1 پەترۆس 3:16 - ئنجیلا پیرۆز

¹⁶ لێ وێ چەندێ ب نەرمی و رێزگرتن بكەن. وژدانا خۆ پاقژ بپارێزن، داكو ئەوێن ب خرابی بەحسێ رەوشتێ هەوە یێ باش د ئێكبوونا ل گەل مەسیحی دا دكەن، د بوهتانێن خۆ دا شەرمزار ببن.

1 پەترۆس 3:16 ပူးပေါင်းရင်းမြစ်များ

مزگینیا مەتتای 5:11

خوزیكێن هەوە، دەمێ ژ بەر من هەوە فهێت دكەن و تەپەسەر دكەن و ژ درەو ڤە هەمی جۆرێن پەیڤێن خراب دژی هەوە دبێژن.

كارێن هنارتیان 24:16

ژ بەر ڤێ چەندێ ژی ئەز بزاڤێ دكەم، دا هەردەم من وژدانەكا پاقژ بەرامبەری خودێ و مرۆڤان هەبیت.

كارێن هنارتیان 28:22

لێ ئەم حەز دكەین ژ تە ببهیسین كا بۆچوونێن تە چنە، چنكو ئەم دزانین ل هەمی جهان ئاخفتن ل دژی ڤێ رێبازێ دهێنە گۆتن.»

رۆما 9:1

مەسیح شاهدە كو ئەز راستیێ دبێژم و درەوان ناكەم و وژدانا من ژی ب رێیا گیانێ پیرۆز شاهدەییێ بۆ ڤێ چەندێ ددەت كو

2 كورنتۆس 1:12

شانازیا مە ئەڤەیە: وژدانا مە شاهدەییێ ددەت كو رەفتارا مە د جیهانێ دا، ب تایبەت دەربارەی هەوە، ب سادەیی و نیازپاكیەكا خودایی بوو، نە ب ئاقلمەندیەكا مرۆڤكانی، لێ ب كەرەما خودێ بوو.

2 كورنتۆس 4:2

مە كریارێن ڤەشارتی یێن ب شەرم ژی رەت كرن، ئەم فێلبازیێ ناكەین و دەستكاریێ د پەیڤا خودێ دا ناكەین. لێ ئەم راستیێ دیار دكەین و ب ڤی ئاوایی ل پێشیا خودێ بۆ وژدانا هەر مرۆڤەكی خۆ پەسەند دكەین.

1 تیمۆتاوس 1:19

ب رێكا قاییم گرتنا باوەری و وژدانەكا باش. هندەكان ئەو وژدان رەتكر، ئینا ئەو ژ لایێ باوەریێ ڤە ژ بن چوون،

1 تیمۆتاوس 1:5

لێ ئارمانجا ڤێ راسپاردەیێ حەزژێكرنەكا ژ دلەكێ پاك و ژ وژدانەكا باش و ژ باوەریەكا بێ دووڕویاتیە.

2 تیمۆتاوس 1:3

ئەز سوپاسیا خودێ دكەم، ئەوێ ئەز ب وژدانەكا پاقژ د پەرێسم، هەروەكو بابكالێن من پەرستی، دەمێ ب شەڤ و رۆژ د نڤێژێن خۆ دا بێی راوەستیان تە دئینمە بیرا خۆ.

تیتۆس 2:8

ئاخفتنێن ساخلەم و گازندە ل سەر نەبن ب كار بینە، دا هەر ئێكێ بەرهنگاریێ بكەت شەرمزار ببیت، چنكو ئەوی تشتەكێ خراب نینە ل دژی مە بێژیت.

عیبرانی 13:18

نڤێژان بۆ مە بكەن. ئەم د پشتڕاستین كو مە وژدانەكا پاقژ یا هەی، حەز دكەین د هەمی تشتان دا رەفتارا مە یا باش بیت.

عیبرانی 9:14

پا چەند پتر خوینا مەسیحی، ئەوێ خۆ بێكێماسی ب هێزا گیانێ پیرۆزێ هەروهەر بۆ خودێ پێشكێش كری، دێ وژدانا مە ژ وان كریاران پاقژ كەت یێن مرۆڤی بەرەڤ مرنێ دبەن، دا پەرستنا خودایێ زیندی بكەین.

1 پەترۆس 2:12

بلا د ناڤ مللەتان دا رەفتارێن هەوە د باش بن، دا سەرەڕای كو ئەو نەكامیا هەوە دكەن كو هوین خرابكارن، كریارێن هەوە یێن باش ببینن و پەسنا خودێ بكەن د رۆژا هاتنا وی دا.

1 پەترۆس 2:15

چنكو حەزا خودێ ئەڤەیە: ب كرنا باشیێ دەنگێ نەزانینا كەسێن دەبەنگ مت كەن.

1 پەترۆس 2:19

چنكو جهێ رازیبوونێیە ئەگەر كەسەك ژ بەر وژدانا خۆ ل بەرامبەر خودێ، خۆ ل بەر ژانا ئازاردانەكا بێداد بگریت.

1 پەترۆس 3:21

ئەڤە ژی هێمایێ وێ تافیركرنێیە یا نوكە هەوە قورتال دكەت. تافیركرن پاقژكرنا قڕێژا لەشی نینە، لێ داخوازكرنا وژدانەكا باشە ل نك خودێ، ب رێكا رابوونا عیسایێ مەسیح ژ ناڤ مریان،

1 پەترۆس 4:4

ئەو مەندەهۆش دمینن، كو ئێدی هوین ل گەل وان ل دویڤ هەمان بەرەڵایی و سەربەردانێ نابەزن، ئەڤجا ئەو هەوە رسوا دكەن.