1 پەترۆس 4:8 - ئنجیلا پیرۆز

⁸ بەری هەر تشتەكی، بلا حەزژێكرنا هەوە بۆ ئێكودوو یا گەرم بیت، چنكو حەزژێكرن گونەهێن گەلەك ژی دنخێڤیت.

1 پەترۆس 4:8 ပူးပေါင်းရင်းမြစ်များ

1 كورنتۆس 13:1

ئەگەر ئەز ب زمانێن مرۆڤ و فریشتەیان بئاخڤم، لێ من حەزژێكرن نەبیت، ئەو ئەز وەكو وێ سێلا سفری لێ هاتم، ئەوا ب قوتانێ تنگە تنگێ دكەت یان ژی زەنگلەكێ زنگە زنگێ دكەت.

1 كورنتۆس 13:4

حەزژێكرن یا بێهنفرەهە، حەزژێكرن یا دلنازكە. حەزژێكرن چاڤپێڕانەبوونێ ناكەت، شانازیێ ب خۆ نابەت، دفنا خۆ بلند ناكەت،

كۆلۆسی 3:14

د سەر ڤان هەمیان را، حەزژێكرنێ بكەنە بەر خۆ، كو د كاملیێ دا هەمی تشتان پێكڤە گرێ ددەت.

1 سالونیكی 3:12

بلا خودان وە بكەت كو حەزژێكرنا هەوە بۆ ئێكودوو و بۆ هەمیان وەرارێ بكەت و زێدە ببیت، هەروەكو حەزژێكرنا مە بۆ هەوە زێدە دبیت،

2 سالونیكی 1:3

پێدڤیە ئەم هەرگاڤ ژ پێخەمەت هەوە، گەلی خویشك و برایان، سوپاسیا خودێ بكەین. سوپاسیكرن ژی د جهێ خۆ دایە، چنكو باوەریا هەوە گەلەك وەرارێ دكەت و حەزژێكرنا هەر ئێك ژ هەوە بۆ ئێكودوو زێدە دبیت.

1 تیمۆتاوس 1:5

لێ ئارمانجا ڤێ راسپاردەیێ حەزژێكرنەكا ژ دلەكێ پاك و ژ وژدانەكا باش و ژ باوەریەكا بێ دووڕویاتیە.

عیبرانی 13:1

بلا حەزژێكرنا برایانە یا بەردەوام بیت.

یەعقوب 5:12

لێ بەری هەر تشتەكی، خویشك و برایێن من، سویند نەخۆن: نە ب ئەسمانی و نە ب ئەردی و نە ژی ب تشتەكێ دی. بلا ‹بەلێ› یا هەوە ‹بەلێ› بیت و ‹نە› یا هەوە ‹نە› بیت، دا نەهێنە دادكرن.

یەعقوب 5:20

بلا بزانیت كو ئەوێ گونەهكارەكی ژ رێكا وی یا ڤاڕێ ڤەگەڕینیت، ئەو دێ كەسەكی ژ مرنێ قورتال كەت و گەلەك گونەهان نخێڤیت.

1 پەترۆس 1:22

هەوە دەروونێ خۆ ب ملكەچبوونا راستیێ پاك كریە و هۆسا حەزژێكرنا هەوە یا برایانە یا بێ دووڕویاتیە، ئەڤجا ژ نیڤا دلی ب گەرمی حەز ژ ئێكودوو بكەن.

3 یوحەننا 1:2

هەی خۆشتڤی، ئەز نڤێژێ دكەم كو تۆ د هەمی تشتان دا یێ سەركەفتی و ساخلەم بی، هەروەكو گیانێ تە یێ سەركەفتی.