1 پەترۆس 2:4 - ئنجیلا پیرۆز

⁴ هوین خۆ نێزیكی وی دكەن، یێ كو بەرەكێ زیندی یێ رەتكریە ژ لایێ مرۆڤان ڤە، لێ یێ هەلبژارتی و بهاگرانە ژ لایێ خودێ ڤە،

1 پەترۆس 2:4 ပူးပေါင်းရင်းမြစ်များ

مزگینیا مەتتای 11:28

وەرنە نك من، هەی هەمی ماندیبووی و بارگرانان، ئەز دێ بێهنا هەوە ڤەدەم.

مزگینیا مەتتای 12:18

«ئەڤەیە خزمەتكارێ من، یێ من هەلبژارتی، خۆشتڤیێ من، یێ دلێ من پێ خۆش بووی. ئەز دێ گیانێ خۆ دانمە سەر و ئەو دێ دادوەریێ ل سەر مللەتان بەڵاڤ كەت.

مزگینیا مەتتای 21:42

عیسای گۆتە وان: «ئەرێ ما هەوە د نڤیساران دا نەخواندیە: ‹ئەو بەرێ هۆستایان رەتكری، یێ بوویە بەرێ بنیاتی. ئەڤە ژ لایێ خودانی ڤە چێبوویە و ئەو ل بەر چاڤێن مە تشتەكێ حنێرە!›

مزگینیا یوحەننای 14:19

پشتی چەندەكا دی، ئێدی جیهان من نابینیت، لێ هوین دێ من بینن. چنكو ئەز دژیم، هوین ژی دێ ژین.

مزگینیا یوحەننای 14:6

ئینا عیسای بەرسڤ دا: «ئەزم رێك و راستی و ژیان. كەس ناهێتە نك بابی، ئەگەر ب رێیا من نەبیت.

مزگینیا یوحەننای 5:26

چنكو هەروەكو بابی ژیان د خۆ دا هەی، وی دایە كوڕی ژی كو ژیان د خۆ دا هەبیت.

مزگینیا یوحەننای 5:40

لێ هەوە نەڤێت بهێنە نك من، كو هەوە ژیان هەبیت.

مزگینیا یوحەننای 6:37

هەمیێن كو باب ددەتە من، دێ هێنە نك من و هەر كەسێ بهێتە نك من، ئەز چ جاران وی دەرنائێخم.

مزگینیا یوحەننای 6:57

كا چەوا بابی، یێ كو سەرەكانیا ژیانێیە، ئەز هنارتم و ئەز ب وی دژیم، هۆسا ئەوێ من بخۆت، دێ ب من ژیت.

رۆما 5:10

ئەگەر دەمێ ئەم دوژمنێن وی بووین، خودێ ب مرنا كوڕێ خۆ ل گەل مە ئاشت بوو، نوكە پشتی ئەم ل گەل وی د ئاشت، چەند مسۆگەرتر ب ژیانا كوڕێ وی دێ قورتال بین.

1 كورنتۆس 3:11

چنكو كەس نەشێت بنیاتەكێ دی دانیت، ژبلی وی یێ هاتیە دانان، كو ئەو ژی عیسایێ مەسیحە.

كۆلۆسی 3:4

دەمێ مەسیح، ئەوێ كو ژیانا هەوەیە، دیار دبیت، هنگی هوین ژی دێ ل گەل وی د مەزناهیێ دا دیار بن.

1 پەترۆس 1:19

لێ ب خوینەكا بهاگران، هەروەكو یا بەرخەكێ بێكێماسی و بێپنی بیت، هاتینە ئازاد كرن، ئەو ژی خوینا مەسیحیە.

1 پەترۆس 1:7

دا بەلگەیێ باوەریا هەوە، ئەوێ ب بهاتر ژ زێڕێ ژ ناڤ دچیت، یێ كو ب ئاگری دهێتە تاقیكرن، ببیتە جهێ پەسن و مەزناهی و سەربلندیێ ل دەمێ دیاربوونا عیسایێ مەسیح.

1 پەترۆس 2:7

ئەڤجا ژ بۆ هەوە باوەرداران، ئەو یێ بهاگرانە، لێ ژ بۆ یێن نەباوەردار، «ئەو بەرێ هۆستایان رەتكری، یێ بوویە بەرێ بنیاتی،»

2 پەترۆس 1:1

ژ من، شەمعون پەترۆس، بەنی و هنارتیێ عیسایێ مەسیح، بۆ وان یێن ب راستداریا خودێ، قورتالكەرێ مە عیسایێ مەسیح، باوەریەكا بهاگران یا وەكو یا مە وەرگرتی:

2 پەترۆس 1:4

وی ب ڤان تشتان سۆزێن گەلەك مەزن و بهاگران داینە مە، دا هوین ب وان ژ وێ پویچاتیێ، ئەوا ژ حەزێن جیهانێ دهێت، بڕەڤن و ببنە پشكدارێن سرۆشتێ خودایی.