1 پەترۆس 2:12 - ئنجیلا پیرۆز

¹² بلا د ناڤ مللەتان دا رەفتارێن هەوە د باش بن، دا سەرەڕای كو ئەو نەكامیا هەوە دكەن كو هوین خرابكارن، كریارێن هەوە یێن باش ببینن و پەسنا خودێ بكەن د رۆژا هاتنا وی دا.

1 پەترۆس 2:12 ပူးပေါင်းရင်းမြစ်များ

مزگینیا مەتتای 10:25

بەسی شاگردیە وەكو مامۆستایێ خۆ لێ بهێت و بەنی ژی وەكو خودانێ خۆ لێ بهێت. ئەگەر خودانێ مالێ ب بەعلزەبولی هاتبیتە ناڤكرن، پا دێ خەلكێ مالا وی یێ چەوا بیت؟

مزگینیا مەتتای 5:11

خوزیكێن هەوە، دەمێ ژ بەر من هەوە فهێت دكەن و تەپەسەر دكەن و ژ درەو ڤە هەمی جۆرێن پەیڤێن خراب دژی هەوە دبێژن.

مزگینیا مەتتای 5:16

بلا ب ڤی رەنگی رۆناهیا هەوە بەرامبەری خەلكی شەوقێ بدەت، دا كارێن چاك یێن هەوە ببینن و بابێ هەوە یێ ل ئەسمانان مەزن بكەن.

مزگینیا مەتتای 9:8

دەمێ خڕڤەبوویان ئەڤە دیتی، سەهمێ گرتن و پەسنا خودێ كر، ئەوێ كو دەستهەلاتەكا هۆسا دایە مرۆڤان.

مزگینیا لوقای 1:68

«مەزناهی بۆ خودان خودایێ ئیسرائیل، چنكو سەرا گەلێ خۆ دا و رزگار كر

مزگینیا لوقای 19:44

دێ تە ب سەر زاڕۆكێن تە دا هەڕفینن و بەری ل سەر بەری ناهێلن، چنكو دەمێ خودێ سەرەدانا تە كری تۆ ب خۆ نەحەسیای.»

مزگینیا لوقای 6:22

خوزیكێن هەوە دەمێ خەلك پێخەمەت كوڕێ مرۆڤ كەربێ ژ هەوە رادكەن و هەوە ژ ناڤ خۆ دەردئێخن و هەوە فهێت دكەن و ناڤێ هەوە ب خرابی دئینن.

مزگینیا یوحەننای 13:31

دەمێ یەهودا دەركەفتیە ژ دەرڤە، عیسای گۆت: «نوكە كوڕێ مرۆڤ هاتە مەزن كرن و خودێ ژی ل گەل وی هاتە مەزن كرن.

كارێن هنارتیان 15:14

شەمعونی دیار كر، كا چەوا ژ بۆ جارا ئێكێ، خودێ پویتە ب مللەتێن نەجوهی دا، داكو ژ وان خەلكەكی بۆ ناڤێ خۆ پەیدا بكەت.

كارێن هنارتیان 24:13

ئەو نەشێن ژی وان تشتان بۆ تە بسەلمینن، یێن نوكە من پێ تاوانبار دكەن.

كارێن هنارتیان 25:7

دەمێ ئەو هاتی، جوهیێن كو ژ ئورشەلیمێ خواركەفتبوون، دەوروبەرێن وی گرتن و ئەو ب گەلەك تاوانێن گران تاوانبار كر، لێ نەشیان بسەلمینن.

كارێن هنارتیان 28:22

لێ ئەم حەز دكەین ژ تە ببهیسین كا بۆچوونێن تە چنە، چنكو ئەم دزانین ل هەمی جهان ئاخفتن ل دژی ڤێ رێبازێ دهێنە گۆتن.»

رۆما 12:17

خرابیێ ل وی ڤەنەگەڕینن یێ خرابیێ ل هەوە دكەت، لێ گرنگیێ ب وان تشتان بدەن یێن ب دیتنا هەمی مرۆڤان د باش.

رۆما 13:13

بلا رەفتارێن مە د بەڕێز بن، هەروەكو رۆژ بیت: نە ب ئاهەنگێن بێتۆرەیێ و سەرخۆشیێ، نە ب دەهمەنپیسیێ و بێدەلنگیێ، نە ب هەڤڕكیێ و چاڤپێنەڕابوونێ.

رۆما 14:18

ئەوێ هۆسا خزمەتا مەسیحی بكەت، جهێ رازیبوونا خودێیە و ژ لایێ خەلكی ڤە یێ پەسەندكریە.

رۆما 15:9

و مللەتێن دی ژ بەر دلۆڤانیا خودێ پەسنا وی بكەن. هەروەكو هاتیە نڤیسین: «ژ بەر ڤێ چەندێ ئەز دێ د ناڤ مللەتێن نەجوهی دا پەسنا تە كەم، سترانێن پەسنكرنێ بۆ ناڤێ تە بێژم.»

1 كورنتۆس 14:25

نهێنیێن دلێ وی دێ ئاشكرا بن، ئەڤجا دێ خۆ دەڤ و دەڤ هاڤێتە ئەردی و خودێ پەرێسیت و دانپێدانێ كەت كو ب راستی خودێ د ناڤ هەوە دایە.

2 كورنتۆس 1:12

شانازیا مە ئەڤەیە: وژدانا مە شاهدەییێ ددەت كو رەفتارا مە د جیهانێ دا، ب تایبەت دەربارەی هەوە، ب سادەیی و نیازپاكیەكا خودایی بوو، نە ب ئاقلمەندیەكا مرۆڤكانی، لێ ب كەرەما خودێ بوو.

2 كورنتۆس 13:7

زێدەباری هندێ ئەم ژ خودێ دخوازین كو هوین چ خرابیان نەكەن، مەبەستا مە نە ئەوە كو ئەم د تاقیكرنێ دا سەركەفتی دیار ببین، لێ مەبەست ئەوە كو هوین باشیێ بكەن، خۆ ئەگەر ئەم وەكو سەرنەكەفتی ژی دیار ببین.

2 كورنتۆس 8:21

چنكو نیازا مە ئەوە ئەم وی تشتی بكەین یێ راست، نە ب تنێ د چاڤێن خودانی دا، لێ د چاڤێن مرۆڤان ژی دا.

ئەفەسۆس 2:3

دەمەكی مە هەمیان ژی د ناڤ وان دا ب ئارەزوویێن لەشێ خۆ دكر و حەزێن لەش و هزرێن خۆ ب ج‍‌ھ دئینان. ئەم ژی وەكو یێن دی، ب سرۆشتێ خۆ د هەژی تۆڕەبوونا خودێ بووین.

ئەفەسۆس 4:22

هوین هاتینە فێركرن كو ژ لایێ رەفتارا هەوە یا بەرێ ڤە، مرۆڤێ كەڤن ژ بەر خۆ بكەن، ئەوێ ب حەزێن خاپینۆك گەنی دبیت

فیلیپی 1:27

لێ یا گرنگ ئەوە كو هوین ب شێوەیەكێ هەژی مزگینیا مەسیحی بژین، داكو ئەگەر ئەز بهێم و هەوە ببینم، یان ژی نەهێم و ب تنێ ببهیسم، ئەز بزانم كو هوین د ئێك گیان دا قاییم ماینە، پێكڤە ب ئێك دل خەباتێ دكەن بۆ وێ باوەریێ یا ل سەر مزگینیێ هاتیە ئاڤاكرن

فیلیپی 4:8

ل دویماهیێ گەلی خویشك و برایان، هەر تشتێ راستی، هەر تشتێ بڕێز، هەر تشتێ دادپەروەر، هەر تشتێ پاك، هەر تشتێ دلڤەكەر، هەر تشتێ ناڤودەنگەكێ باش هەی، چ ئەو تشت قەنجی بیت، یان ژی تشتەكێ هەژی پەسنێ بیت، هزرێ تێدا بكەن.

1 سالونیكی 4:12

دا رەفتارا هەوە ل گەل یێن ژ دەرڤە ب شێوەیەكێ سەرفەراز بیت و هوین هەوجەیی كەسێ نەبن.

1 تیمۆتاوس 2:2

بۆ پاشایان و هەمی دەستهەلاتداران ژی، دا ئەم ژیانەكا تەنا و ئارام، ب هەمی خودێترسی و رێز، بڕێڤە ببەین.

1 تیمۆتاوس 4:12

بلا كەس سڤكاتیێ ب گەنجاتیا تە نەكەت، لێ د ئاخفتنێ دا، د رەفتارێ دا، د حەزژێكرنێ دا، د باوەریێ دا، د دەهمەنپاكیێ دا بۆ باوەرداران ببە نموونە.

1 تیمۆتاوس 5:10

و ل سەر كریارێن چاك شاهدەیی بۆ بهێتە دان: ئەگەر زاڕۆكێن خۆ بخودان كربن، مێڤان حەواندبن، پێیێن پیرۆزكریان شویشتبن، هاریكاریا كەسێن د تەنگاڤیێ دا كربیت و ل دویڤ هەر كارەكێ باش چووبیت.

عیبرانی 13:18

نڤێژان بۆ مە بكەن. ئەم د پشتڕاستین كو مە وژدانەكا پاقژ یا هەی، حەز دكەین د هەمی تشتان دا رەفتارا مە یا باش بیت.

عیبرانی 13:5

بلا شێوازێ ژیانا هەوە یا بێ حەزژێكرنا پارەی بیت. ب وی تشتێ هەوە هەی د رازی بن، چنكو خودێ گۆتیە: «ئەز چ جاران دەستان ژ تە بەرنادەم، ئەز چ جاران تە ناهێلم.»

یەعقوب 3:13

د ناڤ هەوە دا كی یێ ئاقلمەند و تێگەهشتیە؟ بلا ب رەفتارا باش نیشان بدەت كو كریارێن وی ل دویڤ دەروونبچویكیا ئاقلمەندیێ دهێنە كرن.

1 پەترۆس 2:15

چنكو حەزا خودێ ئەڤەیە: ب كرنا باشیێ دەنگێ نەزانینا كەسێن دەبەنگ مت كەن.

1 پەترۆس 3:16

لێ وێ چەندێ ب نەرمی و رێزگرتن بكەن. وژدانا خۆ پاقژ بپارێزن، داكو ئەوێن ب خرابی بەحسێ رەوشتێ هەوە یێ باش د ئێكبوونا ل گەل مەسیحی دا دكەن، د بوهتانێن خۆ دا شەرمزار ببن.

1 پەترۆس 4:11

ئەگەر ئێك دئاخڤیت، بلا وەكو ئێكێ پەیڤێن خودێ دبێژیت بئاخڤیت. ئەگەر ئێك خزمەتێ دكەت، بلا ب وێ هێزێ بكەت یا خودێ دایێ، دا خودێ د هەر تشتی دا بهێتە مەزنكرن، ب رێیا عیسایێ مەسیح، ئەوێ مەزناهی و سەروەری هەروهەر یێن وینە. ئامین.

2 پەترۆس 3:11

ئەڤجا، مادەم ئەڤ تشتە هەمی دێ ب ڤی شێوەی حەلیێن، ئێدی پێدڤیە هوین چ جۆرە مرۆڤ بن؟ ل ڤی دەمێ كو هوین ل چاڤەڕێیا رۆژا خودێنە و لەزێ ل هاتنا وێ دكەن، پێدڤیە هوین ب پیرۆزی و خودێترسی بژین. د وێ رۆژێ دا ئەسمان دێ ب ئاگری ژ ناڤ چن و توخم دێ ب سۆتنێ حەلیێن.