1 پەترۆس 1:3 - ئنجیلا پیرۆز

³ مەزناهی بۆ خودێ، بابێ خودانێ مە عیسایێ مەسیح، ئەوێ ل دویڤ دلۆڤانیا خۆ یا زێدە ب رێكا رابوونا عیسایێ مەسیح ژ ناڤ مریان، ژدایكبوونەكا نوی دایە مە و هۆسا مە هیڤیەكا زیندی

1 پەترۆس 1:3 ပူးပေါင်းရင်းမြစ်များ

مزگینیا یوحەننای 1:13

ئەوێن نە ژ خوینێ و نە ژ حەزا لەشی و نە ب بڕیارا زەڵامەكی بووین، لێ ئەوێن ژ خودێ بووین.

رۆما 12:12

د هیڤیێ دا د دلخۆش بن، د تەنگاڤیێ دا د خۆڕاگر بن، ل سەر نڤێژكرنێ د بەردەوام بن.

رۆما 15:13

ئەڤجا بلا خودایێ هیڤیێ، ب رێكا باوەریێ هەوە تژی هەمی شادی و ئاشتی بكەت، دا هیڤیا هەوە ب هێزا گیانێ پیرۆز د سەردا بڕژیێت.

رۆما 4:25

ئەوێ ژ بەر گونەهێن مە رادەستی مرنێ هاتیە كرن و ژ بۆ بێگونە‍‌ھ دەرئێخستنا مە هاتیە راكرن.

رۆما 5:10

ئەگەر دەمێ ئەم دوژمنێن وی بووین، خودێ ب مرنا كوڕێ خۆ ل گەل مە ئاشت بوو، نوكە پشتی ئەم ل گەل وی د ئاشت، چەند مسۆگەرتر ب ژیانا كوڕێ وی دێ قورتال بین.

رۆما 8:11

ئەگەر گیانێ وی یێ عیسا ژ ناڤ مریان راكری، د هەوە دا یێ ئاكنجیە، ئەوێ كو مەسیح ژ ناڤ مریان راكری، دێ ب گیانێ خۆ یێ د هەوە دا ئاكنجی، لەشێن هەوە یێن مربار ژی ڤەژینیت.

رۆما 8:24

چنكو ئەم ب هیڤیێ قورتال بووین، لێ ئەو هیڤیا بەرچاڤ، نە هیڤیە. ما تشتێ مرۆڤ دبینیت، دێ چەوا هیڤیا وی تشتی هەبیت؟

1 كورنتۆس 13:13

ئەڤجا ئەڤ هەر سێیە دمینن: باوەری، هیڤی و حەزژێكرن و یا ژ هەمیان مەزنتر حەزژێكرنە.

1 كورنتۆس 15:20

لێ راستی ئەوە كو مەسیح ژ ناڤ مریان رابوویە و ئەو خێڤەیێ نڤستیانە.

2 كورنتۆس 1:3

مەزناهی بۆ خودێ، بابێ خودانێ مە عیسایێ مەسیح، بابێ دلۆڤانیێ و خودایێ هەمی هاندانێ،

گالاتیا 6:16

ئاشتی و دلۆڤانی ل سەر وان هەمیان بیت، یێن ل گۆر ڤی بنەمای دچن، هەروەسا ل سەر ئیسرائیلا خودێ ژی.

ئەفەسۆس 1:17

و داخواز دكەم كو خودایێ خودانێ مە عیسایێ مەسیح، بابێ مەزناهیێ، گیانێ ئاقلمەندیێ و تێگەهشتنا ئاشكراكرنا خودێ بدەتە هەوە، دا هوین وی هێشتا باشتر بنیاسن.

ئەفەسۆس 1:3

مەزناهی بۆ خودێ، بابێ خودانێ مە عیسایێ مەسیح، كو وی ب ئێكبوونا ل گەل مەسیحی، ب هەر بەرەكەتەكا روحانی د جهێن ئەسمانی دا، ئەم بەرەكەتدار كرین.

ئەفەسۆس 1:7

ژ دەولەتسەرێ وی، مە ب خوینا وی رزگاری وەرگرت، ئانكو مە لێبورینا گونەهان هەیە. ئەڤ چەندە ل دویڤ كەرەما خودێ یا دەولەمەندە ،

ئەفەسۆس 2:4

لێ خودایێ كو ب دلۆڤانیێ دەولەمەند، ژ پێخەمەت حەزژێكرنا خۆ یا مەزن، ئەوا پێ حەز ژ مە كری،

ئەفەسۆس 3:20

مەزناهی بۆ وی بیت، یێ ب هێزا خۆ یا د مە دا كار دكەت، دشێت گەلەك پتر ژ وێ هەمیێ بكەت یا ئەم دخوازین یان هزر دكەین.

كۆلۆسی 1:23

ب تنێ ئەگەر هوین د باوەریێ دا د بەردەوام بن، دموكم و قاییم بن و خۆ ژ هیڤیا مزگینیا هەوە بهیستی لانەدەن، ئەوا بۆ هەمی ئافراندیێن د بن ئەسمانی دا هاتیە راگەهاندن، ئەوا ئەز، پاولۆس، بوویمە خزمەتكارێ وێ.

كۆلۆسی 1:27

خودێ بڕیار دا بۆ پیرۆزكریێن خۆ بدەتە زانین كا دەولەمەندیا مەزناهیا ڤێ نهێنیێ د ناڤ مللەتێن نەجوهی دا چەندا مەزنە. نهێنی ژی ئەوە كو مەسیح د ناخێ هەوە دایە و ژ بەر هندێ مسۆگەرە كو هوین دێ د مەزناهیا وی دا پشكدار بن.

1 سالونیكی 1:3

ل بەرامبەر خودێ، بابێ مە، بێی دابڕین كریارێن هەوە یێن ژ باوەریێ و رەنجا هەوە یا ژ حەزژێكرنێ و خۆڕاگریا هەوە یا ژ وێ هیڤیێ دزێت یا هەوە ب خودانێ مە عیسایێ مەسیح هەی، دئینینە بیرا خۆ.

1 سالونیكی 4:13

مە نەڤێت هوین دەربارەی نڤستیان د بێ ئاگە‍‌ھ بن، گەلی خویشك و برایان، دا خۆ خەمگین نەكەن وەكو یێن دی یێن كو چ هیڤی نینن.

2 سالونیكی 2:16

بلا خودانێ مە عیسایێ مەسیح ب خۆ و بابێ مە خودێ، ئەوێ حەز ژ مە كری و هاندانا هەروهەر و هیڤیا باش ب كەرەمێ داینە مە،

1 تیمۆتاوس 1:14

كەرەما خودانێ مە ژی بۆ من گەلەك ب سەر دا چوو، ل گەل باوەری و حەزژێكرنا د ئێكبوونا ل گەل مەسیح عیسای دا.

تیتۆس 2:13

و چاڤەڕێی وێ رۆژا بەختەوەر بین یا ئەم ل هیڤیێ، كو دیاربوونا روومەتا خودایێ مەزن، قورتالكەرێ مە عیسایێ مەسیحە.

عیبرانی 3:6

لێ مەسیح وەكو كوڕ ل سەر مالا خودێ یێ دلسۆزە. ئەو مال ژی ئەمین، ئەگەر ئەم پشتڕاستیا خۆ و شانازیبرن ب وێ هیڤیا مە هەی ژ دەست نەدەین.

یەعقوب 1:18

ل دویڤ حەزا خۆ ب رێكا پەیڤا راستیێ وی ئەم بووین، داكو ببینە خێڤەیێ ئافراندیێن وی.

1 پەترۆس 1:13

لەوما مێشكێ خۆ بۆ كاری ئامادە بكەن و ل سەر هشێن خۆ بن، ب تەمامی هیڤیا خۆ ب وێ كەرەمێ ڤە گرێ بدەن، ئەوا ل دەمێ دیاربوونا عیسایێ مەسیح دێ بۆ هەوە هێتە ئینان.

1 پەترۆس 1:21

ب رێكا وی هەوە باوەری ب خودێ هەیە، ئەو خودایێ ئەو ژ ناڤ مریان راكری و مەزناهی دایێ، لەوما باوەری و هیڤیا هەوە ب خودێیە.

1 پەترۆس 1:23

هوین ب رێكا پەیڤا خودێ یا زیندی یا دمینیت ژ دایك بووینەڤە، نە ژ تۆڤەكێ كو پویچ دبیت، لێ ژ یێ پویچ نابیت.

1 پەترۆس 2:2

مادەم هەوە تام كریە كو خودان یێ باشە، ئێدی وەكو زاڕۆكێن ساڤا، دلێ خۆ ببەنە شیرێ روحانی یێ بێسەختە، دا بۆ قورتالبوونێ وەرارێ پێ بكەن.

1 پەترۆس 3:15

لێ مەسیحی وەكو خودان د دلێ خۆ دا پیرۆز راگرن و هەمی دەمان د ئامادە بن، دا بەرسڤا هەر كەسەكی بدەن كو دەربارەی ئەگەرێ وێ هیڤیا د هەوە دا پرسیارێ ژ هەوە دكەت،

1 پەترۆس 3:21

ئەڤە ژی هێمایێ وێ تافیركرنێیە یا نوكە هەوە قورتال دكەت. تافیركرن پاقژكرنا قڕێژا لەشی نینە، لێ داخوازكرنا وژدانەكا باشە ل نك خودێ، ب رێكا رابوونا عیسایێ مەسیح ژ ناڤ مریان،

1 پەترۆس 3:5

چنكو ب ڤی شێوەی ژنكێن پیرۆز ژی، ئەوێن هیڤیا خۆ ب خودێ ڤە گرێ داین، د سەردەمێن كەڤن دا خۆ ب ملكەچی مێرێن خۆ دخەملاند،

1 یوحەننا 2:29

ئەگەر هوین بزانن كو ئەو یێ راستدارە، هوین دزانن كو هەر كەسێ راستداریێ بكەت، یێ ژ وی بووی.

1 یوحەننا 3:3

هەر كەسێ ئەڤ هیڤیە ب وی هەبیت، خۆ پاك دكەت، كا چەوا مەسیح یێ پاكە.

1 یوحەننا 3:9

هەر كەسێ ژ خودێ بووی، گونەهێ ناكەت، چنكو بنیاتێ خودێ د وی دا یێ بنەجهە. ئەو نەشێت گونەهێ بكەت، چنكو ئەو یێ ژ خودێ بووی.

1 یوحەننا 4:7

گەلی خۆشتڤیان، بلا ئەم حەز ژ ئێكودوو بكەین، چنكو حەزژێكرن ژ خودێیە. هەر كەسێ حەزژێكرنێ دكەت، ئەو یێ ژ خودێ بووی و خودێ دنیاسیت.

1 یوحەننا 5:1

هەر كەسێ باوەر دكەت كو عیسا مەسیحە، ئەو كەس یێ ژ خودێ بووی. هەر كەسێ حەز ژ بابی دكەت ژی، حەز ژ وی ژی دكەت یێ ژ بابی بووی.

1 یوحەننا 5:18

ئەم دزانین كو هەر كەسێ ژ خودێ بووی گونەهێ ناكەت، چنكو نەخریێ خودێ وی دپارێزیت و خرابكار دەستێ خۆ ناكەتێ.

1 یوحەننا 5:4

ژ بەر كو هەر كەسێ ژ خودێ بووی، ل سەر جیهانێ ب سەر دكەڤیت. ئەڤ سەركەفتنا ل سەر جیهانێ ژی ئەڤەیە: باوەریا مەیە.