1 پەترۆس 4:11 - ئنجیلا پیرۆز

¹¹ ئەگەر ئێك دئاخڤیت، بلا وەكو ئێكێ پەیڤێن خودێ دبێژیت بئاخڤیت. ئەگەر ئێك خزمەتێ دكەت، بلا ب وێ هێزێ بكەت یا خودێ دایێ، دا خودێ د هەر تشتی دا بهێتە مەزنكرن، ب رێیا عیسایێ مەسیح، ئەوێ مەزناهی و سەروەری هەروهەر یێن وینە. ئامین.

1 پەترۆس 4:11 ပူးပေါင်းရင်းမြစ်များ

مزگینیا مەتتای 6:13

مە نەئێخە د تاقیكرنێ دا، لێ مە ژ خرابكاری قورتال بكە، چنكو پاشایەتی و هێز و مەزناهی هەروهەر یێن تەنە. ئامین.

مزگینیا یوحەننای 13:31

دەمێ یەهودا دەركەفتیە ژ دەرڤە، عیسای گۆت: «نوكە كوڕێ مرۆڤ هاتە مەزن كرن و خودێ ژی ل گەل وی هاتە مەزن كرن.

كارێن هنارتیان 7:38

و ئەڤە ئەو بوو ئەوێ د جڤاتێ دا ل بیابانێ، فریشتە ل سەر چیایێ سینا ل گەل وی ئاخفتی و ل گەل بابێن مە بوو، ئەوێ پەیڤێن ژیاندار وەرگرتین، داكو بگەهینیتە مە.

رۆما 11:36

چنكو هەمی تشت ژ وینە و ب وینە و ژ بۆ وینە، مەزناهی هەروهەر بۆ وی بیت. ئامین.

رۆما 12:3

ئەز ب وێ كەرەما بۆ من هاتیە دان، دبێژمە هەر ئێكی ژ هەوە: بلا كەس خۆ بلندتر ژ یا دروست نەهەلسەنگینیت، لێ بلا ل دۆر خۆ ب شێوازەكێ بەرئاقل هەلسەنگاندنێ بكەت، ل دویڤ وی قەبارەیێ باوەریێ یێ خودێ ل سەر هەر كەسەكی لێكڤە كری.

رۆما 16:27

بۆ خودایێ ئێكانە كو ب تنێ ئەو یێ ئاقلمەندە، بۆ وی ب رێكا عیسایێ مەسیح، هەروهەر مەزناهی بیت! ئامین.

رۆما 3:2

ژ هەمی لایان ڤە گەلەكە، یا ئێكێ خودێ ئەو كرنە ئەمیندارێن پەیڤێن خۆ.

1 كورنتۆس 10:31

ئەڤجا ئەگەر هوین بخۆن، یان ڤەخۆن، یان چ تشتێ بكەن، هەمی تشتان بۆ مەزناهیا خودێ بكەن.

1 كورنتۆس 12:4

ئەڤجا جۆرێن بەهرەیێن روحانی هەنە، لێ هەمان گیانە.

1 كورنتۆس 3:10

ل دویڤ وێ كەرەمێ یا خودێ دایە من، وەكو هۆستایەكێ شارەزا من بنیاتەك دانا و ئێكێ دی ل سەر ئاڤا دكەت. ئەڤجا بلا هەر ئێك یێ هشیار بیت، كا چەوا ل سەر ئاڤا دكەت،

1 كورنتۆس 6:20

چنكو هوین ب بهایەكێ گران یێن هاتینە كڕین. ژ بەر ڤێ چەندێ وە بكەن كو ب لەشێ هەوە مەزناهیا خودێ دیار ببیت.

2 كورنتۆس 2:17

ئەم وەكو گەلەك كەسان نینین بازرگانیێ ب پەیڤا خودێ بكەین، لێ ئەم وەكو مرۆڤێن ژ لایێ خودێ ڤە هاتینە هنارتن، ل بەرامبەری خودێ ل دویڤ حەزا مەسیحی ب نیازپاكی دئاخڤین.

2 كورنتۆس 9:13

ئەڤ خزمەتە بەلگەیە ل سەر باوەریا هەوە، ئەڤجا گەلەك مرۆڤ ژ بەر ملكەچیا هەوە بۆ دانپێدانێ ب مزگینیا مەسیحی و ژ بەر مەردینیا هەوە د هاریكاریكرنا وان و هەمی كەسێن دی دا، دێ پەسنا خودێ كەن

ئەفەسۆس 1:19

و كا مەزناهیا هێزا وی یا بێ سنوور چیە، یا ژ بۆ مە یێن باوەردار ل دویڤ هێز و شیانا وی كار دكەت.

ئەفەسۆس 4:29

بلا گۆتنەكا خراب ژ دەڤێ هەوە دەرنەكەڤیت، لێ ب تنێ ئەوێ بێژن یا كو ل دویڤ رەوشێ بكێر ئاڤاكرنێ دهێت، دا مفایەكی بگەهینیتە گوهداران.

ئەفەسۆس 5:20

هەردەم بۆ هەمی تشتان، ب ناڤێ خودانێ مە عیسایێ مەسیح، سوپاسیا خودایێ باب بكەن.

ئەفەسۆس 6:10

ل دویماهیێ، ب خودانی و ب هێزا وی یا مەزن، خۆ ب هێز بئێخن.

فیلیپی 1:11

و دپڕ بن ژ بەرهەمێ راستداریێ، ئەوێ كو ژ دەولەتسەرێ عیسایێ مەسیحە، ژ بۆ مەزناهی و پەسنا خودێ.

فیلیپی 2:11

و هەمی ئەزمان دانپێدانێ بكەن كو عیسایێ مەسیح خودانە، ژ بۆ مەزناهیا خودایێ باب.

كۆلۆسی 4:6

بلا ئاخفتنا هەوە هەردەم یا شرین و یا ب خوێ بیت، دا بزانن كا چەوا پێدڤیە هوین بەرسڤا هەر كەسەكی بدەن.

1 سالونیكی 2:4

لێ كا چەوا خودێ ئەم پەسەند كرین كو مزگینیێ ب مە بسپێریت، ئەم وەسا دئاخڤین، نە دا خەلكی رازی كەین، لێ دا خودێ رازی كەین، ئەوێ دلێ مە تاقی دكەت.

1 تیمۆتاوس 1:17

هەتا هەتایێ رێز و مەزناهی بۆ پاشایێ سەردەمان یێ نەمر و نەهێتە دیتن، بۆ خودایێ ئێكانە بیت! ئامین.

1 تیمۆتاوس 6:16

ئەوێ ب تنێ وی نەمری هەی، د رۆناهیەكێ دا ئاكنجیە كو كەس نەشێت خۆ نێزیك بكەت، ئەوێ كەسێ نەدیتی و كەس نەشێت ببینیت، رێز و سەروەریا هەروهەر بۆ وی بن! ئامین.

تیتۆس 2:1

لێ تۆ، وان تشتان بێژە یێن گونجای ل گەل فێركرنا ساخلەم.

تیتۆس 2:15

ڤان تشتان ب هەمی دەستهەلاتی بێژە، ئاگەهدار بكە و پاشڤە ببە. بلا كەس سڤكاتیێ ب تە نەكەت.

عیبرانی 13:7

رێبەرێن خۆ بیننە بیرا خۆ، ئەوێن پەیڤا خودێ بۆ هەوە گۆتی. ل ئەنجامێ شێوازێ ژیانا وان بنێڕن و چاڤ ل باوەریا وان بكەن.

عیبرانی 5:12

پێدڤی بوو هەتا نوكە هوین ببانە مامۆستا، لێ هوین د پێدڤینە كو ئێك دووبارە بنەمایێن دەستپێكی یێن پەیڤا خودێ نیشا هەوە بدەت. هوین ڤەگەڕیان هەوجەیی شیری ببن، نە خوارنەكا گران.

یەعقوب 1:19

خویشك و برایێن من یێن خۆشتڤی، ڤێ چەندێ باش بزانن: بلا هەر مرۆڤەك یێ لەزگین بیت بۆ بهیستنێ، یێ لەزگین نەبیت بۆ ئاخفتنێ، یێ لەزگین نەبیت بۆ تۆڕەبوونێ،

یەعقوب 1:26

ئەگەر ئێك خۆ ئاییندار بهژمێریت و ئەزمانێ خۆ لغاڤ نەكەت، ئەو خۆ دخاپینیت و ئایینداریا وی یا ژ قەستایە.

1 پەترۆس 2:12

بلا د ناڤ مللەتان دا رەفتارێن هەوە د باش بن، دا سەرەڕای كو ئەو نەكامیا هەوە دكەن كو هوین خرابكارن، كریارێن هەوە یێن باش ببینن و پەسنا خودێ بكەن د رۆژا هاتنا وی دا.

1 پەترۆس 2:5

ئەڤجا هوین ژی وەكو بەرێن زیندی بۆ خانیەكێ روحانی دهێنە بەستن، دا ببنە كاهنێن پیرۆز و ب رێكا عیسایێ مەسیح قوربانێن روحانی یێن جهێ رازیبوونا خودێ پێشكێش بكەن.

1 پەترۆس 4:10

هەر ئێك ژ هەوە، ل دویڤ وێ بەهرەیا روحانی یا وی وەرگرتی، خزمەتا ئێكودوو پێ بكەن، وەكو بریكارێن چاك ل سەر كەرەمێن خودێ یێن جۆراوجۆر.

1 پەترۆس 4:16

لێ ئەگەر ئێك ژ هەوە وەكو مەسیحیەك ئازارێ بكێشیت، بلا شەرم نەكەت، لێ بلا پەسنا خودێ بكەت، ژ بەر كو هەلگرێ ڤی ناڤیە.

1 پەترۆس 5:11

سەروەری هەروهەر بۆ وی بیت. ئامین.

یەهودا 1:25

بۆ خودایێ ئێكانە، قورتالكەرێ مە، ب رێكا عیسایێ مەسیحێ خودانێ مە، قەدرگرانی و مەزناهی و سەروەری و دەستهەلات بۆ وی بن، ژ بەری هەمی سەردەمان و نوكە و هەتا هەتایێ. ئامین.