1 پەترۆس 5:4 - ئنجیلا پیرۆز

⁴ دەمێ سەرۆكشڤان دیار دبیت، هوین دێ تانجا مەزناهیێ وەرگرن، ئەوا برسقینا وێ ئێكجار ل كێمیێ نادەت.

1 پەترۆس 5:4 ပူးပေါင်းရင်းမြစ်များ

مزگینیا یوحەننای 10:11

ئەزم شڤانێ باش. شڤانێ باش ژی ژیانا خۆ گۆری پەزێ خۆ دكەت.

1 كورنتۆس 9:25

هەر وەرزشڤانەك، د هەمی بیاڤان دا خۆ دئێخیتە بن راهێنانەكا دژوار. ئەو ڤێ چەندێ دكەن داكو تانجەكا ژ ناڤ دچیت ب دەست ڤە بینن، لێ ئەم وێ چەندێ دكەین داكو تانجەكا ژ ناڤ نەچیت ب دەست ڤە بینین.

2 تیمۆتاوس 4:8

ژ نوكە و پێڤە تانجا راستداریێ ب ژڤانێ منە، ئەوا دێ خودان، دادوەرێ دادپەروەر، د وێ رۆژێ دا دەتە من، نە ب تنێ من، لێ وان هەمیان ژی یێن حەز ژ دیاربوونا وی كری.

عیبرانی 13:20

بلا خودایێ ئاشتیێ، یێ خودانێ مە عیسا كو ب خوینا پەیمانا هەتا هەتایی شڤانێ مەزن یێ پەزیە، ژ ناڤ مریان راكریەڤە،

یەعقوب 1:12

خوزیكێن وی كەسی یێ د تاقیكرنێ دا خۆ رادگریت، چنكو دەمێ ئەو سەرفەراز دەردكەڤیت، دێ تانجا ژیانێ وەرگریت، ئەوا خودێ سۆزا وێ دایە حەزژێكەرێن خۆ.

1 پەترۆس 1:4

و میراتەكێ پویچ نابیت و ناهەڕمیت و ناچرمسیت هەیە. ئەو بۆ هەوە ل ئەسمانان هاتیە هەلگرتن.

1 پەترۆس 2:25

چنكو هوین وەكو پەزێ بەرزەبووی بوون، لێ نوكە هوین ل شڤان و چاڤدێرێ گیانێ خۆ زڤڕین.

1 پەترۆس 5:2

شڤانیا پەزێ خودێ یێ د ناڤ هەوە دا بكەن، نە ژ نەچاری، لێ ژ دل، وەسا چاڤدێریێ بكەن، هەروەكو خودێ دڤێت، نە ژ بەر دەستكەفتەكێ حەرام، لێ ب دلگەرمی.

1 یوحەننا 3:2

گەلی خۆشتڤیان، نوكە ئەم زاڕۆكێن خودێینە و هێشتا دیار نەبوویە كا دێ بینە چ. لێ ئەم دزانین كو دەمێ ئەو دیار دبیت، ئەم ژی دێ وەكو وی بین، چنكو كا ئەو یێ چەوایە، دێ وی وەسا بینین.

ئاشكراكرن 1:7

ئەڤە ئەو یێ ل گەل عەوران دهێت، هەمی چاڤ دێ وی بینن، خۆ ئەوێن رم ل وی دای ژی. هەمی هۆزێن جیهانێ ژ بەر وی دێ ب خەم كەڤن. بەلێ. ئامین.

ئاشكراكرن 2:10

ژ وان ئازاران قەت نەترسە یێن ل بەرە بهێنە سەرێ تە. ئەڤە ئبلیسی ل بەرە هندەك ژ هەوە بهاڤێژیتە د زیندانێ دا، داكو هوین بهێنە تاقیكرن و دە‍‌ھ رۆژان دێ د تەنگاڤیێ دا بن. تا مرنێ یێ دلسۆز بە و ئەز دێ تانجا ژیانێ دەمە تە.

ئاشكراكرن 3:11

ئەز دێ زوی هێم. ئەڤجا ئەو تشتێ تە هەی قاییم بگرە، دا كەس تانجا تە نەبەت.