1 پەترۆس 1:5 - ئنجیلا پیرۆز

⁵ هوین ئەون یێن ب رێكا باوەریێ ژ لایێ هێزا خودێ ڤە دهێنە پاراستن، بۆ وێ قورتالبوونێ كو یا ئامادەیە د دەمێ دویماهیێ دا بهێتە ئاشكراكرن.

1 پەترۆس 1:5 ပူးပေါင်းရင်းမြစ်များ

مزگینیا یوحەننای 12:48

ئەوێ من رەت بكەت و گۆتنێن من قەبیل نەكەت، ئێك یێ هەی وی داد بكەت، ئەو گۆتنا من گۆتی، دێ ل رۆژا دویماهیێ وی داد كەت.

مزگینیا یوحەننای 17:15

ئەز داخوازێ ناكەم كو تۆ وان ژ جیهانێ ببەی، لێ تۆ وان ژ خرابكاری بپارێزی.

مزگینیا یوحەننای 4:14

لێ ئەوێ ژ وێ ئاڤا ئەز ددەمێ ڤەخۆت، ئەو چ جاران تێهنی نابیت. ئەو ئاڤا ئەز ددەمێ، د وی دا دێ بیتە كانیەكا ئاڤێ، كو بزێت و ژیانا هەروهەر بدەت.»

مزگینیا یوحەننای 5:24

ب راستی ب راستی دبێژمە هەوە: هەر كەسێ گو‍‌ھ بدەتە پەیڤا من و باوەریێ ب وی بینیت یێ ئەز هنارتیم، وی ژیانا هەروهەر یا هەی. ئەو ناهێتە گونەهباركرن، لێ ئەو ژ مرنێ دەربازی ژیانێ بوویە.

رۆما 11:20

راستە، ئەو ژ بەر بێباوەریێ هاتنە بڕین و تۆ ب باوەریێ جهگیر بووی. ئەڤجا خۆ دفنبلند نەكە، لێ بترسە.

رۆما 8:18

ئەز دبینم كو ئازارێن مە ل ڤی سەردەمی ل گەل وێ مەزناهیا كو دێ بۆ مە هێتە ئاشكراكرن، ناهێنە هەڤبەركرن.

1 كورنتۆس 1:21

بەلێ، چنكو مادەم خودێ ب ئاقلمەندیا خۆ نەهێلا كو جیهان ب ئاقلمەندیا خۆ وی بنیاسیت، جهێ دلخۆشیا خودێ بوو كو وان یێن باوەریێ دئینن قورتال بكەت، ب وێ مزگینیێ یا خەلكەكی ددیت كو بێئاقلیە.

2 كورنتۆس 1:24

مەبەستا من نە ئەوە كو ئەم زاڵدەستیێ ل سەر باوەریا هەوە بكەین، چنكو هوین د باوەریێ دا دموكمن، لێ ئەم هەڤكارێن دلخۆشیا هەوەینە.

گالاتیا 2:20

ئێدی نە ئەزم یێ دژیت، لێ مەسیحە د ناخێ من دا دژیت. ئەو ژیانا نوكە ئەز ب لەشی دژیم، ئەز ب باوەریێ ب كوڕێ خودێ دژیم، ئەوێ حەز ژ من كری و خۆ گۆری من كری.

ئەفەسۆس 2:8

چنكو هوین ب كەرەما خودێ قورتال بوون، ئەو ژی ب رێكا باوەریێ بوو و ئەڤ چەندە نە ژ هەوەیە، لێ دیاریا خودێیە.

ئەفەسۆس 3:17

ب رێكا باوەریێ مەسیح د دلێ هەوە دا ئاكنجی ببیت و هوین د حەزژێكرنێ دا ب رە‍‌ھ و ب بنیات بن،

فیلیپی 1:6

ئەز یێ پشتڕاستم، كو ئەوێ كارەكێ باش د دلێ هەوە دا دەست پێ كری، دێ یێ بەردەوام بیت تا ل رۆژا مەسیح عیسای تەمام دبیت.

فیلیپی 4:7

هۆسا ئاشتیا خودێ ژی، ئەوا د سەر هەر تێگەهشتنەكێ را، دێ دلێ هەوە و زێهنێ هەوە د ئێكبوونا ل گەل مەسیح عیسای دا پارێزیت.

2 تیمۆتاوس 3:15

هەروەسا تۆ ژ ساڤایەتیێ وەرە ژ نڤیسارێن پیرۆز دزانی، ئەوێن دشێن تە ئاقلدار بكەن، كو تۆ ب رێكا باوەریا ب مەسیح عیسای قورتال ببی.

تیتۆس 2:13

و چاڤەڕێی وێ رۆژا بەختەوەر بین یا ئەم ل هیڤیێ، كو دیاربوونا روومەتا خودایێ مەزن، قورتالكەرێ مە عیسایێ مەسیحە.

عیبرانی 6:12

دا هوین تەمبەل نەبن، لێ چاڤ ل وان بكەن یێن ب باوەری و بێهنفرەهیێ بووینە میراتگرێن سۆزێن خودێ.

عیبرانی 9:28

وەسا مەسیح ژی ژ بەر راكرنا گونەهێن گەلەكان ب تنێ جارەكێ هاتە پێشكێش كرن. ئەو دێ بۆ جارا دوویێ دیار بیت، نە ژ بەر راكرنا گونەهان، لێ ژ بەر قورتالكرنا وان یێن چاڤەڕێیا وی دكەن.

1 پەترۆس 1:13

لەوما مێشكێ خۆ بۆ كاری ئامادە بكەن و ل سەر هشێن خۆ بن، ب تەمامی هیڤیا خۆ ب وێ كەرەمێ ڤە گرێ بدەن، ئەوا ل دەمێ دیاربوونا عیسایێ مەسیح دێ بۆ هەوە هێتە ئینان.

1 پەترۆس 4:13

لێ دلخۆش ببن كو هوین بووینە پشكدارێن ئازارێن مەسیحی، دا دەمێ مەزناهیا وی دیار دبیت ژی، هوین دلخۆش و دلشاد ببن.

1 پەترۆس 5:1

ئەز هیڤی ژ ریهسپیێن د ناڤ هەوە دا دكەم، كو ئەز وەكو هەوە ریهسپیمە و شاهدم ل سەر ئازارێن مەسیحی و هەڤپشكێ وێ مەزناهیێمە یا كو ل نێزیك دێ دیار بیت:

2 پەترۆس 1:3

هێزا وی یا خودایی هەمی تشتێن پێدڤی بۆ ژیانێ و خودێترسیێ داینە مە، ب رێكا نیاسینا وی یێ ئەم ب مەزناهی و چاكیا خۆ گازی كرین.

1 یوحەننا 3:2

گەلی خۆشتڤیان، نوكە ئەم زاڕۆكێن خودێینە و هێشتا دیار نەبوویە كا دێ بینە چ. لێ ئەم دزانین كو دەمێ ئەو دیار دبیت، ئەم ژی دێ وەكو وی بین، چنكو كا ئەو یێ چەوایە، دێ وی وەسا بینین.

یەهودا 1:1

ژ من، یەهودا، بەنیێ عیسایێ مەسیح و برایێ یەعقوبی، بۆ گازیكریێن خۆشتڤی ژ لایێ خودایێ باب ڤە و پاراستی ژ لایێ عیسایێ مەسیح ڤە:

یەهودا 1:24

بۆ وی یێ شیان هەین هەوە ژ هەلنگفتنێ بپارێزیت و هەوە بێ كێماسی ل پێشیا مەزناهیا خۆ ب دلخۆشیەكا مەزن راوەستینیت،