1 پەترۆس 4:13 - ئنجیلا پیرۆز

¹³ لێ دلخۆش ببن كو هوین بووینە پشكدارێن ئازارێن مەسیحی، دا دەمێ مەزناهیا وی دیار دبیت ژی، هوین دلخۆش و دلشاد ببن.

1 پەترۆس 4:13 ပူးပေါင်းရင်းမြစ်များ

مزگینیا مەتتای 16:27

كوڕێ مرۆڤ دێ ب مەزناهیا بابێ خۆ ڤە ل گەل فریشتەیێن خۆ هێت، هنگی هەر كەسەك دێ ل دویڤ كارێن خۆ هێتە خەلاتكرن.

مزگینیا مەتتای 25:21

ئینا خودانێ وی گۆتێ: ‹دەستخۆش، بەنیێ قەنج و دلسۆز! تۆ ل سەر پیچەكێ یێ دلسۆز بووی، ئەڤجا ئەز دێ تە دانمە سەر گەلەكێ. وەرە پشكداری بەختەوەریا خودانێ خۆ ببە!›

مزگینیا مەتتای 25:23

ئینا خودانێ وی گۆتێ: ‹دەستخۆش، بەنیێ قەنج و دلسۆز! تۆ ل سەر پیچەكێ یێ دلسۆز بووی، ئەڤجا ئەز دێ تە دانمە سەر گەلەكێ. وەرە پشكداری بەختەوەریا خودانێ خۆ ببە.›

مزگینیا مەتتای 25:31

دەمێ كوڕێ مرۆڤ ب مەزناهیا خۆ ڤە دهێت و هەمی فریشتە یێن د گەل دا، دێ ل سەر تەختێ مەزناهیا خۆ روینیت.

مزگینیا مەتتای 25:34

پاشی دێ پاشا بێژیتە یێن ل دەستێ خۆ یێ راستێ: ‹وەرن هەی ئەوێن بەرەكەتا بابێ من ل سەر، ببنە میراتگرێن وێ پاشایەتیا هەر ژ دامەزراندنا جیهانێ بۆ هەوە هاتیە ئامادەكرن،

مزگینیا مەتتای 5:12

دلخۆش و دلشاد ببن! ژ بەر كو خەلاتێ هەوە ل ئەسمانان یێ مەزنە، چنكو وان بەری هەوە پێغەمبەر ژی هۆسا تەپەسەر دكرن.

مزگینیا مەرقۆسی 8:38

چنكو هەر كەسێ ل بەر چاڤێن ڤی نفشێ دەهمەنپیس و گونەهكار شەرم بكەت دانپێدانێ ب من و پەیڤێن من بكەت، كوڕێ مرۆڤ ژی، دەمێ ب مەزناهیا بابێ خۆ ڤە ل گەل فریشتەیێن پیرۆز دهێت، دێ شەرم كەت دانپێدانێ ب وی بكەت.»

مزگینیا لوقای 17:30

ل رۆژا كوڕێ مرۆڤ ژی دیار دبیت، دێ یا وەسا بیت.

كارێن هنارتیان 16:25

ل نێزیكی نیڤا شەڤێ، پاولۆس و سیلاسی نڤێژ دكرن و ستران ب مەزناهیا خودێ دگۆتن و زیندانیان گوهێ خۆ ددایێ.

كارێن هنارتیان 5:41

ئەڤجا هنارتی ب دلخۆشی ژ جڤاتێ دەركەفتن، چنكو ئەو ل وێ باوەریێ بوون، كو بۆ وان شانازیە ژ بەر ناڤێ عیسای بهێنە بێڕێزكرن.

رۆما 5:3

نە ب تنێ ب ڤێ، لێ ئەم شانازیێ ب تەنگاڤیێن خۆ ژی دبەین، چنكو ئەم دزانین تەنگاڤی خۆڕاگرتنێ پەیدا دكەت،

رۆما 8:17

ئەڤجا ئەگەر ئەم زاڕۆكێن وی بین، ئەم میراتگرین ژی، میراتگرێن خودێ و هەڤپشكێن مەسیحینە د میراتی دا، لێ پێدڤیە ئەم ل گەل وی د ئازاران دا پشكدار ببین، داكو د مەزناهیا وی ژی دا پشكدار ببین.

رۆما 8:18

ئەز دبینم كو ئازارێن مە ل ڤی سەردەمی ل گەل وێ مەزناهیا كو دێ بۆ مە هێتە ئاشكراكرن، ناهێنە هەڤبەركرن.

2 كورنتۆس 1:5

چنكو كا چەوا ئازارێن مەسیحی د ژیانا مە دا گەلەكن، هۆسا هاندانا مە ژی ب رێكا مەسیحی گەلەكە.

2 كورنتۆس 1:7

دەربارەی هەوە هیڤیا مە یا موكمە، چنكو ئەم دزانین كا چەوا هوین پشكدارێن ئازارێن مەنە، وەسا هوین پشكدارێن هاندانا مەنە ژی.

2 كورنتۆس 4:10

هەردەم مرنا عیسای د لەشێ خۆ دا هەلدگرین، دا ژیانا عیسای ژی د لەشێ مە دا بهێتە دیاركرن.

2 كورنتۆس 4:17

چنكو تەنگاڤیێن مە یێن سڤك و دەمكی، مەزناهیەكا گران یا هەتا هەتایی بۆ مە ئامادە دكەن، كو ل گەل چ تشتان ناهێتە هەڤبەركرن.

فیلیپی 3:10

من دڤێت مەسیحی بنیاسم و هێزا رابوونا وی ژ ناڤ مریان بزانم و پشكدارێ ئازارێن وی بم و وەكو وی لێ بهێم د مرنا وی دا،

كۆلۆسی 1:24

نوكە ئەز دلخۆش دبم ب ئازارێن ئەز ژ پێخەمەت هەوە دكێشم و د لەشێ خۆ دا وان تەنگاڤیێن مەسیحی یێن ماین، ژ پێخەمەت لەشێ وی كو جڤاكا باوەردارانە، تەمام دكەم.

2 تیمۆتاوس 2:12

ئەگەر ئەم خۆ راگرین، دێ ل گەل وی پاشایەتیێ ژی كەین. ئەگەر ئەم وی ماندەل بكەین، ئەو ژی دێ مە ماندەل كەت.

1 پەترۆس 1:13

لەوما مێشكێ خۆ بۆ كاری ئامادە بكەن و ل سەر هشێن خۆ بن، ب تەمامی هیڤیا خۆ ب وێ كەرەمێ ڤە گرێ بدەن، ئەوا ل دەمێ دیاربوونا عیسایێ مەسیح دێ بۆ هەوە هێتە ئینان.

1 پەترۆس 2:21

بۆ وی تشتی هوین یێن هاتینە گازیكرن، چنكو مەسیحی ژی ژ پێخەمەت هەوە ئازار كێشان و هۆسا نموونەیەك بۆ هەوە ب ج‍‌ھ هێلا، دا ل دویڤ شووپا وی بچن،

1 پەترۆس 5:1

ئەز هیڤی ژ ریهسپیێن د ناڤ هەوە دا دكەم، كو ئەز وەكو هەوە ریهسپیمە و شاهدم ل سەر ئازارێن مەسیحی و هەڤپشكێ وێ مەزناهیێمە یا كو ل نێزیك دێ دیار بیت:

1 پەترۆس 5:10

خودایێ هەمی كەرەمێ ژی، ئەوێ هوین ب مەسیح عیسای گازی كرینە مەزناهیا خۆ یا هەتا هەتایی، پشتی كو هەوە بۆ دەمەكێ كورت ئازار كێشای، ئەو ب خۆ دێ هەوە كامل كەت و موكم كەت و بهێز ئێخیت و خۆج‍‌ھ كەت.

یەهودا 1:24

بۆ وی یێ شیان هەین هەوە ژ هەلنگفتنێ بپارێزیت و هەوە بێ كێماسی ل پێشیا مەزناهیا خۆ ب دلخۆشیەكا مەزن راوەستینیت،

ئاشكراكرن 1:7

ئەڤە ئەو یێ ل گەل عەوران دهێت، هەمی چاڤ دێ وی بینن، خۆ ئەوێن رم ل وی دای ژی. هەمی هۆزێن جیهانێ ژ بەر وی دێ ب خەم كەڤن. بەلێ. ئامین.

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.