1 پەترۆس 4:14 - ئنجیلا پیرۆز

¹⁴ ئەگەر ژ پێخەمەت ناڤێ مەسیحی هوین بهێنە فهێتكرن، هنگی خوزیكێن هەوە، چنكو گیانێ مەزناهیێ، كو گیانێ خودێیە، ل سەر هەوەیە.

1 پەترۆس 4:14 ပူးပေါင်းရင်းမြစ်များ

مزگینیا مەتتای 5:11

خوزیكێن هەوە، دەمێ ژ بەر من هەوە فهێت دكەن و تەپەسەر دكەن و ژ درەو ڤە هەمی جۆرێن پەیڤێن خراب دژی هەوە دبێژن.

مزگینیا مەتتای 5:16

بلا ب ڤی رەنگی رۆناهیا هەوە بەرامبەری خەلكی شەوقێ بدەت، دا كارێن چاك یێن هەوە ببینن و بابێ هەوە یێ ل ئەسمانان مەزن بكەن.

مزگینیا لوقای 6:22

خوزیكێن هەوە دەمێ خەلك پێخەمەت كوڕێ مرۆڤ كەربێ ژ هەوە رادكەن و هەوە ژ ناڤ خۆ دەردئێخن و هەوە فهێت دكەن و ناڤێ هەوە ب خرابی دئینن.

مزگینیا یوحەننای 15:21

لێ ئەو دێ ڤان هەمی تشتان ژ بەر ناڤێ من ب سەرێ هەوە ئینن، چنكو ئەو وی نانیاسن یێ ئەز هنارتیم.

مزگینیا یوحەننای 8:48

ئینا جوهیان بەرسڤ دا و گۆتێ: «ما ئەم راست نابێژین كو تۆ سامەری و ئەجنەیەكی تۆ یێ هنگافتی؟»

مزگینیا یوحەننای 9:28

ئینا وان ئاخفتنێن كرێت لێ باراندن و گۆتێ: «تۆی شاگردێ وی! لێ ئەم شاگردێن مووساینە.

مزگینیا یوحەننای 9:34

ئینا وان بەرسڤا وی دا و گۆتێ: «تۆ ب تەمامی د گونەهێ دا یێ ژ دایك بووی. ما تۆ مە فێر دكەی؟» پاشی ئەو دەرئێخستە ژ دەرڤە.

كارێن هنارتیان 13:45

دەمێ جوهیان ئەو جەماوەر دیتی، ژ چاڤپێڕانەبوونێ پڕ بوون و ب جڤینان بەرهنگاریا ئاخفتنا پاولۆسی كر.

كارێن هنارتیان 18:6

لێ دەمێ وان دژایەتیا وی كری و جڤین داینێ، وی كراسێ خۆ داقوتا و گۆتە وان: «خوینا هەوە د ستۆیێ هەوە. ئەز یێ بێ تاوانم! ژ نوكە پێڤە ئەز دێ قەستا مللەتێن نەجوهی كەم.»

كارێن هنارتیان 28:22

لێ ئەم حەز دكەین ژ تە ببهیسین كا بۆچوونێن تە چنە، چنكو ئەم دزانین ل هەمی جهان ئاخفتن ل دژی ڤێ رێبازێ دهێنە گۆتن.»

كارێن هنارتیان 5:41

ئەڤجا هنارتی ب دلخۆشی ژ جڤاتێ دەركەفتن، چنكو ئەو ل وێ باوەریێ بوون، كو بۆ وان شانازیە ژ بەر ناڤێ عیسای بهێنە بێڕێزكرن.

2 كورنتۆس 12:10

لەوما ئەز ب لاوازیان، كرێتكرنان، نەخۆشیان، تەپەسەركرنان و تەنگاڤیان ژ پێخەمەت مەسیحی كەیفخۆش دبم، چنكو دەمێ ئەز یێ لاواز، هنگی ئەز یێ ب هێزم.

2 كورنتۆس 4:10

هەردەم مرنا عیسای د لەشێ خۆ دا هەلدگرین، دا ژیانا عیسای ژی د لەشێ مە دا بهێتە دیاركرن.

2 كورنتۆس 4:16

لەوما ئەم بێ ئومێد نابین. لێ سەرەڕای كو ئەم ژ سەرڤە ژ ناڤ دچین، د ناخێ خۆ دا ئەم رۆژ بۆ رۆژێ دهێینە نویكرن.

گالاتیا 1:24

ئەڤجا ئەوان ژ بەر من پەسنا خودێ دكر.

عیبرانی 11:26

وی ئەڤ شەرمزاریا ژ پێخەمەت مەسیحی ب سامانەكێ مەزنتر ژ گەنجینەیێن مسرێ دانا، چنكو چاڤێ وی ل خەلاتی بوو.

یەعقوب 1:12

خوزیكێن وی كەسی یێ د تاقیكرنێ دا خۆ رادگریت، چنكو دەمێ ئەو سەرفەراز دەردكەڤیت، دێ تانجا ژیانێ وەرگریت، ئەوا خودێ سۆزا وێ دایە حەزژێكەرێن خۆ.

یەعقوب 5:11

ئەڤە ئەم خوزیێ ب وان رادهێلین یێن خۆڕاگرتی. هەوە خۆڕاگرتنا ئەیوبی بهیستیە و هەوە دیت كا ل دویماهیێ خودانی بۆ وی چ كر. چنكو خودان گەلەك یێ دلنازك و دلۆڤانە.

1 پەترۆس 2:12

بلا د ناڤ مللەتان دا رەفتارێن هەوە د باش بن، دا سەرەڕای كو ئەو نەكامیا هەوە دكەن كو هوین خرابكارن، كریارێن هەوە یێن باش ببینن و پەسنا خودێ بكەن د رۆژا هاتنا وی دا.

1 پەترۆس 3:14

لێ ئەگەر هوین ژ پێخەمەت راستداریێ هاتنە ئازاردان ژی، ئەو خوزیكێن هەوە. ژ وان كەسان نەترسن و تێكنەچن،

1 پەترۆس 3:16

لێ وێ چەندێ ب نەرمی و رێزگرتن بكەن. وژدانا خۆ پاقژ بپارێزن، داكو ئەوێن ب خرابی بەحسێ رەوشتێ هەوە یێ باش د ئێكبوونا ل گەل مەسیحی دا دكەن، د بوهتانێن خۆ دا شەرمزار ببن.

1 پەترۆس 4:16

لێ ئەگەر ئێك ژ هەوە وەكو مەسیحیەك ئازارێ بكێشیت، بلا شەرم نەكەت، لێ بلا پەسنا خودێ بكەت، ژ بەر كو هەلگرێ ڤی ناڤیە.

2 پەترۆس 2:2

دێ گەلەك مرۆڤ ب دویڤ بێنامویسیا وان كەڤن و ژ بەر وان دێ ب خرابی بەحسێ رێبازا راستیێ هێتە كرن.