1 پەترۆس 1:4 - ئنجیلا پیرۆز

⁴ و میراتەكێ پویچ نابیت و ناهەڕمیت و ناچرمسیت هەیە. ئەو بۆ هەوە ل ئەسمانان هاتیە هەلگرتن.

1 پەترۆس 1:4 ပူးပေါင်းရင်းမြစ်များ

مزگینیا مەتتای 25:34

پاشی دێ پاشا بێژیتە یێن ل دەستێ خۆ یێ راستێ: ‹وەرن هەی ئەوێن بەرەكەتا بابێ من ل سەر، ببنە میراتگرێن وێ پاشایەتیا هەر ژ دامەزراندنا جیهانێ بۆ هەوە هاتیە ئامادەكرن،

مزگینیا مەرقۆسی 10:17

پشتی ب رێ كەفتی، زەڵامەك ب لەز گەهشتێ و كەفتە سەر چۆكان و پرسیار ژێ كر: «مامۆستایێ چاك، ئەز چ بكەم دا ببمە میراتگرێ ژیانا هەروهەر؟»

كارێن هنارتیان 20:32

نوكە ژی ئەز هەوە دهێلمە ب هیڤیا خودێ و پەیڤا كەرەما وی ڤە، ئەو پەیڤا شیان هەی كو هەوە ئاڤاكەت و میراتەكی ل گەل هەمی پیرۆزكریان بدەتە هەوە.

كارێن هنارتیان 26:18

دا چاڤێن وان ڤەكەی كو ئەو ژ تاریاتیێ بۆ رۆناهیێ و ژ دەستهەلاتداریا ئبلیسی بۆ خودێ بزڤڕن، دا ئەو لێبورینا گونەهان وەربگرن و بەهرەك هەبیت ل گەل ئەو كەسێن ب رێكا باوەری ئینانێ ب من هاتینە پیرۆزكرن.›

رۆما 8:17

ئەڤجا ئەگەر ئەم زاڕۆكێن وی بین، ئەم میراتگرین ژی، میراتگرێن خودێ و هەڤپشكێن مەسیحینە د میراتی دا، لێ پێدڤیە ئەم ل گەل وی د ئازاران دا پشكدار ببین، داكو د مەزناهیا وی ژی دا پشكدار ببین.

1 كورنتۆس 9:25

هەر وەرزشڤانەك، د هەمی بیاڤان دا خۆ دئێخیتە بن راهێنانەكا دژوار. ئەو ڤێ چەندێ دكەن داكو تانجەكا ژ ناڤ دچیت ب دەست ڤە بینن، لێ ئەم وێ چەندێ دكەین داكو تانجەكا ژ ناڤ نەچیت ب دەست ڤە بینین.

گالاتیا 3:18

چنكو ئەگەر میرات گرێدایی دەستووری با، ئەو گرێدای سۆزێ نەدبوو، لێ خودێ ب رێكا سۆزێ ژ كەرەما خۆ دایە ئیبراهیمی.

ئەفەسۆس 1:11

ل دویڤ مەبەستا وی، ئەوێ هەر تشتی ل دویڤ بڕیار و حەزا خۆ ساز دكەت، ئەم پێشوەخت هاتینە دەستنیشانكرن و ب مەسیحی هاتینە هەلبژارتن،

ئەفەسۆس 1:14

گیانێ پیرۆز دەستبەعێ میراتێ مەیە تا دەمێ خودێ گەلێ خۆ رزگار دكەت، ژ بۆ پەسنكرنا مەزناهیا خۆ.

ئەفەسۆس 1:18

بلا چاڤێن زێهنێ هەوە ڤەكەت، دا بزانن كا ئەو هیڤیا هوین بۆ وێ هاتینە گازیكرن چ تشتە و كا میراتێ وی چەند یێ مەزن و دەولەمەندە بۆ پیرۆزكریان

كۆلۆسی 1:5

ئەڤ باوەری و حەزژێكرنە ژ وێ هیڤیێ دزێت، یا بۆ هەوە د ئەسمانان دا هاتیە هەلگرتن، ئەو هیڤیا هەوە دەربارەی وێ د راگەهاندنا پەیڤا راستیێ دا بهیستی، ئانكو ئەو مزگینیا گەهشتیە هەوە. كا چەوا ئەو مزگینی د هەمی جیهانێ دا بەرهەمی ددەت و وەرارێ دكەت، وەسا د ناڤ هەوە ژی دا بەرهەمی ددەت و وەرارێ دكەت، هەر ژ وێ رۆژێ یا هەوە كەرەما خودێ بهیستی و ب دروستی نیاسی.

كۆلۆسی 3:24

چنكو هوین دزانن دێ پاداشتی كو میراتە ژ خودانی وەرگرن، ژ بەر كو هوین خزمەتا خودان مەسیحی دكەن.

2 تیمۆتاوس 4:8

ژ نوكە و پێڤە تانجا راستداریێ ب ژڤانێ منە، ئەوا دێ خودان، دادوەرێ دادپەروەر، د وێ رۆژێ دا دەتە من، نە ب تنێ من، لێ وان هەمیان ژی یێن حەز ژ دیاربوونا وی كری.

عیبرانی 10:34

هوین بوونە هەڤپشكێن دەردێ وان یێن د زیندانێ دا و هەوە ب دلشادی قەبیل كر دەمێ مالێ هەوە هاتیە تالانكرن، چنكو هەوە دزانی كو مالەكێ باشتر یێ ژ ناڤ ناچیت، هەوە یێ ل ئەسمانان هەی.

عیبرانی 9:15

ژ بەر ڤێ چەندێ ئەو ناڤبەینكارێ پەیمانەكا نویە، داكو یێن گازیكری میراتێ هەتا هەتایی یێ سۆز پێ هاتیە دان وەرگرن، چنكو مرنەكێ روی دا، ئەو ژ گونەهێن د پەیمانا پێشین دا هاتینە كرن رزگار كرن.

یەعقوب 1:11

ژ بەر كو رۆژ ب گەرما خۆ یا سوژەك دهەلێت و گیای هشك دكەت، ئەڤجا كولیلكا وێ دوەریێت و جوانیا وێ نامینیت. ب هەمان شێوە ئەوێ دەولەمەند ژی دێ د ناڤ چالاكیێن خۆ دا چرمسیت.

1 پەترۆس 3:9

خرابیێ ب خرابیێ و ئاخفتنێن كرێت ب ئاخفتنێن كرێت ڤەنەگێڕن، لێ بەروڤاژی هندێ بەرەكەتێ بۆ وان بخوازن، ژ بەر كو هوین بۆ وێ چەندێ یێن هاتینە گازیكرن، كو ببنە میراتگرێن بەرەكەتێ.

1 پەترۆس 5:4

دەمێ سەرۆكشڤان دیار دبیت، هوین دێ تانجا مەزناهیێ وەرگرن، ئەوا برسقینا وێ ئێكجار ل كێمیێ نادەت.

ئاشكراكرن 21:27

قەت تشتەكێ هەڕمی ناچیتە ناڤ وی، نە ژی كەسەك ژ ئەوێن تشتێن جهێ دلڕەشیێ و درەوێ دكەن، لێ ب تنێ ئەو دێ چن یێن ناڤێن وان د پەرتووكا ژیانێ یا بەرخی دا هاتینە نڤیسین.