1 پەترۆس 3:11 - ئنجیلا پیرۆز

¹¹ بلا خۆ ژ خرابیێ دویر بئێخیت و باشیێ بكەت، بلا ل ئاشتیێ بگەڕیێت و بزاڤێ بۆ بكەت.

1 پەترۆس 3:11 ပူးပေါင်းရင်းမြစ်များ

مزگینیا مەتتای 5:45

دا ببنە كوڕێن بابێ خۆ ئەوێ ل ئەسمانی، ئەوێ رۆژا خۆ ل سەر باش و خرابان دهەلینیت و بارانێ ل سەر بێگونە‍‌ھ و گونەهباران دبارینیت.

مزگینیا مەتتای 5:9

خوزیكێن ئاشتیخوازان، چنكو دێ بێژنە وان كوڕێن خودێ.

مزگینیا مەتتای 6:13

مە نەئێخە د تاقیكرنێ دا، لێ مە ژ خرابكاری قورتال بكە، چنكو پاشایەتی و هێز و مەزناهی هەروهەر یێن تەنە. ئامین.

مزگینیا مەرقۆسی 14:7

هەژار هەمی دەمان یێن ل نك هەوە هەین و هەر دەمێ هەوە بڤێت هوین دشێن چاكیێ لێ بكەن، لێ ئەز هەمی دەمان ل نك هەوە نابم.

مزگینیا لوقای 1:79

داكو رۆناهیێ بدەتە وان، یێن ل تاریستان و سیبەرا مرنێ روینشتین، بەرێ مە ژی بدەتە رێكا ئاشتیێ.»

مزگینیا لوقای 6:35

لێ حەز ژ دوژمنێن خۆ بكەن و چاكیێ بكەن و قەری بدەن بێی كو چاڤەڕێی ڤەگەڕاندنێ بن. ب ڤی رەنگی خەلاتێ هەوە دێ یێ مەزن بیت و دێ بنە كوڕێن خودایێ هەری بلند. چنكو ئەو چاكیا خۆ ب سەر مرۆڤێن نەسوپاسدار و خراب دا دادرێژیت.

مزگینیا لوقای 6:9

عیسای گۆتە وان: «ئەز دێ پرسیارەكێ ژ هەوە كەم: ئایا ل شەمبیێ كرنا كارێ باش رەوایە، یان كارێ خراب؟ قورتالكرنا ژیانەكێ یان ژناڤبرن؟»

مزگینیا یوحەننای 17:15

ئەز داخوازێ ناكەم كو تۆ وان ژ جیهانێ ببەی، لێ تۆ وان ژ خرابكاری بپارێزی.

رۆما 12:18

ئەگەر د شیان دا بیت، هندی ژ هەوە بهێت ب ئاشتی ل گەل هەمی مرۆڤان بژین.

رۆما 14:17

چنكو بابەتێ پاشایەتیا خودێ نە خوارن و ڤەخوارنن، لێ راستداری، ئاشتی و دلخۆشینە ب گیانێ پیرۆز.

رۆما 14:19

ئەڤجا دا بزاڤێ بۆ وان تشتان بكەین یێن ئاشتی و ئاڤاكرنا هەڤپشك ژێ چێدبن.

رۆما 5:1

ئەڤجا ژ بەر كو ئەم ب باوەریێ بێگونە‍‌ھ هاتینە دەرئێخستن، ئەم ل گەل خودێ كەفتینە ئاشتیێ، ژ دەولەتسەرێ خودانێ خۆ عیسایێ مەسیح.

رۆما 7:19

چنكو ئەز وێ باشیێ ناكەم یا من دڤێت، لێ وێ خرابیێ دكەم یا من نەڤێت.

رۆما 7:21

هۆسا ئەڤ یاسایە بۆ من ئاشكرا بوو: دەمێ من دڤێت ئەز باشیێ بكەم، خرابی ل نك من یا ئامادەیە.

رۆما 8:6

دویماهیا وی زێهنێ گرنگیێ ب لەشی ددەت، مرنە، لێ دویماهیا وی زێهنێ گرنگیێ ب گیانی ددەت، ژیان و ئاشتیە.

گالاتیا 5:22

لێ بەرهەمێ گیانێ پیرۆز ئەڤەیە: حەزژێكرن، دلخۆشی، ئاشتی، بێهنفرەهی، جوامێری، چاكی، دلسۆزی،

گالاتیا 6:10

ئەڤجا هندی مە دەلیڤە هەبیت، بلا ئەم چاكیێ ل گەل هەمیان بكەین، ب تایبەتی ل گەل خویشك و برایێن مە د باوەرداریێ دا.

كۆلۆسی 3:15

بلا د دلێ هەوە دا ئاشتیا مەسیحی حوكمداریێ بكەت، ئەو ئاشتیا هوین بۆ وێ هاتینە گازیكرن، كو ببنە ئێك لەش، هەروەسا د سوپاسدار ژی بن.

1 تیمۆتاوس 6:18

وان راسپێرە كو باشیێ بكەن، ب كریارێن باش د دەولەمەند بن، د مەرد بن و بۆ پشكداریێ ژ مالێ خۆ ل گەل كەسێن دی د ئامادە بن.

عیبرانی 12:14

بۆ ئاشتیێ ل گەل هەمی كەسان بزاڤێ بكەن، هەروەسا بۆ پیرۆزیێ، ئەوا بێی وێ كەس خودانی نابینیت.

عیبرانی 13:16

هەروەسا كرنا قەنجیێ و دانا تشتێن هەوە هەین بۆ یێن هەوجە پشت گو‍‌ھ ڤە نەهاڤێژن، چنكو قوربانێن هۆسا خودێ دلخۆش دكەن.

یەعقوب 4:17

ئەڤجا یێ بزانیت باشیێ بكەت و نەكەت، ئەو بۆ وی گونەهە.

1 پەترۆس 3:12

چنكو خودان چاڤێ خۆ ددەتە راستداران و گوهێ خۆ ددەتە داخوازا وان. لێ خودان دژی وانە یێن خرابیێ دكەن.»

3 یوحەننا 1:11

هەی خۆشتڤی، چاڤ ل خرابیێ نەكە، لێ ل باشیێ بكە. هەر ئێكێ باشیێ دكەت، ئەو ژ خودێیە و یێ خرابیێ دكەت، ئەوی خودێ نەدیتیە.