1 پەترۆس 2:23 - ئنجیلا پیرۆز

²³ دەمێ ئاخفتنێن كرێت دهاتنێ، وی ئاخفتنێن كرێت ل وان ڤەنەدگەڕاندن. دەمێ دهاتە ئازاردان، وی گەف نەدكرن، لێ خۆ رادەستی وی دكر یێ دادوەرانە حوكمی ددەت.

1 پەترۆس 2:23 ပူးပေါင်းရင်းမြစ်များ

مزگینیا لوقای 23:41

سزایێ مە یێ دادپەروەرانەیە، چنكو ئەم یێ سزایێ كریارێن خۆ وەردگرین، لێ ڤی مرۆڤی چ خرابی نەكریە.»

مزگینیا لوقای 23:46

عیسای ب دەنگەكێ بلند كرە گازی و گۆت: «بابۆ، ئەز گیانێ خۆ ددەمە دەستێن تە.» پشتی ئەڤە گۆتی، گیانێ خۆ ژ دەست دا.

مزگینیا لوقای 23:9

هێرودێسی گەلەك پرسیار ل بەر وی دانان، لێ عیسای چ بەرسڤ نەدان.

كارێن هنارتیان 17:31

چنكو وی رۆژەكا دانای كو هەمی جیهانێ دادپەروەرانە داد بكەت ل سەر دەستێ زەڵامەكێ وی دەستنیشانكری. خودێ بەلگە ژی دایە هەمیان، دەمێ ئەو ژ ناڤ مریان راكری.»

كارێن هنارتیان 4:29

خودان، نوكە بەرێ خۆ بدە گەفێن وان و شیانێ بدە بەنیێن خۆ، دا ئەم ئاخفتنا تە ب وێرەكی بەڵاڤ بكەین.

كارێن هنارتیان 7:59

ل دەمێ ئەوان ستیڤانۆس بەرباران دكر، ئەوی گازی دكر «خودان عیسا، گیانێ من وەرگرە.»

كارێن هنارتیان 9:1

لێ شائوولی هێشتا گەف ل شاگردێن خودانی دكرن كو وان بدەتە كوشتن. ئەڤجا ئەو چوو نك سەرۆككاهنی

رۆما 2:5

لێ تۆ سەخمەراتی سەرڕەقیا خۆ و دلێ خۆ یێ نەتۆبەدار، بۆ رۆژا تۆڕەییێ و ئاشكرابوونا دادكرنا خودێ یا دادپەروەرانە، تۆڕەییێ بۆ خۆ كۆم دكەی.

ئەفەسۆس 6:9

هوین ژی، گەلی خودانان، هەمان تشتان بۆ وان بكەن و دەست ژ گەفلێكرنێ بەردەن، چنكو هوین دزانن كو خودانێ وان و هەوە هەمیان ل ئەسمانیە و ل نك وی لایەنگری نینە.

2 سالونیكی 1:5

ئەڤ چەندە بەلگەیە ل سەر دادكرنا خودێ یا دادپەروەرانە، داكو هوین هەژی پاشایەتیا خودێ بن، ئەوا هوین ژ بەر وێ ئازارێ ژی دكێشن.

2 تیمۆتاوس 1:12

ژ بەر ڤێ ئەگەرێ ژی ئەز ڤان ئازاران دكێشم. لێ شەرم پێ ناكەم، چنكو دزانم من باوەری ب كێ ئینایە و پشتڕاستم كو ئەو دشێت وی تشتی یێ بۆ من هاتیە سپاردن تا وێ رۆژێ بپارێزیت.

2 تیمۆتاوس 4:8

ژ نوكە و پێڤە تانجا راستداریێ ب ژڤانێ منە، ئەوا دێ خودان، دادوەرێ دادپەروەر، د وێ رۆژێ دا دەتە من، نە ب تنێ من، لێ وان هەمیان ژی یێن حەز ژ دیاربوونا وی كری.

عیبرانی 12:3

هزرێ د وی دا بكەن یێ خۆ ل بەر ڤێ هەمی دژایەتیا گونەهكاران گرتی، داكو هوین نەوەستیێن و دلسار نەبن.

1 پەترۆس 3:9

خرابیێ ب خرابیێ و ئاخفتنێن كرێت ب ئاخفتنێن كرێت ڤەنەگێڕن، لێ بەروڤاژی هندێ بەرەكەتێ بۆ وان بخوازن، ژ بەر كو هوین بۆ وێ چەندێ یێن هاتینە گازیكرن، كو ببنە میراتگرێن بەرەكەتێ.

1 پەترۆس 4:19

لەوما ئەوێن ل دویڤ حەزا خودێ ئازارێ دكێشن، بلا ل سەر كرنا چاكیێ د بەردەوام بن و خۆ رادەستی ئافرێندەری بكەن، یێ كو هەر جار سۆزێن خۆ ب ج‍‌ھ دئینیت.

ئاشكراكرن 19:11

پشتی هنگی من بەرێ خۆ دایێ ئەسمان ڤەبوو و ئەڤە هەسپەكێ سپی یێ ل وێرێ! سیارێ وی ب ‹دلسۆز› و ‹یێ راست› دهێتە بناڤكرن و ئەو ب دادپەروەری حوكمی دكەت و دجەنگیت.