1 پەترۆس 3:21 - ئنجیلا پیرۆز

²¹ ئەڤە ژی هێمایێ وێ تافیركرنێیە یا نوكە هەوە قورتال دكەت. تافیركرن پاقژكرنا قڕێژا لەشی نینە، لێ داخوازكرنا وژدانەكا باشە ل نك خودێ، ب رێكا رابوونا عیسایێ مەسیح ژ ناڤ مریان،

1 پەترۆس 3:21 ပူးပေါင်းရင်းမြစ်များ

مزگینیا مەتتای 28:19

ئەڤجا هەڕن و هەمی مللەتان بكەنە شاگرد، كو وان ب ناڤێ باب و كوڕ و گیانێ پیرۆز تافیر بكەن

مزگینیا مەرقۆسی 16:16

یێ باوەریێ بینیت و بهێتە تافیركرن، دێ قورتال بیت و یێ باوەریێ نەئینیت دێ هێتە گونەهباركرن.

مزگینیا یوحەننای 13:9

شەمعون پەترۆسی گۆتێ: «خودان، نە ب تنێ پێیێن من، لێ دەست و سەرێ من ژی!»

كارێن هنارتیان 16:33

هەر د وی دەمێ شەڤێ دا ئەفسەرێ زیندانێ ئەو برن و برینێن وان شویشتن. ئێكسەر ئەو و هەمی خێزانا وی هاتنە تافیركرن.

كارێن هنارتیان 2:38

پەترۆسی بەرسڤا وان دا و گۆت: «ل خۆ بزڤڕن و بلا هەر كەسەك ژ هەوە بۆ لێبورینا گونەهان ب ناڤێ عیسایێ مەسیح بهێتە تافیركرن و دێ دیاریا گیانێ پیرۆز وەرگریت،

كارێن هنارتیان 22:16

نوكە تۆ بۆچی خۆ گیرۆ دكەی؟ رابە و ب گازیكرنا ناڤێ وی، وەرە تافیركرن و خۆ ژ گونەهێن خۆ بشوو.›

كارێن هنارتیان 8:36

دەمێ گالیسكە ب رێكێ دچوو، گەهشتنە جهەكێ ب ئاڤ، یێ خەساندی گۆت: «ئەڤە ئاڤ! ئەو چیە ناهێلیت ئەز بهێمە تافیركرن؟»

كارێن هنارتیان 8:37

فیلیپۆسی بەرسڤا وی دا: «ئەڤ چەندە چێدبیت، ئەگەر تۆ ژ هەمی دلێ خۆ باوەریێ بینی.» خەساندی گۆت: «ئەز باوەریێ دئینم، كو عیسایێ مەسیح كوڕێ خودێیە.»

رۆما 5:14

لێ ژ دەمێ ئادەمی تاكو دەمێ مووسای، مرنێ دەستهەلاتی دكر، خۆ ل سەر ئەوان ژی یێن گونەهێن وان نە وەكو زێدەگاڤیا ئادەمی بوون. ئادەم وێنەیەك بوو ژ وی كەسی یێ كو دا د دویڤ وی دا هێت.

1 كورنتۆس 12:13

چنكو ئەم هەمی ب گیانەكی هاتینە تافیركرن، دا ببینە لەشەك، چ جوهی بین یان یونانی، بەنی بین یان ئازاد، خودێ ئەم هەمی ژ هەمان گیان داینە ڤەخوارنێ.

1 كورنتۆس 4:6

من ژ بۆ باشیا هەوە، گەلی خویشك و برایان، ئەڤ تشتە ل سەر خۆ و ل سەر ئەپولۆسی وەكو نموونە ئینان، دا هوین ژ مە فێری ڤێ چەندێ ببن: «ژ یا هاتیە نڤیسین دەرنەكەڤن» و هۆسا چ كەس ژ هەوە خۆ ب ئێكی ل دژی ئێكێ دی مەزن نەكەت.

2 كورنتۆس 1:12

شانازیا مە ئەڤەیە: وژدانا مە شاهدەییێ ددەت كو رەفتارا مە د جیهانێ دا، ب تایبەت دەربارەی هەوە، ب سادەیی و نیازپاكیەكا خودایی بوو، نە ب ئاقلمەندیەكا مرۆڤكانی، لێ ب كەرەما خودێ بوو.

2 كورنتۆس 7:1

ئەڤجا، مادەم ئەم خودانێن ڤان سۆزاینە، گەلی خۆشتڤیان، بلا ئەم خۆ ژ هەر جۆرەكێ پیساتیا لەشی و گیانی پاك بكەین و ژ بەر ترسا خودێ ب تەمامی پیرۆز ببین.

گالاتیا 3:27

چنكو هەوە هەمیان، یێن ب رێكا تافیركرنێ ل گەل مەسیحی بووینە ئێك، مەسیح كریە بەر خۆ.

ئەفەسۆس 5:26

دا وێ ب شویشتنێ ب ئاڤێ ئانكو ب پەیڤێ پاقژ بكەت و هۆسا وێ پیرۆز بكەت،

كۆلۆسی 2:12

ب تافیركرنێ هوین ل گەل وی هاتینە ڤەشارتن و هەر ب وێ هوین ل گەل وی هاتینە راكرن ژی، چنكو هەوە باوەری ب شیانا خودێ یێ ئەو ژ ناڤ مریان راكری، ئینا.

1 تیمۆتاوس 1:5

لێ ئارمانجا ڤێ راسپاردەیێ حەزژێكرنەكا ژ دلەكێ پاك و ژ وژدانەكا باش و ژ باوەریەكا بێ دووڕویاتیە.

1 تیمۆتاوس 6:12

د خەباتا باش یا باوەریێ دا خۆ بوەستینە و خۆ ب ژیانا هەروهەر ڤە بگرە، ئەوا تۆ بۆ وێ هاتیە گازیكرن و تە ل بەرامبەر گەلەك شاهدان شاهدەییا باش بۆ وێ دای.

عیبرانی 10:22

بلا ئەم ل گەل دلەكێ راست ب باوەریەكا كامل، دلێن مە ب رەشاندنێ د پاقژكری ژ وژدانەكا خراب و لەشێن مە د شویشتی ب ئاڤەكا پاقژ، نێزیكی خودێ ببین.

عیبرانی 11:19

ئیبراهیمی د دلێ خۆ دا دگۆت كو خودێ دشێت مریان راكەتەڤە. ب شێوەیەكێ هێماكی كوڕێ خۆ، وەكو ئێكێ ژ ناڤ مریان رابووی، وەرگرتەڤە.

عیبرانی 13:18

نڤێژان بۆ مە بكەن. ئەم د پشتڕاستین كو مە وژدانەكا پاقژ یا هەی، حەز دكەین د هەمی تشتان دا رەفتارا مە یا باش بیت.

عیبرانی 9:14

پا چەند پتر خوینا مەسیحی، ئەوێ خۆ بێكێماسی ب هێزا گیانێ پیرۆزێ هەروهەر بۆ خودێ پێشكێش كری، دێ وژدانا مە ژ وان كریاران پاقژ كەت یێن مرۆڤی بەرەڤ مرنێ دبەن، دا پەرستنا خودایێ زیندی بكەین.

عیبرانی 9:24

چنكو مەسیح نەچوویە پیرۆزگەها دەستكرد كو ل بەر یا رەسەن هاتیە چێكرن، لێ چوویە د ئەسمانی ب خۆ دا، دا نوكە ژ پێخەمەت مە ل بەرامبەری خودێ ئامادە بیت.

1 پەترۆس 1:3

مەزناهی بۆ خودێ، بابێ خودانێ مە عیسایێ مەسیح، ئەوێ ل دویڤ دلۆڤانیا خۆ یا زێدە ب رێكا رابوونا عیسایێ مەسیح ژ ناڤ مریان، ژدایكبوونەكا نوی دایە مە و هۆسا مە هیڤیەكا زیندی

1 پەترۆس 3:16

لێ وێ چەندێ ب نەرمی و رێزگرتن بكەن. وژدانا خۆ پاقژ بپارێزن، داكو ئەوێن ب خرابی بەحسێ رەوشتێ هەوە یێ باش د ئێكبوونا ل گەل مەسیحی دا دكەن، د بوهتانێن خۆ دا شەرمزار ببن.