1 پەترۆس 5:12 - ئنجیلا پیرۆز

¹² من ب دەستێ سیلاسی ئەڤ نامەیا كورت بۆ هەوە نڤیسی، كو ئەز وی ب برایەكێ دلسۆز دهژمێرم، دا هەوە هان بدەم و شاهدەییێ بدەم، كو كەرەما خودێ یا راستەقینە ئەڤەیە. تێدا موكم بمینن.

1 پەترۆس 5:12 ပူးပေါင်းရင်းမြစ်များ

مزگینیا یوحەننای 21:21

ئەڤجا دەمێ پەترۆسی ئەو دیتی، پرسیار ژ عیسای كر: «خودان، دێ چ ل ڤی هێت؟»

كارێن هنارتیان 11:23

دەمێ گەهشتی و كەرەما خودێ دیتی، گەلەك كەیفخۆش بوو و هەمی هاندان كو ژ دل ل گەل خودانی بمینن.

كارێن هنارتیان 15:22

هنگی هنارتی و ریهسپیان ل گەل هەمی جڤاكا باوەرداران بڕیار دا، كو چەند زەڵامان ژ ناڤ خۆ هەلبژێرن، دا ل گەل پاولۆس و بارناباسی بهنێرنە ئەنتاكیایێ. ئینا یەهودا یێ كو دبێژنێ بارساباس و سیلاس هەلبژارتن، كو د ناڤ برایان دا د رێزدار بوون.

كارێن هنارتیان 20:24

لێ ئەز چ پویتەی ب ژیانا خۆ نادەم، ب تنێ ئارمانجا من ئەوە كو ئەز ئەركێ خۆ، ئانكو ئەو خزمەتا من ژ خودان عیسای وەرگرتی، ب دویماهی بینم، كو شاهدەییێ بۆ مزگینیا كەرەما خودێ بدەم.

رۆما 5:2

ب رێكا وی دەستویری بۆ مە هاتە دان، ب باوەریێ ئەم بچینە د ڤێ كەرەمێ ڤە، یا ئەم تێدا ئاكنجی، و شانازیێ ب وێ هیڤیێ دبەین، كو دێ مە پشكداری د مەزناهیا خودێ دا هەبیت.

1 كورنتۆس 15:1

نوكە ئەز دێ وێ مزگینیێ ئینمە بیرا هەوە، گەلی خویشك و برایان، ئەوا من دایە هەوە و هەوە ژی قەبیل كری و خۆ پێڤە گرێ دای.

2 كورنتۆس 1:19

كوڕێ خودێ، عیسایێ مەسیح، ئەوێ من و سیلاسی و تیمۆتاوسی د ناڤ هەوە دا دایە نیاسین، «بەلێ» و «نە» نەبوو، لێ د ئێكبوونا ل گەل وی دا ب تنێ «بەلێ» یا هەی.

2 كورنتۆس 1:24

مەبەستا من نە ئەوە كو ئەم زاڵدەستیێ ل سەر باوەریا هەوە بكەین، چنكو هوین د باوەریێ دا دموكمن، لێ ئەم هەڤكارێن دلخۆشیا هەوەینە.

ئەفەسۆس 3:3

كو ئەو نهێنی ب رێكا سرۆشێ بۆ من ئاشكرا كریە، هەروەكو پێشتر من ب كورتی نڤیسی.

ئەفەسۆس 6:21

تیخیكۆس، برایێ خۆشتڤی و خزمەتكارێ دلسۆز ب ئێكبوونا ل گەل خودانی، دێ هەمی تشتان بۆ هەوە بێژیت، دا هوین ژی بزانن كا رەوشا من یا چەوایە و ئەز چ دكەم.

كۆلۆسی 1:7

هوین ژ هەڤبەنیێمە یێ خۆشتڤی ئێپافراسی فێری وێ مزگینیێ بوون، ئەوێ كو بۆ هەوە خزمەتكارەكێ مەسیحی یێ دلسۆزە.

كۆلۆسی 4:7

تیخیكۆس، برایێ خۆشتڤی و خزمەتكارێ دلسۆز و هەڤبەنیێ مە د ئێكبوونا ل گەل خودانی دا، دێ هەمی تشتان دەربارەی رەوشا من گەهینیتە هەوە.

كۆلۆسی 4:9

من ئەو یێ ل گەل ئۆنیسیمۆسی، برایێ دلسۆز و خۆشتڤی، كو ئێك ژ هەوەیە، یێ هنارتی. ئەو هەردوو دێ هەر تشتەكێ ل ڤێرێ روی ددەت بۆ هەوە بێژن.

1 سالونیكی 1:1

ژ پاولۆس، سیلاس و تیمۆتاوسی، بۆ جڤاكا باوەردارێن سالونیكیێ، یا خودایێ باب و خودان عیسایێ مەسیح: كەرەم و ئاشتی ل سەر هەوە بن.

2 سالونیكی 1:1

ژ پاولۆس، سیلاس و تیمۆتاوسی، بۆ جڤاكا باوەردارێن سالونیكیێ، یا بابێ مە خودێ و خودان عیسایێ مەسیح:

عیبرانی 13:22

داخوازێ ژ هەوە دكەم، گەلی خویشك و برایان، كو هوین ب بێهنفرەهی گو‍‌ھ بدەنە ڤان گۆتنێن هاندانێ، چنكو من بۆ هەوە ب كورتی نڤیسینە.

1 پەترۆس 1:13

لەوما مێشكێ خۆ بۆ كاری ئامادە بكەن و ل سەر هشێن خۆ بن، ب تەمامی هیڤیا خۆ ب وێ كەرەمێ ڤە گرێ بدەن، ئەوا ل دەمێ دیاربوونا عیسایێ مەسیح دێ بۆ هەوە هێتە ئینان.

1 پەترۆس 4:10

هەر ئێك ژ هەوە، ل دویڤ وێ بەهرەیا روحانی یا وی وەرگرتی، خزمەتا ئێكودوو پێ بكەن، وەكو بریكارێن چاك ل سەر كەرەمێن خودێ یێن جۆراوجۆر.

2 پەترۆس 1:12

ژ بەر ڤێ چەندێ ئەز دێ هەردەم بیرا هەوە ل ڤان تشتان ئینم، هەر چەندە هوین ڤان تشتان دزانن و د ڤێ راستیا ل نك هەوە دا د خۆجهن.

2 پەترۆس 2:15

وان ژ رێكا راست لادا، ئەڤجا ئەو د سەر دا چوون و رێكا بەلعامێ كوڕێ بەعۆری گرت، ئەوێ حەز ژ كرێیا خرابیێ كری.

3 یوحەننا 1:12

سەبارەت دیمیتریۆسی، هەمی كەس بۆ باشیا وی شاهدەییێ ددەن، خۆ پەیاما راستیێ ب خۆ ژی شاهدەییێ بۆ ددەت. ئەم ژی شاهدەییێ بۆ ددەین و هوین دزانن كو شاهدەییا مە یا راستە.

یەهودا 1:3

گەلی خۆشتڤیان، هەر چەندە من ب مەرەق دڤیا دەربارەی قورتالبوونا مە یا هەڤپشك بۆ هەوە بنڤیسم، لێ من ب فەر دیت كو ئەز بۆ هەوە نامەیەكێ بنڤیسم، تێدا هیڤی ژ هەوە بكەم كو هوین ژ پێخەمەت وێ باوەریێ خەباتێ بكەن، ئەوا ب جارەكێ و بۆ هەروهەر بۆ پیرۆزكریان هاتیە دان.