1 پەترۆس 1:7 - ئنجیلا پیرۆز

⁷ دا بەلگەیێ باوەریا هەوە، ئەوێ ب بهاتر ژ زێڕێ ژ ناڤ دچیت، یێ كو ب ئاگری دهێتە تاقیكرن، ببیتە جهێ پەسن و مەزناهی و سەربلندیێ ل دەمێ دیاربوونا عیسایێ مەسیح.

1 پەترۆس 1:7 ပူးပေါင်းရင်းမြစ်များ

مزگینیا مەتتای 19:28

عیسای بەرسڤا وان دا: «ب راستی دبێژمە هەوە: د نویكرنێ دا، دەمێ كوڕێ مرۆڤ ل سەر تەختێ مەزناهیا خۆ دروینیت، هوین ئەوێن ب دویڤ من كەفتین، دێ ل سەر دوازدە تەختان روینن و دادوەریێ ل سەر هەر دوازدە هۆزێن ئیسرائیل كەن.

مزگینیا مەتتای 25:21

ئینا خودانێ وی گۆتێ: ‹دەستخۆش، بەنیێ قەنج و دلسۆز! تۆ ل سەر پیچەكێ یێ دلسۆز بووی، ئەڤجا ئەز دێ تە دانمە سەر گەلەكێ. وەرە پشكداری بەختەوەریا خودانێ خۆ ببە!›

مزگینیا مەتتای 25:23

ئینا خودانێ وی گۆتێ: ‹دەستخۆش، بەنیێ قەنج و دلسۆز! تۆ ل سەر پیچەكێ یێ دلسۆز بووی، ئەڤجا ئەز دێ تە دانمە سەر گەلەكێ. وەرە پشكداری بەختەوەریا خودانێ خۆ ببە.›

مزگینیا لوقای 12:33

ئەوێ هەوە هەی بفرۆشن و بكەنە خێر. بۆ خۆ سامانەكی مسۆگەر كەن كو پویچ نابیت و گەنجینەیەكێ ل ئەسمانان كو چ جاران ڤاڵا نابیت، ل وی جهێ نە دز نێزیك دبن و نە خویرك دكەڤنێ.

مزگینیا لوقای 17:30

ل رۆژا كوڕێ مرۆڤ ژی دیار دبیت، دێ یا وەسا بیت.

مزگینیا یوحەننای 12:26

هەر كەسێ بڤێت خزمەتا من بكەت، بلا ب دویڤ من بكەڤیت، ئەز ل كیرێ بم، خزمەتكارێ من ژی دێ ل وێرێ بیت. هەر كەسێ خزمەتا من بكەت، باب دێ رێزێ ل وی گریت.

مزگینیا یوحەننای 5:44

هوین دێ چەوا شێن باوەریێ ئینن، مادەم هوین مەزناهیێ ژ ئێكودوو وەردگرن و بزاڤێ بۆ وێ مەزناهیێ ناكەن، یا ژ خودایێ ئێكانە دهێت؟

كارێن هنارتیان 8:20

لێ پەترۆسی گۆتێ: «بلا زیڤێ تە ل گەل تە وێران ببیت، چنكو تە هزر دكر كو تۆ دێ خەلاتێ خودێ ب پارەیێ خۆ كڕی!

رۆما 2:10

لێ مەزناهی و سەربلندی و ئاشتی، دێ بۆ هەر كەسی هێنە دان، یێ چاكیێ دكەت، ل پێشیێ یێ جوهی پاشی یێ یونانی.

رۆما 2:29

لێ جوهی ئەوە كو د ناخێ خۆ دا جوهی بیت، سونەتكرن ژی سونەتكرنا دلیە، ب گیانی نە ب پیتێن دەستووری. یێ وەسا پەسنێ ژ خودێ وەردگریت، نە ژ مرۆڤان.

رۆما 2:7

دێ ژیانا هەروهەر دەتە وان، یێن ب رێكا بەردەوامبوونێ ل سەر كریارێن باش بزاڤێ دكەن كو مەزناهیێ و سەربلندیێ و نەمریێ وەكو خەلات ژ نك خودێ وەرگرن.

رۆما 8:19

ئافرندە ب گەرمی چاڤەڕێیا دیاربوونا كوڕێن خودێ دكەن.

1 كورنتۆس 3:13

كارێ هەر كەسەكی دێ بەرچاڤ بیت. ئەو رۆژ دێ وی ئاشكرا كەت، چنكو ئەو دێ ل گەل ئاگری دیار بیت، ئاگر ژی دێ كارێ هەر كەسەكی تاقی كەت، كا یێ چەوایە.

1 كورنتۆس 4:5

لەوما پێشوەخت دادكرنێ ل سەر تشتەكی نەكەن، تاكو خودان بهێت، ئەوێ دێ تشتێن د تاریاتیێ دا ڤەشارتی ئێخیتە بەر رۆناهی و نیازێن دلان ئاشكرا كەت. هنگی پەسنكرنا هەر كەسەكی دێ ژ لایێ خودێ ڤە بیت.

یەعقوب 1:12

خوزیكێن وی كەسی یێ د تاقیكرنێ دا خۆ رادگریت، چنكو دەمێ ئەو سەرفەراز دەردكەڤیت، دێ تانجا ژیانێ وەرگریت، ئەوا خودێ سۆزا وێ دایە حەزژێكەرێن خۆ.

1 پەترۆس 1:13

لەوما مێشكێ خۆ بۆ كاری ئامادە بكەن و ل سەر هشێن خۆ بن، ب تەمامی هیڤیا خۆ ب وێ كەرەمێ ڤە گرێ بدەن، ئەوا ل دەمێ دیاربوونا عیسایێ مەسیح دێ بۆ هەوە هێتە ئینان.

1 پەترۆس 1:5

هوین ئەون یێن ب رێكا باوەریێ ژ لایێ هێزا خودێ ڤە دهێنە پاراستن، بۆ وێ قورتالبوونێ كو یا ئامادەیە د دەمێ دویماهیێ دا بهێتە ئاشكراكرن.

1 پەترۆس 2:4

هوین خۆ نێزیكی وی دكەن، یێ كو بەرەكێ زیندی یێ رەتكریە ژ لایێ مرۆڤان ڤە، لێ یێ هەلبژارتی و بهاگرانە ژ لایێ خودێ ڤە،

1 پەترۆس 2:7

ئەڤجا ژ بۆ هەوە باوەرداران، ئەو یێ بهاگرانە، لێ ژ بۆ یێن نەباوەردار، «ئەو بەرێ هۆستایان رەتكری، یێ بوویە بەرێ بنیاتی،»

1 پەترۆس 4:12

گەلی خۆشتڤیان، ژ بەر وان تەنگاڤیێن سوژەك یێن بۆ تاقیكرنێ هوین تووش دبنێ، حێبەتی نەبن، هەروەكو تشتەكێ سەیر هاتبیتە سەرێ هەوە،

1 پەترۆس 4:13

لێ دلخۆش ببن كو هوین بووینە پشكدارێن ئازارێن مەسیحی، دا دەمێ مەزناهیا وی دیار دبیت ژی، هوین دلخۆش و دلشاد ببن.

1 پەترۆس 5:1

ئەز هیڤی ژ ریهسپیێن د ناڤ هەوە دا دكەم، كو ئەز وەكو هەوە ریهسپیمە و شاهدم ل سەر ئازارێن مەسیحی و هەڤپشكێ وێ مەزناهیێمە یا كو ل نێزیك دێ دیار بیت:

2 پەترۆس 1:1

ژ من، شەمعون پەترۆس، بەنی و هنارتیێ عیسایێ مەسیح، بۆ وان یێن ب راستداریا خودێ، قورتالكەرێ مە عیسایێ مەسیح، باوەریەكا بهاگران یا وەكو یا مە وەرگرتی:

2 پەترۆس 1:4

وی ب ڤان تشتان سۆزێن گەلەك مەزن و بهاگران داینە مە، دا هوین ب وان ژ وێ پویچاتیێ، ئەوا ژ حەزێن جیهانێ دهێت، بڕەڤن و ببنە پشكدارێن سرۆشتێ خودایی.

2 پەترۆس 3:14

لەوما گەلی خۆشتڤیان، مادەم كو هوین ل چاڤەڕێی ڤان تشتانە، بزاڤێ بكەن كو ئەو هەوە هۆسا ببینیت، هوین یێن د ئاشتیێ دا د بێكێماسینە و گازندە ل سەر هەوە نینن.

یەهودا 1:24

بۆ وی یێ شیان هەین هەوە ژ هەلنگفتنێ بپارێزیت و هەوە بێ كێماسی ل پێشیا مەزناهیا خۆ ب دلخۆشیەكا مەزن راوەستینیت،

ئاشكراكرن 1:7

ئەڤە ئەو یێ ل گەل عەوران دهێت، هەمی چاڤ دێ وی بینن، خۆ ئەوێن رم ل وی دای ژی. هەمی هۆزێن جیهانێ ژ بەر وی دێ ب خەم كەڤن. بەلێ. ئامین.

ئاشكراكرن 2:10

ژ وان ئازاران قەت نەترسە یێن ل بەرە بهێنە سەرێ تە. ئەڤە ئبلیسی ل بەرە هندەك ژ هەوە بهاڤێژیتە د زیندانێ دا، داكو هوین بهێنە تاقیكرن و دە‍‌ھ رۆژان دێ د تەنگاڤیێ دا بن. تا مرنێ یێ دلسۆز بە و ئەز دێ تانجا ژیانێ دەمە تە.

ئاشكراكرن 3:10

مادەم تە پەیڤا من ل دۆر خۆڕاگریێ ب ج‍‌ھ ئینا، ئەز ژی دێ تە ژ دەمژمێرا تاقیكرنێ پارێزم، ئەوا كو نێزیكە بهێتە سەر هەمی جیهانێ، دا ئاكنجیێن ل سەر ئەردی تاقی بكەت.

ئاشكراكرن 3:18

ئەز شیرەتێ ل تە دكەم كو تۆ زێڕێ ب ئاگری هاتیە پارزناندن ژ من بكڕی، دا دەولەمەند ببی، جلكێن سپی ژی، دا بكەیە بەر خۆ و شەرما رویسبوونا تە دیار نەبیت، هەروەسا ملحەمەكا چاڤان بۆ چاڤێن خۆ، دا بیناهیێ بكەی.