1 پەترۆس 2:5 - ئنجیلا پیرۆز

⁵ ئەڤجا هوین ژی وەكو بەرێن زیندی بۆ خانیەكێ روحانی دهێنە بەستن، دا ببنە كاهنێن پیرۆز و ب رێكا عیسایێ مەسیح قوربانێن روحانی یێن جهێ رازیبوونا خودێ پێشكێش بكەن.

1 پەترۆس 2:5 ပူးပေါင်းရင်းမြစ်များ

رۆما 12:1

ئەڤجا ئەز هیڤیێ ژ هەوە دكەم، گەلی خویشك و برایان، كو هوین ژ بەر دلۆڤانیا خودێ لەشێ خۆ وەك قوربانەكێ زیندی یێ پیرۆز و جهێ رازیبوونا خودێ پێشكێش بكەن. ئەڤەیە پەرستنا هەوە یا راستەقینە.

رۆما 15:16

كو ل نك مللەتێن نەجوهی خزمەتكارێ مەسیح عیسای بم، وەكو كاهن خزمەتا مزگینیا خودێ بكەم، دا یێن نەجوهی پێشكێشیەكێ قەبیلكری بن، ب گیانێ پیرۆز دپیرۆزكری بن.

1 كورنتۆس 3:16

ما هوین نزانن، كو هوین پەرستگەها خودێنە و گیانێ خودێ د هەوە دا یێ ئاكنجیە؟

1 كورنتۆس 3:9

چنكو ئەم پێكڤە بۆ خودێ كار دكەین، هوین ژی زەڤیا خودێنە و ئاڤاهیێ خودێنە.

1 كورنتۆس 6:19

یان ژی ما هوین نزانن كو لەشێ هەوە پەرستگەها گیانێ پیرۆزە، ئەوێ كو د ناڤ هەوە دایە، ئەوێ هەوە ژ خودێ وەرگرتی؟ هوین نە یێن خۆنە،

2 كورنتۆس 6:16

ما چ رێككەفتن د ناڤبەرا پەرستگەها خودێ و پووتان دا هەیە؟ چنكو ئەم پەرستگەها خودایێ زیندینە، هەروەكو خودێ گۆتی: «ئەز دێ د ناڤ وان دا ئاكنجی بم و د ناڤبەرا وان دا گەڕیێم. ئەز دێ خودایێ وان بم و ئەو دێ گەلێ من بن.»

گالاتیا 6:10

ئەڤجا هندی مە دەلیڤە هەبیت، بلا ئەم چاكیێ ل گەل هەمیان بكەین، ب تایبەتی ل گەل خویشك و برایێن مە د باوەرداریێ دا.

فیلیپی 1:11

و دپڕ بن ژ بەرهەمێ راستداریێ، ئەوێ كو ژ دەولەتسەرێ عیسایێ مەسیحە، ژ بۆ مەزناهی و پەسنا خودێ.

فیلیپی 2:17

لێ ئەگەر وەكو پێشكێشیێ رژاندنێ ل سەر قوربانی و خزمەتا باوەریا هەوە بهێمە رشتن ژی، ئەز دلخۆش دبم و ل گەل هەوە هەمیان كەیفخۆش دبم.

فیلیپی 4:18

ئێدی من تێرا هەمی پێدڤیێن خۆ یێ هەی و زێدەتر ژی. ئەز كەفتمە د بەرفرەهیێ دا، پشتی من ئەو تشت وەرگرتین، یێن ئێپافرۆدیتۆسی بۆ من ژ نك هەوە ئیناین، كو پێشكێشیەكێ بێهنخۆش و قوربانەكێ قەبیلكری و جهێ رازیبوونا خودێیە.

كۆلۆسی 3:17

هەر تشتێ هوین بكەن، ب گۆتن یان كریار، ب ناڤێ خودان عیسای بكەن و ب رێكا وی سوپاسیا خودایێ باب بكەن.

1 تیمۆتاوس 3:15

دا ئەگەر ئەز گیرۆ ببم، تۆ بزانی كا پێدڤیە ئێك چەوا د مالا خودێ دا رەفتارێ بكەت. ئەو مال جڤاكا گازیكریێن خودایێ زیندیە، ستوین و شەنگستەیێ راستیێیە.

عیبرانی 3:6

لێ مەسیح وەكو كوڕ ل سەر مالا خودێ یێ دلسۆزە. ئەو مال ژی ئەمین، ئەگەر ئەم پشتڕاستیا خۆ و شانازیبرن ب وێ هیڤیا مە هەی ژ دەست نەدەین.

1 پەترۆس 2:9

لێ هوین دویندەهەكا هەلبژارتینە، كاهنێن پاشایانەنە، مللەتەكێ پیرۆزن و گەلێ تایبەت یێ خودێنە، دا هوین چاكیێن وی یێ هوین ژ تاریاتیێ گازی كرینە رۆناهیا خۆ یا سەیر، رابگەهینن.

1 پەترۆس 4:11

ئەگەر ئێك دئاخڤیت، بلا وەكو ئێكێ پەیڤێن خودێ دبێژیت بئاخڤیت. ئەگەر ئێك خزمەتێ دكەت، بلا ب وێ هێزێ بكەت یا خودێ دایێ، دا خودێ د هەر تشتی دا بهێتە مەزنكرن، ب رێیا عیسایێ مەسیح، ئەوێ مەزناهی و سەروەری هەروهەر یێن وینە. ئامین.

1 پەترۆس 4:17

دەم هاتیە كو دادكرن ژ مالا خودێ دەست پێ بكەت. ئەڤجا ئەگەر ژ مە دەست پێ بكەت، دویماهیا وان یێن گوهداریا مزگینیا خودێ ناكەن، دێ چ بیت؟

ئاشكراكرن 1:6

و ئەم كرینە پاشایەتی و كاهنێن بابێ خۆ خودێ: مەزناهی و سەروەری هەروهەر بۆ وی بن. ئامین.

ئاشكراكرن 20:6

چەند یێ بەختەوەر و پیرۆزە ئەوێ بەهر د رابوونا مریان یا ئێكێ دا هەی. مرنا دوویێ دەستهەلات ل سەر وان نینە، لێ ئەو دێ بنە كاهنێن خودێ و مەسیحی و دێ ل گەل وی بۆ هزار ساڵان پاشایەتیێ كەن.

ئاشكراكرن 3:12

هەر ئێكێ سەركەفتنێ بینیت، دێ وی كەمە ستوینەك د پەرستگەها خودایێ خۆ دا و ئێدی ئەو چ جاران ژێ دەرناكەڤیت. دێ ناڤێ خودایێ خۆ و ناڤێ باژێڕێ خودایێ خۆ، ئورشەلیما نوی، ئەوا ژ ئەسمانی ژ نك خودایێ من دهێتە خوارێ، ل سەر وی كەسی نڤیسم. دێ ناڤێ خۆ یێ نوی ژی ل سەر وی نڤیسم.

ئاشكراكرن 5:10

تە ئەو بۆ خودایێ مە كرنە پاشایەتی و كاهن، ئەو دێ پاشایەتیێ ل سەر ئەردی كەن.»