د دلێ وان دا هاتیە چاندن، دڕەڤینیت.

مزگینیا لوقای 21:34

هشیاری خۆ بن، نەكو دلێن هەوە ب مەی ڤەخوارنێ و سەرخۆشیێ و خەمێن ژیانێ گران ببن و ئەو رۆژ ژ نشكەكێ ڤە ب سەر هەوە دا بهێت،

مزگینیا لوقای 21:36

ئەڤجا هشیار بمینن و ل هەمی دەمان نڤێژان بكەن، داكو هوین بشێن خۆ ژ ڤان هەمی تشتێن كو نێزیكە دێ روی دەن قورتال بكەن و رویسپی ل بەرامبەر كوڕێ مرۆڤ راوەستن.»

مزگینیا لوقای 22:31

شەمعون، شەمعون، گوهێ خۆ بدێ: ئبلیسی داخوازا هەوە یا كری، دا وەكو گەنمی هەوە بێژینگ بكەت.

مزگینیا یوحەننای 8:44

هوین ژ بابێ خۆ ئبلیسینە و هەوە دڤێت حەزێن بابێ خۆ ب ج‍‌ھ بینن. ئەو ل دەستپێكێ مێركوژ بوو و چ جاران لایەنگرێ راستیێ نەبوو، چنكو راستی د وی دا نینە. دەمێ ئەو درەوێ دكەت، ئەو ل گۆر سرۆشتێ خۆ دئاخڤیت، چنكو ئەو درەوینە و بابێ درەوێیە.

2 كورنتۆس 2:11

دا ئبلیس كەیسێ خۆ د مە را نەبینیت، چنكو ئەم ژ پیلانێن وی د بێ ئاگە‍‌ھ نینین.

ئەفەسۆس 4:27

نە ژی رێكێ بدەنە ئبلیسی.

ئەفەسۆس 6:11

خۆ ب هەمی چەكێن خودێ چەكدار بكەن، دا هوین بشێن ل بەرامبەری پیلانێن ئبلیسی خۆ راگرن.

1 تیمۆتاوس 2:15

لێ ب زاڕۆكئینانێ دێ قورتال بیت، ئەگەر ئەو ب خۆڕاگری د باوەری و حەزژێكرن و پیرۆزی دا بمینن.

1 تیمۆتاوس 2:9

هەروەسا من دڤێت ژنك ب جلكێن بكێرهاتی، ب تۆرە و بەرئاقلی خۆ بخەملینن، نە ب ڤەهاندنا پرچا خۆ، یان زێڕ، یان مراری، یان ژی جلكێن بهاگران،

1 تیمۆتاوس 3:11

هەروەسا ژن ژی پێدڤیە بڕێز بن، بوهتانكار نەبن، ل سەر خۆ د زاڵ بن و د هەمی تشتان دا د دلسۆز بن.

1 تیمۆتاوس 3:2

ئەڤجا پێدڤیە چاڤدێر: گازندە ل سەر نەبیت، مێرێ ئێك ژن بیت، ل سەر خۆ یێ زاڵ بیت، خودان رەفتارەكا ئاقلانە بیت، یێ رێزدار بیت، یێ مێڤاندار بیت و بشێت فێركرنێ بكەت،

2 تیمۆتاوس 4:17

لێ خودان ل گەل من راوەستیا و ئەز بهێز ئێخستم، دا ب رێكا من مزگینی ب تەمامی بهێتە راگەهاندن و هەمی مللەت ببهیسن، وەسا ئەز ژ دەڤێ شێری هاتمە رزگاركرن.

تیتۆس 1:8

لێ دڤێت یێ مێڤاندار بیت، حەز ژ باشیێ بكەت، خودان رەفتارەكا ئاقلانە بیت، یێ راست و دروست بیت، یێ پیرۆز و ل سەر خۆ یێ زاڵ بیت.

تیتۆس 2:12

ئەو كەرەم مە پەروەردە دكەت كو خودێنەنیاسیێ و حەزێن ڤێ جیهانێ رەت بكەین و ب ئاقلداری و راستداری و خودێترسیێ د ڤی سەردەمی دا بژین

تیتۆس 2:2

بلا پیرەمێر ل سەر خۆ د زاڵ بن، خودان رێز بن، خودان رەفتارەكا ئاقلانە بن، د باوەریێ و حەزژێكرنێ و خۆڕاگریێ دا د ساخلەم بن.

تیتۆس 2:4

دا ژنێن گەنج پەروەردە بكەن كو حەز ژ مێرێن خۆ و حەز ژ زاڕۆكێن خۆ بكەن،

تیتۆس 2:6

هۆسا شیرەتان ل زەڵامێن گەنج ژی بكە، كو خودان رەفتارەكا ئاقلانە بن.

یەعقوب 4:7

لەوما ملكەچی خودێ ببن. دژی ئبلیسی راوەستن و ئەو دێ ژ بەر هەوە رەڤیت.

1 پەترۆس 1:13

لەوما مێشكێ خۆ بۆ كاری ئامادە بكەن و ل سەر هشێن خۆ بن، ب تەمامی هیڤیا خۆ ب وێ كەرەمێ ڤە گرێ بدەن، ئەوا ل دەمێ دیاربوونا عیسایێ مەسیح دێ بۆ هەوە هێتە ئینان.

1 پەترۆس 4:7

دویماهیا هەر تشتی یا نێزیك بووی، لەوما ل سەر خۆ د زاڵ بن و د هشیار بن ژ بۆ نڤێژكرنێ.

ئاشكراكرن 12:10

هنگی من دەنگەكێ بلند بهیست ژ ئەسمانی دگۆت: «نوكە قورتالبوون و هێز و پاشایەتیا خودایێ مە و دەستهەلاتا مەسیحێ وی یێن هاتین، چنكو سكالاكەرێ دژی خویشك و برایێن مە، ئەوێ ب شەڤ و رۆژ ل پێشیا خودایێ مە سكالایێ ل وان دكەت، بۆ ئەردی هاتە هاڤێتن.

ئاشكراكرن 12:12

ژ بەر ڤێ چەندێ دلخۆش ببن، هەی ئەسمانان و یێن تێدا ئاكنجی. لێ نەخوزیكێن ئەردی و دەریایێ، چنكو ئبلیس بۆ هەوە ب تۆڕەبوونەكا مەزن هاتیە خوارێ، ژ بەر كو ئەو دزانیت دەمێ وی یێ كێمە.»

ئاشكراكرن 12:9

ئەژدەهایێ مەزن، ئەو مارێ كەڤنە یێ كو دبێژنێ ئبلیس و ساتان، ئەوێ هەمی جیهانێ دخاپینیت، ئەو بۆ ئەردی هاتە هاڤێتن و فریشتەیێن وی ژی ل گەل وی هاتنە هاڤێتن.

ئاشكراكرن 20:10

و ئەو ئبلیسێ ئەو خاپاندین، بۆ ناڤ دەریاكا ئاگری و كپریتێ هاتە هاڤێتن، بۆ وی جهێ دڕندە و پێغەمبەرێ درەوین تێدا. ئەو دێ ب شەڤ و رۆژ، بۆ هەتا هەتایێ هێنە ئەشكەنجە دان.

ئاشكراكرن 20:2

ئەوی ئەژدەها، ئانكو مارێ كەڤنار، كو ئبلیسە و ساتانە، گرت و بۆ هزار ساڵان گرێ دا