1 پەترۆس 2:24 - ئنجیلا پیرۆز

²⁴ وی ب خۆ ل سەر خاچێ گونەهێن مە د لەشێ خۆ دا هەلگرتن، دا ئەم دەربارەی گونەهان بمرین و بۆ راستیێ بژین. ب برینێن وی هوین ساخ بوون.

1 پەترۆس 2:24 ပူးပေါင်းရင်းမြစ်များ

مزگینیا مەتتای 27:26

وی دەمی باراباس بۆ وان ئازاد كر، لێ عیسا قامچی دا، پاشی رادەستی وان كر داكو بهێتە خاچدان.

مزگینیا مەتتای 5:20

ئەڤجا ئەز دبێژمە هەوە: ئەگەر راستداریا هەوە ژ یا فەریسیان و مامۆستایێن دەستووری پتر نەبیت، چ جاران هوین ناچنە د ناڤ پاشایەتیا ئەسمانان دا.

مزگینیا مەتتای 8:17

ئەڤ چەندە چێبوو دا ئەوا ل سەر ئەزمانێ ئیشایا پێغەمبەر هاتی، ب ج‍‌ھ بهێت، دەمێ گۆتی: «وی دەردێن مە هەلگرتن و نەخۆشیێن مە كرنە پشتا خۆ.»

مزگینیا مەرقۆسی 15:15

لێ چنكو پیلاتۆسی دڤیا جەماوەری رازی بكەت، ئینا باراباس بۆ وان ئازاد كر و عیسا قامچی دا، پاشی رادەستی وان كر داكو بهێتە خاچدان.

مزگینیا لوقای 4:18

«گیانێ خودانی ل سەر منە، چنكو وی ئەز یێ ب زەیتكرنێ دەستنیشان كریم دا مزگینیێ بدەمە بەلەنگازان. ئەز یێ هنارتیم دا ئازادیێ بۆ دیلكریان و بینینێ بۆ كۆرەیان رابگەهینم، دا ئازادیێ بدەمە بندەستان،

مزگینیا یوحەننای 1:29

ل رۆژا د دویڤ دا، یوحەننای دیت عیسا یێ بەرەڤ وی ڤە دهێت، ئینا گۆت: «ئەڤەیە بەرخێ خودێ ئەوێ گونەها جیهانێ رادكەت.

مزگینیا یوحەننای 19:1

وی دەمی پیلاتۆسی فەرمان دا كو عیسای ببەن و قامچی دەن.

كارێن هنارتیان 10:35

لێ د ناڤ هەر مللەتەكی دا، یێ ژ خودێ ترس بیت و راستداریێ بكەت، ئەو ل نك خودێ یێ قەبیلكریە.

كارێن هنارتیان 10:39

ئەم شاهدین ل سەر هەمی تشتێن وی ل دەڤەرا جوهیان و ئورشەلیمێ كرین. ئەوان عیسا ب دارەكی ڤە هەلاویست و كوشت.

كارێن هنارتیان 13:29

پشتی هەمی تشتێ ل سەر هاتیە نڤیسین، ب ج‍‌ھ ئیناین، ژ خاچێ ئینا خوارێ و دانا د گۆڕی دا.

كارێن هنارتیان 5:30

خودایێ بابكالێن مە عیسا راكرەڤە، ئەوێ هەوە ب داری ڤە هەلاویستی و كوشتی

رۆما 6:11

هۆسا هوین ژی دەربارەی گونەهێ، خۆ ب مری بهژمێرن، لێ ب مەسیح عیسای ژ بۆ خودێ، ب زیندی بهژمێرن.

رۆما 6:13

ئەندامێن لەشێ خۆ ژی وەك چەكێن خرابیێ پێشكێشی گونەهێ نەكەن. لێ خۆ وەك یێن ژ ناڤ مریان رابووین پێشكێشی خودێ بكەن، ئەندامێن لەشێ خۆ ژی وەك چەكێن راستداریێ پێشكێشی خودێ بكەن.

رۆما 6:16

ما هوین نزانن كو ئەوێ هوین ژ بۆ بەنیاتیێ خۆ ب دەست وی ڤە بەرددەن و گوهداریا وی دكەن، دبنە بەنیێن وی یێ هوین گوهداریا وی دكەن؟ یان بەنیێن گونەهێ كو مرۆڤی بەرەڤ مرنێ دبەت، یان ژی بەنیێن گوهداریێ كو مرۆڤی بەرەڤ راستداریێ دبەت.

رۆما 6:2

حاشا! ئەم ئەوێن دەربارەی گونەهێ مرین، چەوا دشێین ئێدی د ناڤ گونەهێ دا بژین؟

رۆما 6:22

لێ نوكە كو هوین ژ گونەهێ هاتینە ئازادكرن و بووینە بەنیێن خودێ، هوین بەرهەمی بۆ پیرۆزیێ ب دەست خۆ ڤە دئینن، ئەنجام ژی ژیانا هەروهەرە.

رۆما 6:7

چنكو ئەوێ مر، ئەو ژ گونەهێ یێ ئازاد بووی.

رۆما 7:6

لێ نوكە ئەم ژ دەستووری ئازاد بووین، چنكو ئەم دەربارەی وی تشتێ پێ هاتینە گرێدان، مرین، دا ب رێیا نوی یا گیانی خزمەتێ بكەین، نە ب رێیا كەڤن یا پیتێ.

1 كورنتۆس 15:3

چنكو من بەری هەر تشتەكی ئەو بۆ هەوە راگەهاند یا من ژی وەرگرتی: كو مەسیح ژ پێخەمەت گونەهێن مە مر، هەروەكو بەری هنگی د نڤیسارێن پیرۆز دا هاتبوو نڤیسین.

2 كورنتۆس 6:17

لەوما «خودان دبێژیت: ژ ناڤ وان دەركەڤن و خۆ ڤەدەر كەن، دەست نەكەنە تشتەكێ هەڕمی، ئەڤجا ئەز دێ هەوە قەبیل كەم.

گالاتیا 3:13

مەسیح پێخەمەت مە كەفتە بن نفرینێ و هۆسا ئەم ژ نفرینا دەستووری رزگار كرین، چنكو یا هاتیە نڤیسین: «نفرین لێ كریە، هەر كەسێ ل سەر دارەكی بهێتە هەلاویستن.»

ئەفەسۆس 5:9

(ژ بەر كو بەرهەمێ رۆناهیێ هەمی جۆرێن باشی و راستی و دروستیێنە)

فیلیپی 1:11

و دپڕ بن ژ بەرهەمێ راستداریێ، ئەوێ كو ژ دەولەتسەرێ عیسایێ مەسیحە، ژ بۆ مەزناهی و پەسنا خودێ.

كۆلۆسی 2:14

وی تۆمارا قەرێن مە ژێ بر، ئەوا ل گۆر رێسایێن دەستووری ل دژی مە هاتیە نڤیسین. وی ئەو تۆمار ب خاچێ ڤە بزماردا و هۆسا راكر.

كۆلۆسی 2:20

مادەم هوین ل گەل مەسیحی مرینە و ژ هێزێن سرۆشتی یێن ڤێ جیهانێ ئازاد بووینە، ئێدی بۆچی هوین وەسا دژین، هەروەكو هوین یێن ڤێ جیهانێ بن؟ بۆچی هوین ملكەچی ڤان رێسایان دبن:

كۆلۆسی 3:3

چنكو هوین مرین، ژیانا هەوە ژی ل گەل مەسیحی ل نك خودێ هاتیە هەلگرتن.

عیبرانی 10:10

هۆسا عیسایێ مەسیح حەزا خودێ ب ج‍‌ھ ئینا، كو جارەكێ و بۆ هەروهەر لەشێ خۆ پێشكێش كر، ب ڤی چەندێ ئەم هاتینە پیرۆزكرن.

عیبرانی 10:5

لەوما دەمێ مەسیح هاتیە د جیهانێ دا گۆت: «تە قوربان و پێشكێشی نەڤیان، لێ تە لەشەك بۆ من ئامادەكر.

عیبرانی 12:13

بۆ پێیێن خۆ رێكێن راست چێكەن، داكو پارچەیا لەنگ ژ ج‍‌ھ نەچیت، لێ ساخ ببیت.

عیبرانی 7:26

سەرۆككاهنەكێ وەسا بۆ مە یێ پێدڤی بوو، یێ پیرۆز و بێگونە‍‌ھ و بێكێماسی، یێ ژ گونەهكاران جودا كری و ژ ئەسمانان بلندتر لێ كری.

عیبرانی 9:28

وەسا مەسیح ژی ژ بەر راكرنا گونەهێن گەلەكان ب تنێ جارەكێ هاتە پێشكێش كرن. ئەو دێ بۆ جارا دوویێ دیار بیت، نە ژ بەر راكرنا گونەهان، لێ ژ بەر قورتالكرنا وان یێن چاڤەڕێیا وی دكەن.

یەعقوب 5:16

لەوما بۆ ئێكودوو دانپێدانێ ب گونەهێن خۆ بكەن و بۆ ئێكودوو نڤێژان بكەن، دا هوین ساخ ببن. نڤێژا مرۆڤێ راستدار گەلەك یا ب هێز و كاریگەرە.

1 یوحەننا 2:29

ئەگەر هوین بزانن كو ئەو یێ راستدارە، هوین دزانن كو هەر كەسێ راستداریێ بكەت، یێ ژ وی بووی.

1 یوحەننا 3:7

گەلی زاڕۆكان، بلا كەس هەوە د سەر دا نەبەت. یێ راستداریێ دكەت، ئەو یێ راستدارە، كا چەوا مەسیح یێ راستدارە.

ئاشكراكرن 22:2

و د ناڤ ناڤەندا جادەیا باژێڕی دا دبوری. ل هەردوو رەخێن رویباری، دارا ژیانێ هەبوو، دوازدە جۆرێن بەرهەمی ددا، هەر هەیڤێ بەرهەمەك. بەلگێن دارێ بۆ ساخبوونا مللەتان ژ نەساخیان بوو.