1 پەترۆس 5:1 - ئنجیلا پیرۆز

¹ ئەز هیڤی ژ ریهسپیێن د ناڤ هەوە دا دكەم، كو ئەز وەكو هەوە ریهسپیمە و شاهدم ل سەر ئازارێن مەسیحی و هەڤپشكێ وێ مەزناهیێمە یا كو ل نێزیك دێ دیار بیت:

1 پەترۆس 5:1 ပူးပေါင်းရင်းမြစ်များ

مزگینیا لوقای 24:48

هوین بۆ ڤان تشتان شاهدن.

كارێن هنارتیان 1:8

لێ دەمێ گیانێ پیرۆز ب سەر هەوە دا دهێت، دێ هوین هێزێ وەرگرن و دێ ل ئورشەلیمێ و هەمی یەهودیایێ و سامەریایێ تاكو هەر چوار كوژیێن جیهانێ بنە شاهدێن من.»

كارێن هنارتیان 11:30

وان ئەڤ چەندە كر و ب دەستێ بارناباسی و شائوولی بۆ ریهسپیان هنارت.

كارێن هنارتیان 14:23

بۆ وان ل هەر جڤاكەكا باوەرداران ریهسپی دانان و ل گەل رۆژی گرتنێ نڤێژ كرن و هەمی دانە دەستێ خودانی، یێ كو وان باوەری پێ ئینابوو.

كارێن هنارتیان 15:4

دەمێ گەهشتینە ئورشەلیمێ، جڤاكا باوەرداران و هنارتی و ریهسپیان بخێرهاتن لێ كر، وان ژی بەحسێ ئەوان تشتان كر، یێن خودێ ل سەر دەستێ وان كرین.

كارێن هنارتیان 15:6

ئینا هنارتی و ریهسپی كۆمبوون، دا دانوستاندنێ دەربارەی ڤێ چەندێ بكەن.

كارێن هنارتیان 2:32

خودێ ئەڤ عیسایە ژ مرنێ ساخ كرەڤە و ئەم هەمی بۆ وێ راستیێ شاهدین.

كارێن هنارتیان 20:17

پاولۆسی ژ میلیتۆس هنارتە ب دویڤ ریهسپیێن جڤاكا باوەرداران را ل ئەفەسۆس.

كارێن هنارتیان 20:28

ئەڤجا هشیاری خۆ و هەمی كەرێ پەزی بن، ئەوێ گیانێ پیرۆز هوین وەكو چاڤدێر د ناڤ دا داناین، دا شڤانیێ ل جڤاكا گازیكریێن خودێ بكەن، ئەوا وی ب خوینا خۆ كڕی.

كارێن هنارتیان 21:18

ل رۆژا پاشتر، پاولۆس ل گەل مە هاتە نك یەعقوبی، هەمی ریهسپی ژی د ئامادە بوون.

كارێن هنارتیان 3:15

هەوە ژیاندەر كوشت، لێ خودێ ژ ناڤ مریان راكر. ئەم ل سەر ڤێ چەندێ شاهدین.

2 كورنتۆس 5:1

چنكو ئەم دزانین ئەگەر خیڤەتا مە هەڕفت، كو جهێ ئاكنجیبوونا مە یا سەر ئەردیە، مە ئاڤاهیەك ژ نك خودێ هەیە، مالەكا ب دەستان نەهاتیە چێكرن، هەتا هەتایێ یا ل ئەسمانان.

2 كورنتۆس 5:8

بەلێ، ئەم د پشتڕاستین و ب باشتر دزانین كو ژ لەشی د دویر بین و ل نك خودانی د ئاكنجی بین.

فیلیپی 1:19

چنكو ئەز دزانم، ب نڤێژێن هەوە و ب هاریكاریا گیانێ عیسایێ مەسیح، دێ دویماهیا ڤێ چەندێ قورتالبوونا من بیت.

1 تیمۆتاوس 5:1

ل زەڵامێ پیر نەحەیتینە، لێ هان بدە، هەروەكو ئەو بابێ تە، رەفتارێ ل گەل گەنجان ژی بكە هەروەكو برایێن تە،

1 تیمۆتاوس 5:19

سكالایێ ل سەر چ ریهسپیان قەبیل نەكە، ئەگەر دوو یان سێ شاهد نەبن.

2 تیمۆتاوس 4:8

ژ نوكە و پێڤە تانجا راستداریێ ب ژڤانێ منە، ئەوا دێ خودان، دادوەرێ دادپەروەر، د وێ رۆژێ دا دەتە من، نە ب تنێ من، لێ وان هەمیان ژی یێن حەز ژ دیاربوونا وی كری.

تیتۆس 1:5

من تۆ بۆ وێ ئەگەرێ هێلایە ل كریتێ، كو تۆ ئەو كاروبارێن ماینە نیڤەرۆ رێك بئێخی و ل هەر باژێڕەكی ریهسپیان دەستنیشان بكەی، هەروەكو من تۆ راسپاردی.

فلیمون 1:9

لێ بۆ من خۆشترە كو ئەز ب حەزژێكرنێ هیڤیێ ژ تە بكەم. ئەز، پاولۆسێ پیرەمێر و نوكە ژی یێ زیندانكری ژ پێخەمەت مەسیح عیسای،

عیبرانی 12:1

لەوما، مادەم ئەم ب جەماوەرەكێ هۆسا مەزن یێ شاهدان د دەور داینە، دا هەر بارەكی و گونەهێن ب ساناهی د مە دئالیێن، بهاڤێژین و د وێ غاردانێ دا یا ل بەر مە هاتیە دانان، ب خۆڕاگری بكەینە غار.

1 پەترۆس 1:12

بۆ وان هاتە دیاركرن، كو وان نە بۆ خۆ، لێ بۆ هەوە خزمەت دكر، دەمێ بەحسێ وان تشتان دكر یێن نوكە بۆ هەوە هاتینە راگەهاندن، ب رێكا وان یێن ب هێزا گیانێ پیرۆز، ئەوێ ژ ئەسمانی هاتیە هنارتن، مزگینی دایە هەوە. فریشتە ژی گەلەك حەز دكەن ل وان تشتان بنێڕن.

1 پەترۆس 1:7

دا بەلگەیێ باوەریا هەوە، ئەوێ ب بهاتر ژ زێڕێ ژ ناڤ دچیت، یێ كو ب ئاگری دهێتە تاقیكرن، ببیتە جهێ پەسن و مەزناهی و سەربلندیێ ل دەمێ دیاربوونا عیسایێ مەسیح.

1 پەترۆس 4:13

لێ دلخۆش ببن كو هوین بووینە پشكدارێن ئازارێن مەسیحی، دا دەمێ مەزناهیا وی دیار دبیت ژی، هوین دلخۆش و دلشاد ببن.

1 پەترۆس 5:4

دەمێ سەرۆكشڤان دیار دبیت، هوین دێ تانجا مەزناهیێ وەرگرن، ئەوا برسقینا وێ ئێكجار ل كێمیێ نادەت.

1 یوحەننا 3:2

گەلی خۆشتڤیان، نوكە ئەم زاڕۆكێن خودێینە و هێشتا دیار نەبوویە كا دێ بینە چ. لێ ئەم دزانین كو دەمێ ئەو دیار دبیت، ئەم ژی دێ وەكو وی بین، چنكو كا ئەو یێ چەوایە، دێ وی وەسا بینین.

2 یوحەننا 1:1

ژ من یێ ریهسپی، بۆ خانما هەلبژارتی و زاڕۆكێن وێ، ئەوێن ئەز د راستیێ دا حەز ژێ دكەم، نە ب تنێ ئەز، لێ ئەو هەمی ژی، یێن راستیێ دزانن،

3 یوحەننا 1:1

ژ من یێ ریهسپی، بۆ گایۆسێ خۆشتڤی، ئەوێ ئەز د راستیێ دا حەز ژێ دكەم.

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.