1 پەترۆس 2:16 - ئنجیلا پیرۆز

¹⁶ وەكو مرۆڤێن ئازاد بژین، لێ ئازادیێ نەكەنە پەردەیا ڤەشارتنا خرابكاریێ، بەلكو وەكو بەنیێن خودێ بژین.

1 پەترۆس 2:16 ပူးပေါင်းရင်းမြစ်များ

مزگینیا مەتتای 23:13

نەخوزیكێن هەوە گەلی مامۆستایێن دەستووری و فەریسیان، هەی دووڕوینۆ! چنكو هوین دەرگەهێ پاشایەتیا ئەسمانان ل بەر مرۆڤان دگرن، نە هوین ب ژۆر دكەڤن و نەدهێلن ژی ئەوێن حەز بكەن، ب ژۆر بكەڤن.

مزگینیا یوحەننای 15:22

ئەگەر ئەز نەهاتبام و ل گەل وان نەئاخفتبام، دا د بێگونە‍‌ھ بن، لێ نوكە وان چ بەهانە بۆ گونەهێن خۆ نینە.

رۆما 6:18

هوین ژ گونەهێ هاتنە ئازادكرن و بوونە بەنیێن راستداریێ.

رۆما 6:22

لێ نوكە كو هوین ژ گونەهێ هاتینە ئازادكرن و بووینە بەنیێن خودێ، هوین بەرهەمی بۆ پیرۆزیێ ب دەست خۆ ڤە دئینن، ئەنجام ژی ژیانا هەروهەرە.

1 كورنتۆس 7:22

چنكو ئەو بەنیێ كو ژ لایێ خودانی ڤە هاتیە گازیكرن، ئەو ئازادكریێ خودانیە. هەروەسا یێ ئازاد ژی، ئەوێ هاتیە گازیكرن، ئەو بەنیێ مەسیحیە.

گالاتیا 5:1

مەسیحی ئەم یێن ئازاد كرین، دا د ئازاد بین. ئەڤجا خۆ تێدا راگرن و جارەكا دی نەكەڤنە بن نیركێ بەنیاتیێ.

گالاتیا 5:13

هوین گەلی خویشك و برایان، ژ بۆ ئازادیێ یێن هاتینە گازی كرن، لێ وێ ئازادیێ نەكەنە بەهانە بۆ حەزێن لەشی، بەلكو ب حەزژێكرنێ خزمەتا ئێكودوو بكەن.

ئەفەسۆس 6:6

نە ب وێ خزمەتێ یا ل بەر چاڤان دهێتە كرن، ب تنێ بۆ رازیكرنا مرۆڤان، لێ وە بكەن هەروەكو بەنیێن مەسیحی ژ دل حەزا خودێ ب ج‍‌ھ دئینن.

كۆلۆسی 3:24

چنكو هوین دزانن دێ پاداشتی كو میراتە ژ خودانی وەرگرن، ژ بەر كو هوین خزمەتا خودان مەسیحی دكەن.

1 سالونیكی 2:5

خودێ شاهدە كو مە چ جاران د گۆتنێن خۆ دا سالویسی نەكریە، هەروەكو هوین دزانن، نە ژی ب دویڤ چاڤبرساتیەكا نخافتی كەفتینە،

یەعقوب 1:25

لێ ئەوێ ب هویری ل دەستوورێ بێكێماسی، دەستوورێ ئازادیێ، دنێڕیت و خۆ ل سەر رادگریت، نەبیتە كەسەك كو دبهیسیت و ژ بیر دكەت، لێ ببیتە كارپێكەرێ وی دەستووری، ئەو دێ د كارێن خۆ دا یێ بەختەوەر بیت.

یەعقوب 2:12

هۆسا بئاخڤن و هۆسا كار بكەن وەكو وان یێن كو دێ ب دەستوورێ ئازادیێ هێنە دادكرن.

2 پەترۆس 2:19

سۆزا ئازادیێ ددەنە وان، هەر چەندە ئەو ب خۆ بەنیێن پویچاتیێنە، چنكو ئەو تشتێ ل سەر مرۆڤی زاڵ دبیت، مرۆڤ دبیتە بەنیێ وی.

یەهودا 1:4

چنكو هندەك كەس ب دزی ڤە هاتینە د ناڤ هەوە دا، ئەوێن ژ كەڤن دا سزایێ وان ل سەر هاتیە نڤیسین، كەسێن بەدكارن، كەرەما خودایێ مە دكەنە بەهانە بۆ بێدەلنگیێ، هەروەسا عیسایێ مەسیح، كو سەروەر و خودانێ مە یێ ئێكانەیە، ماندەل دكەن.