1 پەترۆس 3:9 - ئنجیلا پیرۆز

⁹ خرابیێ ب خرابیێ و ئاخفتنێن كرێت ب ئاخفتنێن كرێت ڤەنەگێڕن، لێ بەروڤاژی هندێ بەرەكەتێ بۆ وان بخوازن، ژ بەر كو هوین بۆ وێ چەندێ یێن هاتینە گازیكرن، كو ببنە میراتگرێن بەرەكەتێ.

1 پەترۆس 3:9 ပူးပေါင်းရင်းမြစ်များ

مزگینیا مەتتای 19:29

هەر كەسێ خانی، یان برا، یان خویشك، یان باب، یان دایك، یان زاڕۆك یان زەڤی ژ پێخەمەت ناڤێ من هێلا بیت، دێ سەد جاركی هندێ وەرگریت و دێ ژیانا هەروهەر ب میرات وەرگریت.

مزگینیا مەتتای 25:34

پاشی دێ پاشا بێژیتە یێن ل دەستێ خۆ یێ راستێ: ‹وەرن هەی ئەوێن بەرەكەتا بابێ من ل سەر، ببنە میراتگرێن وێ پاشایەتیا هەر ژ دامەزراندنا جیهانێ بۆ هەوە هاتیە ئامادەكرن،

مزگینیا مەتتای 5:39

لێ ئەز دبێژمە هەوە: بەرهنگاریا كەسەكێ خراب نەكەن. لێ ئەوێ شەقەك ل رویێ تە یێ راستێ دا، رویێ خۆ یێ دی ژی بدە بەر.

مزگینیا مەتتای 5:44

لێ ئەز دبێژمە هەوە: حەز ژ دوژمنێن خۆ بكەن و نڤێژان بكەن بۆ ئەوێن هەوە تەپەسەر دكەن،

مزگینیا مەرقۆسی 10:17

پشتی ب رێ كەفتی، زەڵامەك ب لەز گەهشتێ و كەفتە سەر چۆكان و پرسیار ژێ كر: «مامۆستایێ چاك، ئەز چ بكەم دا ببمە میراتگرێ ژیانا هەروهەر؟»

مزگینیا لوقای 10:25

وێ گاڤێ زانایەكێ دەستووری رابوو دا وی تاقی بكەت و گۆتێ: «مامۆستا، ئەز چ بكەم دا ببمە میراتگرێ ژیانا هەروهەر؟»

مزگینیا لوقای 18:18

سەرۆكەكی پرسیار ژێ كر و گۆتێ: «مامۆستایێ چاك، ئەز چ بكەم، دا ببمە میراتگرێ ژیانا هەروهەر؟»

رۆما 12:14

بەرەكەتێ بۆ وان بخوازن یێن هەوە تەپەسەر دكەن، بەرەكەتێ بۆ بخوازن و نفرینان لێ نەكەن.

رۆما 12:17

خرابیێ ل وی ڤەنەگەڕینن یێ خرابیێ ل هەوە دكەت، لێ گرنگیێ ب وان تشتان بدەن یێن ب دیتنا هەمی مرۆڤان د باش.

رۆما 8:28

ئەم دزانین كو خودێ وە دكەت هەمی تشت پێكڤە كار بكەن ژ بۆ باشیا وان یێن حەز ژ خودێ دكەن و ل دویڤ مەبەستا وی هاتینە گازیكرن.

رۆما 8:30

ئەوێن خودێ پێشوەخت دەستنیشان كرین، وی ئەو گازی كرن ژی، ئەوێن وی گازی كرین، وی ئەو بێگونەهكرن ژی، ئەوێن وی بێگونە‍‌ھ كرین، وی ئەو مەزنكرن ژی.

گالاتیا 3:14

ئەڤ چەندە چێبوو، دا ب رێكا مەسیح عیسای بەرەكەتا ئیبراهیمی بگەهیتە مللەتێن نەجوهی، كو ب رێكا باوەریێ ئەم گیانێ پیرۆز یێ سۆزپێدای وەرگرین.

ئەفەسۆس 4:32

ل گەل ئێكودوو د دلنازك و دلۆڤان بن، ل ئێكودوو ببورن، هەروەكو خودێ ژی ب رێیا مەسیحی ل هەوە بوری.

1 سالونیكی 5:15

هشیار بن كەس ژ ئەنجامێ خرابیێ، خرابیێ ل كەسێ نەكەت، لێ هەرگاڤ ل گەل ئێكودوو و ل گەل هەمیان ل دویڤ باشیێ هەڕن.

عیبرانی 12:17

هوین دزانن پشتی هنگی، دەمێ وی ڤیای ببیتە میراتگرێ بەرەكەتێ، ئەو هاتە رەتكرن، چنكو دەلیڤە بۆ لخۆزڤڕینێ نەدیت، هەر چەندە وی ب رۆندكان داخواز كر.

عیبرانی 6:14

و گۆت: «بێگۆمان ئەز دێ تە گەلەك بەرەكەتدار كەم و گەلەك ب دویندە‍‌ھ ئێخم.»

1 پەترۆس 5:10

خودایێ هەمی كەرەمێ ژی، ئەوێ هوین ب مەسیح عیسای گازی كرینە مەزناهیا خۆ یا هەتا هەتایی، پشتی كو هەوە بۆ دەمەكێ كورت ئازار كێشای، ئەو ب خۆ دێ هەوە كامل كەت و موكم كەت و بهێز ئێخیت و خۆج‍‌ھ كەت.