1 پەترۆس 3:22 - ئنجیلا پیرۆز

²² ئەوێ چوویە ئەسمانی و ل دەستێ راستێ یێ خودێیە، فریشتە و دەستهەلاتدار و هێز ملكەچێن وینە.

1 پەترۆس 3:22 ပူးပေါင်းရင်းမြစ်များ

مزگینیا مەتتای 22:44

‹خودانی گۆتە خودانێ من: ل دەستێ من یێ راستێ روینە، تاكو ئەز دوژمنێن تە بكەمە دبن پێیێن تە ڤە.›

مزگینیا مەتتای 28:18

عیسا بەرەڤ شاگردان چوو و گۆت: «هەمی دەستهەلاتا ل ئەردی و ل ئەسمانی بۆ من یا هاتیە دان.

مزگینیا مەرقۆسی 12:36

داوودی ب خۆ ب سرۆشێ گیانێ پیرۆز گۆت: ‹خودانی گۆتە خودانێ من: ل دەستێ من یێ راستێ روینە، تاكو ئەز دوژمنێن تە بكەمە دبن پێیێن تە ڤە.›

مزگینیا مەرقۆسی 16:19

ئەڤجا پشتی كو خودان عیسا ل گەل وان ئاخفتی، بلند بوو ئەسمانی و ل ملێ راستێ یێ خودێ روینشت.

مزگینیا لوقای 20:42

چنكو داوود ب خۆ د پەرتووكا زەبوورێ دا دبێژیت: ‹خودانی گۆتە خودانێ من: ل دەستێ من یێ راستێ روینە،

مزگینیا یوحەننای 13:32

ئەڤجا ئەگەر خودێ ل گەل وی هاتە مەزن كرن، خودێ ژی دێ وی ل گەل خۆ مەزن كەت و ئێكسەر دێ وی مەزن كەت.

كارێن هنارتیان 1:11

و گۆتنێ: «گەلی جەلیلیان، بۆچی هوین د راوەستیاینە و بەرێ هەوە ل ئەسمانانە؟ ئەڤە ئەو عیسایە، ئەوێ بۆ ئەسمانان هاتیە بلندكرن، دێ هۆسا ڤەگەڕیتەڤە، هەروەكو هەوە دیتی دچوو.»

كارێن هنارتیان 3:21

فەرە ئەو ل ئەسمانان بهێتە وەرگرتن، تا دەمێ نویكرنا هەمی تشتان، هەروەكو خودێ ل سەر ئەزمانێ پێغەمبەرێن خۆ یێن پیرۆز ژ كەڤن دا گۆتی.

رۆما 8:34

كی دشێت وان گونەهبار بكەت؟ مەسیح عیسایە یێ كو مری، لێ ئەوە یێ ژ ناڤ مریان رابووی ژی و هەر ئەوە یێ ل دەستێ راستێ یێ خودێ بۆ مە مەهدەریێ دكەت.

رۆما 8:38

چنكو ئەز یێ پشتڕاستم كو نە مرن، نە ژیان، نە فریشتە، نە سەروەر، نە تشتێن هەیی، نە تشتێن دێ هێن، نە هێز،

1 كورنتۆس 15:24

پشتی هنگی دویماهی دێ هێت، دەمێ مەسیح پاشایەتیێ ددەتە دەستێ خودایێ باب، پشتی كو هەمی سەروەری و دەستهەلات و هێزان ژ ناڤ دبەت.

كۆلۆسی 3:1

ئەڤجا ئەگەر هوین ل گەل مەسیحی ژ مرنێ هاتینە راكرن، بزاڤێ بۆ تشتێن ل سڵال بكەن، ل وی جهی یێ مەسیح لێ، كو ل دەستێ راستێ یێ خودێ یێ روینشتیە.

عیبرانی 1:13

ما خودێ جارەكێ گۆتیە فریشتەیەكی: «ل دەستێ من یێ راستێ روینە، تاكو ئەز دوژمنێن تە بكەمە تەختەپێ بۆ پێیێن تە.»؟

عیبرانی 1:3

ئەو تیڕێژا مەزناهیا خودێیە و دەق و دەق وێنەیێ گەوهەرێ ویە، هەمی تشتێن د گەردوونێ دا ب پەیڤا خۆ یا هێزدار رێك دئێخیت. پشتی وی پاقژكرن بۆ گونەهێن مرۆڤان ئامادە كری، ل دەستێ راستێ یێ مەزناهیێ ل بلنداهیان روینشت.

عیبرانی 1:6

هەروەسا دەمێ كوڕێ خۆ یێ نەخری دئینیتە جیهانێ، دبێژیت: «بلا هەمی فریشتەیێن خودێ سوجدێ بۆ ببەن!»

عیبرانی 10:12

لێ دەمێ ڤی كاهنی ب تنێ ئێك قوربانی ژ بەر گونەهان بۆ هەتا هەتایێ پێشكێش كری، ل دەستێ راستێ یێ خودێ روینشت.

عیبرانی 12:2

بەرێ مە ل عیسای بیت، داهێنەر و تەمامكەرێ باوەریا مە، ئەوێ ژ پێخەمەت دلشادیا ل بەر وی هاتیە دانان، خۆ ل بەر خاچێ گرتی و شەرمزاریا وێ ب پشت گو‍‌ھ ڤە هاڤێتی، ئەڤجا ل رەخێ راستێ یێ تەختێ خودێ روینشتی.

عیبرانی 4:14

مادەم مە سەرۆككاهنەكێ مەزن هەیە، ئەوێ ژ ئەسمانان دەرباز بووی، كو عیسایێ كوڕێ خودێیە، بلا ئەم قاییم خۆ ب دانپێدانا خۆ ڤە بگرین.

عیبرانی 6:20

وی جهی یێ عیسا وەكو پێشەنگ ژ پێخەمەت مە ب ژۆر كەفتی و بۆ هەتا هەتایێ بوویە سەرۆككاهن ژ جۆرێ مەلكیسادقی.

عیبرانی 8:1

خالا سەرەكی ژ وان تشتێن مە گۆتین ئەڤەیە: مە سەرۆككاهنەكێ هۆسا یێ هەی، ئەوێ ل ئەسمانان ل رەخێ راستێ یێ تەختێ مەزناهیێ روینشتی،

عیبرانی 9:24

چنكو مەسیح نەچوویە پیرۆزگەها دەستكرد كو ل بەر یا رەسەن هاتیە چێكرن، لێ چوویە د ئەسمانی ب خۆ دا، دا نوكە ژ پێخەمەت مە ل بەرامبەری خودێ ئامادە بیت.