1 پەترۆس 3:8 - ئنجیلا پیرۆز

⁸ ب كورتی، هوین هەمی هەڤهزر بن، هەڤسۆز بن، وەكو برا حەز ژ ئێكودوو بكەن، دلۆڤان و دەروونبچویك بن.

1 پەترۆس 3:8 ပူးပေါင်းရင်းမြစ်များ

مزگینیا مەتتای 18:33

ئەرێ ما نە پێدڤی بوو تە دلۆڤانی ب هەڤالێ خۆ یێ بەنی بربا، هەروەكو من دلۆڤانی ب تە بری؟›

مزگینیا لوقای 10:33

لێ رێڤنگەكێ سامەری د وێرێ را بوری و دەمێ چاڤێ وی ڤێ كەفتی، دلێ وی پێ سۆت.

كارێن هنارتیان 2:1

دەمێ جەژنا رۆژا پێنجیێ هاتی، ئەو هەمی پێكڤە ل جهەكی بوون.

كارێن هنارتیان 27:3

ل رۆژا پاشتر ئەم گەهشتینە سایدا. یولیۆسی رەفتارەكا باش ل گەل پاولۆسی كر و دەستویری دایێ كو سەرەدانا هەڤالێن خۆ بكەت، دا پێدڤیێن خۆ ژ وان وەرگریت.

كارێن هنارتیان 28:7

ل دەوروبەرێن وی جهی، رەز و باغێن كەسەكی بوون كو مەزنێ گزیرتەیێ بوو، ناڤێ وی پوپلیۆس بوو، ئەوی بخێرهاتنا مە كر و ب خۆشحالی ڤە بۆ سێ رۆژان ئەم مێڤان كرین.

كارێن هنارتیان 4:32

كۆمەڵا باوەرداران ئێك دەروون بوون و كەسەكێ ژ وان نەدگۆت، كو ئەو تشتێن وی هەین بۆ وی ب تنێنە، لێ د هەمی تشتان دا د هەڤپشك بوون.

رۆما 12:10

وەكو برا ژ دل حەز ژ ئێكودوو بكەن، د رێزگرتنێ دا ئێكودوو ب پێش خۆ بئێخن.

رۆما 15:5

بلا خودایێ هەدار و هاندانێ وێ چەندێ بدەتە هەوە، كو هوین د ناڤ خۆ دا د رێككەفتی بن، ل گۆر نموونەیا مەسیح عیسای،

1 كورنتۆس 1:10

ئەڤجا ئەز ب ناڤێ خودانێ مە عیسایێ مەسیح هیڤی ژ هەوە دكەم، گەلی خویشك و برایان، كو هوین هەمی د رێككەفتی بن و دووبەرەكی د ناڤ هەوە دا نەبن، لێ ل سەر هەمان هزر و هەمان مەبەست د ئێكگرتی بن،

1 كورنتۆس 12:26

ئەگەر ئەندامەك بئێشیت، هەمی ئەندام ل گەل وی دئێشن. ئەگەر رێز ل ئەندامەكی بهێتە گرتن، هەمی ئەندام ل گەل وی دلخۆش دبن.

ئەفەسۆس 4:2

ب هەمی دەروونبچویكی و نەرمی و بێهنفرەهی ئێكودوو د حەزژێكرنێ دا رابگرن.

ئەفەسۆس 4:31

هەمی تەحلاتی، كەرب، تۆڕەبوون، قێڕ قێڕ، بوهتان و هەمی كینێ ژ ناڤ خۆ راكەن.

ئەفەسۆس 4:32

ل گەل ئێكودوو د دلنازك و دلۆڤان بن، ل ئێكودوو ببورن، هەروەكو خودێ ژی ب رێیا مەسیحی ل هەوە بوری.

فیلیپی 2:3

چ تشتی ب هەڤڕكیێ یان ب خۆپەرێسیێ نەكەن، لێ ب دەروونبچویكیێ كەسێن دی ژ خۆ باشتر بزانن.

فیلیپی 3:16

ب تنێ، بلا ل دویڤ وی ئاستێ ئەم گەهشتینێ، بژین.

كۆلۆسی 3:12

ئەڤجا هوین ئەوێن خودێ ئەو هەلبژارتین و پیرۆز كرین و حەز ژێ دكەت: دلۆڤانی، قەنجی، دەروونبچویكی، دلنەرمی و بێهنفرەهیێ بكەنە بەر خۆ.

عیبرانی 13:1

بلا حەزژێكرنا برایانە یا بەردەوام بیت.

یەعقوب 2:13

چنكو دادكرن یا بێ دلۆڤانیە بۆ وی یێ دلۆڤانی نەبری، لێ دلۆڤانی ب سەر دادكرنێ دكەڤیت.

یەعقوب 3:17

لێ ئەو ئاقلمەندیا ژ سڵال، ئەو بەری هەر تشتی یا پاكە، پاشی یا ئاشتیخوازە، دلنەرمە، سەرنەرمە، پڕی دلۆڤانی و بەرهەمێ چاكە، لایەنگر نینە و بێ دووڕویاتیە.

یەعقوب 5:11

ئەڤە ئەم خوزیێ ب وان رادهێلین یێن خۆڕاگرتی. هەوە خۆڕاگرتنا ئەیوبی بهیستیە و هەوە دیت كا ل دویماهیێ خودانی بۆ وی چ كر. چنكو خودان گەلەك یێ دلنازك و دلۆڤانە.

1 پەترۆس 1:22

هەوە دەروونێ خۆ ب ملكەچبوونا راستیێ پاك كریە و هۆسا حەزژێكرنا هەوە یا برایانە یا بێ دووڕویاتیە، ئەڤجا ژ نیڤا دلی ب گەرمی حەز ژ ئێكودوو بكەن.

1 پەترۆس 2:17

رێزێ ل هەمی مرۆڤان بگرن، حەز ژ برایەتیا باوەرداران بكەن، ژ خودێ بترسن، رێزێ ل پاشای بگرن.

1 پەترۆس 5:5

ب هەمان شێوە گەلی گەنجان، ملكەچی ریهسپیان بن و هوین هەمی بۆ ئێكودوو كراسێ دەروونبچویكیێ ل خۆ بپێچن، چنكو: «خودێ بەرهنگاریا دفنبلندان دكەت، لێ كەرەمێ ددەتە دەروونبچویكان.»

2 پەترۆس 1:7

و ل سەر خودێترسیێ ڤیانەكا برایینی و ل سەر ڤیانا برایینیێ ژی حەزژێكرنێ،

1 یوحەننا 3:14

ئەم دزانین كو ئەم ژ مرنێ دەرباز بووینە ژیانێ، چنكو ئەم حەز ژ خویشك و برایان دكەین. ئەوێ حەزژێكرنێ نەكەت، ئەو د مرنێ دا بنەج‍‌ھ دبیت.