1 پەترۆس 3:18 - ئنجیلا پیرۆز

¹⁸ چنكو مەسیح ژی جارەكێ و بۆ هەروهەر ژ پێخەمەت گونەهان هاتە ئازاردان، یێ راستدار ژ پێخەمەت نەڕاستداران، دا هەوە بگەهینیتە خودێ. ئەو د لەشی دا هاتە كوشتن، لێ ژ لایێ گیانی ڤە هاتە ڤەژاندن.

1 پەترۆس 3:18 ပူးပေါင်းရင်းမြစ်များ

مزگینیا مەتتای 27:19

دەمێ ئەو ل سەر كورسیكا دادوەریێ یێ روینشتی، هەڤژینا وی ئێك هنارتە نك و گۆتێ: «نەكەی چ ل وی مرۆڤێ راستدار بكەی! چنكو ئەڤرۆ د خەونێ دا، ژ بەر وی، من گەلەك ئازار یا دیتی.»

مزگینیا مەتتای 27:24

دەمێ پیلاتۆسی دیتی چ مفا نینە، لێ تێكدان دێ پەیدا بیت، ئاڤ ئینا و ل بەرامبەر جەماوەری دەستێن خۆ شویشتن و گۆت: «ئەز ژ خوینا ڤی مرۆڤی یێ بێگونەهم، ئەو ل ستۆیێ هەوەیە!»

مزگینیا یوحەننای 16:10

دەربارەی راستداریێ، چنكو ئەز دێ چمە نك بابی و ئێدی هوین من نابینن.

كارێن هنارتیان 22:14

وی گۆت: ‹خودایێ بابكالێن مە تۆ یێ هەلبژارتی، دا تۆ حەزا وی بزانی و یێ راستدار ببینی و ئاخفتنێ ژ دەڤێ وی ببهیسی،

كارێن هنارتیان 3:14

هەوە یێ راست و پیرۆز ماندەل كر و داخواز كر مێركوژەك بۆ هەوە بهێتە ئازادكرن.

رۆما 1:4

و ل گۆر گیانێ پیرۆزیێ، ب رابوونا وی ژ ناڤ مریان، ب هێزێ وەكو كوڕێ خودێ هاتیە دیاركرن. ئەو خودانێ مە عیسایێ مەسیحە.

رۆما 4:25

ئەوێ ژ بەر گونەهێن مە رادەستی مرنێ هاتیە كرن و ژ بۆ بێگونە‍‌ھ دەرئێخستنا مە هاتیە راكرن.

رۆما 5:2

ب رێكا وی دەستویری بۆ مە هاتە دان، ب باوەریێ ئەم بچینە د ڤێ كەرەمێ ڤە، یا ئەم تێدا ئاكنجی، و شانازیێ ب وێ هیڤیێ دبەین، كو دێ مە پشكداری د مەزناهیا خودێ دا هەبیت.

رۆما 8:11

ئەگەر گیانێ وی یێ عیسا ژ ناڤ مریان راكری، د هەوە دا یێ ئاكنجیە، ئەوێ كو مەسیح ژ ناڤ مریان راكری، دێ ب گیانێ خۆ یێ د هەوە دا ئاكنجی، لەشێن هەوە یێن مربار ژی ڤەژینیت.

رۆما 8:3

ئەو تشتێ دەستووری ژ بەر لاوازیا سرۆشتێ لەشكانی یێ مرۆڤی نەشیای بكەت، خودێ ئەو كر: وی كوڕێ خۆ ب لەشەكێ وەكو لەشێ مە یێ گونەهكار هنارت بۆ كەفارەتا گونەهان، هۆسا وی گونە‍‌ھ د لەشی دا گونەهبار كر،

2 كورنتۆس 1:24

مەبەستا من نە ئەوە كو ئەم زاڵدەستیێ ل سەر باوەریا هەوە بكەین، چنكو هوین د باوەریێ دا دموكمن، لێ ئەم هەڤكارێن دلخۆشیا هەوەینە.

2 كورنتۆس 13:4

راستە ئەو ژ لاوازی هاتە خاچدان، لێ ئەو ب هێزا خودێ یێ زیندیە. ئەم ژی د ئێكبوونا ل گەل وی دا د لاوازین، لێ ب هێزا خودێ ئەم د سەرەدەریا خۆ دا ل گەل هەوە دێ ل گەل وی زیندی بین.

2 كورنتۆس 5:21

ئەوێ كو ئێكجار گونە‍‌ھ نەكری، خودێ ژ پێخەمەت مە ئەو كرە قوربانیێ گونەهێ، دا ئەم ب رێكا ئێكبوونا مە ل گەل وی ل نك خودێ راستدار دەركەڤین.

گالاتیا 1:4

ئەوێ خۆ گۆری گونەهێن مە كری، دا مە ل دویڤ حەزا خودێ و بابێ مە ژ جیهانا نوكە یا خراب قورتال بكەت.

گالاتیا 3:13

مەسیح پێخەمەت مە كەفتە بن نفرینێ و هۆسا ئەم ژ نفرینا دەستووری رزگار كرین، چنكو یا هاتیە نڤیسین: «نفرین لێ كریە، هەر كەسێ ل سەر دارەكی بهێتە هەلاویستن.»

ئەفەسۆس 3:12

ب ئێكبوونێ ل گەل مەسیحی و ب رێكا باوەری ئینانێ ب وی، مە دەستویریا خۆ نێزیككرنێ ژ خودێ، ب وێرەكی و پشتڕاستی، یا هەی.

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

عیبرانی 10:10

هۆسا عیسایێ مەسیح حەزا خودێ ب ج‍‌ھ ئینا، كو جارەكێ و بۆ هەروهەر لەشێ خۆ پێشكێش كر، ب ڤی چەندێ ئەم هاتینە پیرۆزكرن.

عیبرانی 9:14

پا چەند پتر خوینا مەسیحی، ئەوێ خۆ بێكێماسی ب هێزا گیانێ پیرۆزێ هەروهەر بۆ خودێ پێشكێش كری، دێ وژدانا مە ژ وان كریاران پاقژ كەت یێن مرۆڤی بەرەڤ مرنێ دبەن، دا پەرستنا خودایێ زیندی بكەین.

عیبرانی 9:26

ئەگەر وەسا با، پێدڤی بوو مەسیحی هەر ژ دامەزراندنا جیهانێ گەلەك جاران ئازار كێشابان. لێ نوكە ل دویماهیا سەردەمان ئەو جارەكێ و بۆ هەروهەر دیار بوو، دا ب خۆگۆریكرنا خۆ گونەهێ راكەت.

عیبرانی 9:28

وەسا مەسیح ژی ژ بەر راكرنا گونەهێن گەلەكان ب تنێ جارەكێ هاتە پێشكێش كرن. ئەو دێ بۆ جارا دوویێ دیار بیت، نە ژ بەر راكرنا گونەهان، لێ ژ بەر قورتالكرنا وان یێن چاڤەڕێیا وی دكەن.

یەعقوب 5:6

هەوە یێ بێگونە‍‌ھ گونەهبار كر و كوشت، هەر چەندە ئەو بەرهنگاریا هەوە ناكەت.

1 پەترۆس 3:19

ئەو ب گیانی چوو و بۆ گیانێن زیندانكری پەیام راگەهاند.

1 پەترۆس 4:1

ئەڤجا مادەم مەسیحی د لەشی دا ئازار كێشا، هوین ژی ب وێ نیازێ خۆ چەكدار بكەن، چنكو یێ د لەشی دا ئازار كێشای، دەست ژ گونەهێ بەردایە،

1 پەترۆس 4:6

لەوما مزگینی بۆ مریان ژی هاتیە دان، داكو هەر چەندە ئەو د لەشی دا وەكو مرۆڤان هاتینە دادكرن، لێ د گیانی دا ل دویڤ خودێ بژین.

1 یوحەننا 1:9

ئەگەر ئەم دانپێدانێ ب گونەهێن خۆ بكەین، ئەو یێ دلسۆز و راستدارە، لەوما دێ ل گونەهێن مە بوریت و مە ژ هەمی خرابیان پاقژ كەت.