22 هەوە دەروونێ خۆ ب ملكەچبوونا راستیێ پاك كریە و هۆسا حەزژێكرنا هەوە یا برایانە یا بێ دووڕویاتیە، ئەڤجا ژ نیڤا دلی ب گەرمی حەز ژ ئێكودوو بكەن.
ئەز ڤێ فەرمانێ ل هەوە دكەم: هوین حەز ژ ئێكودوو بكەن.»
هوین نوكە ژ بەر وێ پەیڤا من بۆ هەوە گۆتی د پاقژن.
وان ب راستیێ پیرۆز بكە، پەیڤا تەیە راستی.
ژ پێخەمەت وان ئەز خۆ پیرۆز دكەم، دا ئەو ژی ب راستیێ بهێنە پیرۆز كرن.
ئەوی ب باوەریێ دلێ وان پاقژ كر و هۆسا چ جوداهی نەئێخستە د ناڤبەرا مە و وان دا.
ئینا پەیڤا خودێ پتر بەڵاڤ دبوو و ژمارەیا شاگردان ل ئورشەلیمێ گەلەك زێدە دبوو، هەروەسا گەلەك ژ كاهنان ملكەچی باوەریێ بوون.
ب وی مە كەرەم و هنارتیاتی وەرگرت، داكو ئەم سەخمەراتی ناڤێ وی گازی هەمی مللەتان بكەین كو باوەریێ پێ بینن و گوهداریا وی بكەن.
لێ دێ تۆڕەیی و كەربێ ل وان بارینیت، یێن خۆپەرێس و گوهداریا راستیێ ناكەن، لێ گوهداریا خرابیێ دكەن.
چنكو ئەگەر هوین ل دویڤ لەشی بژین، دێ مرن، لێ ئەگەر هوین ب گیانێ پیرۆز كریارێن لەشی بمرینن، هوین دێ ژین.
د دلپاكیێ دا، د زانینێ دا، د بێهنفرەهیێ دا، د قەنجیێ دا، د گیانێ پیرۆز دا، د حەزژێكرنا بێ دووڕویاتی دا،
گەلی گالاتیایی یێن بێئاقل، كێ سەرێ هەوە تژی كریە؟ چنكو مرنا عیسایێ مەسیح بۆ هەوە هند ب زەڵالی هاتیە راگەهاندن، هەروەكو هەوە ب چاڤێن خۆ دیتبیت كو ئەو یێ ل خاچێ دای.
لێ ئەم ژ دەولەتسەرێ گیانێ پیرۆز ب رێكا باوەریێ د چاڤەڕێینە خودێ مە راستدار دەربئێخیت، كو هیڤیا مە ئەوە.
هوین د غاردانێ دا باش پێشڤە دچوون. كێ بۆ هەوە ئاستەنگ دانان، كو هوین گوهداریا راستیێ نەكەن؟
هەمی بزاڤان بكەن كو هوین ئێكەتیا گیانی ب بەندكێ ئاشتیێ بپارێزن.
داخوازا من ژی ژ خودێ ئەوە كو حەزژێكرنا هەوە پتر و هێشتا پتر ل گەل زانین و هەمی تێگەهشتنێ زێدە ببیت،
بلا خودان وە بكەت كو حەزژێكرنا هەوە بۆ ئێكودوو و بۆ هەمیان وەرارێ بكەت و زێدە ببیت، هەروەكو حەزژێكرنا مە بۆ هەوە زێدە دبیت،
پێدڤیە ئەم هەرگاڤ ژ پێخەمەت هەوە، گەلی خویشك و برایان، سوپاسیا خودێ بكەین. سوپاسیكرن ژی د جهێ خۆ دایە، چنكو باوەریا هەوە گەلەك وەرارێ دكەت و حەزژێكرنا هەر ئێك ژ هەوە بۆ ئێكودوو زێدە دبیت.
لێ پێدڤیە ئەم هەردەم ژ پێخەمەت هەوە، گەلی خویشك و برایێن خۆشتڤی ژ لایێ خودانی ڤە، سوپاسیا خودێ بكەین، چنكو هەر ژ دەستپێكێ خودێ هوین ژ بۆ قورتالبوونێ ب رێكا پیرۆزكرنێ ژ لایێ گیانێ پیرۆز ڤە و باوەری ئینان ب راستیێ، هەلبژارتن.
هەروەكو من ژ دل داخواز ژ تە كری، دەمێ ئەز دچوومە مەقدۆنیایێ، تۆ ل ئەفەسۆسێ بمینە، دا هندەك كەسان راسپێری كو فێركرنەكا دی نەكەن،
لێ ئارمانجا ڤێ راسپاردەیێ حەزژێكرنەكا ژ دلەكێ پاك و ژ وژدانەكا باش و ژ باوەریەكا بێ دووڕویاتیە.
بلا كەس سڤكاتیێ ب گەنجاتیا تە نەكەت، لێ د ئاخفتنێ دا، د رەفتارێ دا، د حەزژێكرنێ دا، د باوەریێ دا، د دەهمەنپاكیێ دا بۆ باوەرداران ببە نموونە.
ل گەل پیرەژنان ژی هەروەكو دایكا تە، ل گەل كچ و ژنێن گەنج ژی ب هەمی دەهمەنپاكی هەروەكو خویشكێن تە.
وی تشتێ چاك یێ بۆ تە هاتیە سپاردن، ب هاریكاریا گیانێ پیرۆز یێ د مە دا ئاكنجی بپارێزە.
ب باوەریێ ئیبراهیمی گوهداری كر، دەمێ هاتیە گازیكرن كو دەركەڤیتە وی جهی یێ ل بەر بوو ب میرات وەرگریت، ئەو دەركەفت و نەدزانی بۆ كیڤە دچیت.
بلا حەزژێكرنا برایانە یا بەردەوام بیت.
دەمێ ب ڤێ رێكێ هاتیە كاملكرن، بۆ هەمی یێن گوهداریا وی دكەن بوو ژێدەرێ قورتالبوونا هەتا هەتایی
چنكو خودێ نە یێ زۆردارە كو كارێ هەوە و حەزژێكرنا هەوە بۆ ناڤێ وی دیار كری ژ بیر بكەت، ژ بەر كو هەوە خزمەتا پیرۆزكریان كریە و دكەن.
پا چەند پتر خوینا مەسیحی، ئەوێ خۆ بێكێماسی ب هێزا گیانێ پیرۆزێ هەروهەر بۆ خودێ پێشكێش كری، دێ وژدانا مە ژ وان كریاران پاقژ كەت یێن مرۆڤی بەرەڤ مرنێ دبەن، دا پەرستنا خودایێ زیندی بكەین.
لەوما هەر پیساتی و خرابیەكا د ناخێ هەوە دا گەشە كری بهاڤێژن و ئەو پەیڤا د ناخێ هەوە دا دهێتە چاندن، ئەوا دشێت گیانێ هەوە قورتال بكەت، ب دەروونبچویكی قەبیل بكەن.
خۆ نێزیكی خودێ بكەن، ئەو ژی دێ خۆ نێزیكی هەوە كەت. دەستێن خۆ پاقژ بكەن، گەلی گونەهكاران. دلێ خۆ پاك بكەن، گەلی دوودلان.
ئەوێن ل دویڤ زانینا پێشوەخت یا خودایێ باب هاتینە هەلبژارتن و ب گیانێ پیرۆز هاتینە تەرخانكرن، دا گوهداریا عیسایێ مەسیح بكەن و ب خوینا وی بهێنە رەشاندن: كەرەم و ئاشتی ل سەر هەوە زێدە ببن.
رێزێ ل هەمی مرۆڤان بگرن، حەز ژ برایەتیا باوەرداران بكەن، ژ خودێ بترسن، رێزێ ل پاشای بگرن.
ب هەمان شێوە گەلی ژنان، ملكەچی مێرێن خۆ بن، دا خۆ ئەگەر هندەك ژ وان گوهداریا پەیڤێ ژی نەكەن، بێی گۆتنا پەیڤەكێ ژ رەوشتێ ژنان بهێنە قاییل كرن،
ئەو گیان ژ كەڤن دا د نەگوهدار بوون، دەمێ ل سەردەمێ نوحی خودێ ب درێژی بێهنا خۆ فرەھ كری، گاڤا گەمی دهاتە چێكرن، د وێ گەمیێ دا هندەك كەس، ئانكو هەشت، د ئاڤێ را قورتال بوون.
ب كورتی، هوین هەمی هەڤهزر بن، هەڤسۆز بن، وەكو برا حەز ژ ئێكودوو بكەن، دلۆڤان و دەروونبچویك بن.
دەم هاتیە كو دادكرن ژ مالا خودێ دەست پێ بكەت. ئەڤجا ئەگەر ژ مە دەست پێ بكەت، دویماهیا وان یێن گوهداریا مزگینیا خودێ ناكەن، دێ چ بیت؟
بەری هەر تشتەكی، بلا حەزژێكرنا هەوە بۆ ئێكودوو یا گەرم بیت، چنكو حەزژێكرن گونەهێن گەلەك ژی دنخێڤیت.
و ل سەر خودێترسیێ ڤیانەكا برایینی و ل سەر ڤیانا برایینیێ ژی حەزژێكرنێ،
ئەو پەیاما هەوە ژ دەستپێكێ بهیستی ئەوە كو ئەم حەز ژ ئێكودوو بكەین.
فەرمانا وی ژی ئەڤەیە: ئەم باوەریێ ب ناڤێ كوڕێ وی، عیسایێ مەسیح، بینین و ئەم حەز ژ ئێكودوو بكەین، كا چەوا وی فەرمان ل مە كریە.
چ جاران كەسێ خودێ نەدیتیە. ئەگەر ئەم حەز ژ ئێكودوو بكەین، خودێ د ناڤ مە دا بنەجھ دبیت و حەزژێكرنا وی د مە دا كامل دبیت.
ئەگەر ئێك ببێژیت: «ئەز حەز ژ خودێ دكەم» و كەربێن وی ژ خویشك یان برایێ وی ڤەببن، ئەو یێ درەوینە. چنكو ئەو كەسێ حەز ژ خویشك یان برایێ خۆ نەكەت یێ كو دبینیت، ئەو نەشێت حەز ژ خودێ بكەت یێ كو نابینیت.
گەلی خۆشتڤیان، بلا ئەم حەز ژ ئێكودوو بكەین، چنكو حەزژێكرن ژ خودێیە. هەر كەسێ حەزژێكرنێ دكەت، ئەو یێ ژ خودێ بووی و خودێ دنیاسیت.
لێ من ئەڤ تشتە یێ ل سەر تە هەی: تە دەست ژ حەزژێكرنا خۆ یا دەستپێكێ بەردا.