1 پەترۆس 1:21 - ئنجیلا پیرۆز

²¹ ب رێكا وی هەوە باوەری ب خودێ هەیە، ئەو خودایێ ئەو ژ ناڤ مریان راكری و مەزناهی دایێ، لەوما باوەری و هیڤیا هەوە ب خودێیە.

1 پەترۆس 1:21 ပူးပေါင်းရင်းမြစ်များ

مزگینیا مەتتای 28:18

عیسا بەرەڤ شاگردان چوو و گۆت: «هەمی دەستهەلاتا ل ئەردی و ل ئەسمانی بۆ من یا هاتیە دان.

مزگینیا یوحەننای 12:44

ئینا عیسای ب دەنگەكێ بلند گۆت: «هەر كەسێ باوەریێ ب من بینیت، ئەو باوەریێ ب وی دئینیت یێ ئەز هنارتیم، نە ب من

مزگینیا یوحەننای 14:1

«دلتەنگ نەبن. پشتا خۆ ب خودێ راست كەن، هەروەسا پشتا خۆ ب من ژی راست كەن.

مزگینیا یوحەننای 14:6

ئینا عیسای بەرسڤ دا: «ئەزم رێك و راستی و ژیان. كەس ناهێتە نك بابی، ئەگەر ب رێیا من نەبیت.

مزگینیا یوحەننای 17:1

دەمێ عیسای ئەڤ ئاخفتنە گۆتین، بەرێ خۆ دا ئەسمانی و گۆت: «باب، دەم هات. كوڕێ خۆ مەزن كە، دا كوڕێ تە ژی تە مەزن كەت،

مزگینیا یوحەننای 17:24

باب، من دڤێت كو ئەوێن تە داینە من، ل گەل من بن، ل وی جهێ ئەز لێ بم، دا وێ مەزناهیا تە دایە من ببینن، چنكو بەری دامەزراندنا جیهانێ تە حەز ژ من كر.

مزگینیا یوحەننای 17:5

باب، نوكە من ل نك خۆ مەزن بكە، ب وێ مەزناهیا من بەری هەبوونا جیهانێ ل نك تە هەبوو.

مزگینیا یوحەننای 3:34

ژ بەر كو یێ خودێ ئەو هنارتی، ئەو ئاخفتنێن خودێ دبێژیت، چنكو خودێ بێ پیڤان گیانێ خۆ ددەت.

كارێن هنارتیان 2:24

لێ خودێ ژ مرنێ راكرەڤە و ژ ئێشانێن مرنێ ئازاد كر، چنكو مرن نەشیا وی دەستەسەر بكەت.

كارێن هنارتیان 3:13

خودایێ ئیبراهیمی و خودایێ ئیسحاقی و خودایێ یەعقوبی، خودایێ بابكالێن مە، خزمەتكارێ خۆ عیسا پایەبەرز كر، یێ كو هەوە دایە دەستێ پیلاتۆسی و ماندەل كری، دەمێ وی دڤیا عیسای ئازاد بكەت.

كارێن هنارتیان 3:15

هەوە ژیاندەر كوشت، لێ خودێ ژ ناڤ مریان راكر. ئەم ل سەر ڤێ چەندێ شاهدین.

كارێن هنارتیان 4:10

بلا هوین هەمی و گشت مللەتێ ئیسرائیلێ ژی بزانن، كو ب ناڤێ عیسایێ مەسیح یێ ناسیرەیی، ئەوێ هەوە خاچ دای و ئەوێ خودێ ژ ناڤ مریان راكری، ئەڤ زەڵامە ل بەرامبەری هەوە ساخلەم راوەستیاییە.

رۆما 10:9

چنكو ئەگەر تۆ ب دەڤێ خۆ دانپێدانێ بكەی كو عیسا خودانە و ب دلێ خۆ باوەریێ بینی كو خودێ ئەو ژ ناڤ مریان راكریە، تۆ دێ قورتال بی.

رۆما 4:24

لێ ژ بۆ مە ژی هاتیە نڤیسین. بۆ مە ژی دێ هێتە هژمارتن، ئەم یێن مە باوەری ب وی هەی، یێ خودانێ مە عیسا ژ ناڤ مریان راكری،

2 كورنتۆس 6:15

چ رێككەفتن د ناڤبەرا مەسیحی و بەلیعاری دا هەیە؟ یان یێ باوەردار چ بەهر ل گەل یێ بێباوەر هەیە؟

ئەفەسۆس 1:15

ژ بەر هندێ، گاڤا من باوەریا هەوە ب خودان عیسای و حەزژێكرنا هەوە بۆ هەمی پیرۆزكریان بهیستی،

كۆلۆسی 1:27

خودێ بڕیار دا بۆ پیرۆزكریێن خۆ بدەتە زانین كا دەولەمەندیا مەزناهیا ڤێ نهێنیێ د ناڤ مللەتێن نەجوهی دا چەندا مەزنە. نهێنی ژی ئەوە كو مەسیح د ناخێ هەوە دایە و ژ بەر هندێ مسۆگەرە كو هوین دێ د مەزناهیا وی دا پشكدار بن.

1 تیمۆتاوس 1:1

ژ من، پاولۆس، هنارتیێ مەسیح عیسای، ل دویڤ فەرمانا قورتالكەرێ مە خودێ و هیڤیا مە مەسیح عیسای.

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

عیبرانی 2:9

لێ ئەم عیسای دبینین كو بۆ دەمەكێ كورت ژ فریشتەیان نزمتر هاتبوو دانان، نوكە تانجا مەزناهی و سەربلندیێ یا د سەرێ وی، ژ بەر كو وی ئازارا مرنێ كێشا، دا ژ كەرەما خودێ ژ پێخەمەت هەر مرۆڤەكی تام كەتە مرنێ.

عیبرانی 6:1

لەوما، بلا ئەم ژ فێركرنێن دەستپێكی یێن دەربارەی مەسیحی دەرباز ببین و بەرەڤ پێگەهشتنێ پێشڤە بچین، بێی كو جارەكا دی وی بنیاتی دانین یێ پێكهاتی ژ: لخۆزڤڕینێ ژ كریارێن مرۆڤی بەرەڤ مرنێ دبەن و باوەری ئینان ب خودێ

عیبرانی 7:25

ژ بەر هندێ ئەو دشێت وان ب تەمامی قورتال بكەت، یێن كو ب رێكا وی خۆ نێزیكی خودێ دكەن، چنكو ئەو هەردەم یێ زیندیە، دا مەهدەریێ بۆ وان بكەت.

1 پەترۆس 1:11

گیانێ مەسیحی یێ د وان دا، پێشوەخت بۆ وان شاهدەیی ددا ل سەر ئازارێن مەسیحی و مەزناهیێن پشتی هنگی دێ هێن، وان ژی بزاڤ دكر كو بزانن كا كەنگی و د رەوشەكا چەوا دا دێ ئەڤ چەندە روی دەت.

1 پەترۆس 1:3

مەزناهی بۆ خودێ، بابێ خودانێ مە عیسایێ مەسیح، ئەوێ ل دویڤ دلۆڤانیا خۆ یا زێدە ب رێكا رابوونا عیسایێ مەسیح ژ ناڤ مریان، ژدایكبوونەكا نوی دایە مە و هۆسا مە هیڤیەكا زیندی

1 پەترۆس 3:22

ئەوێ چوویە ئەسمانی و ل دەستێ راستێ یێ خودێیە، فریشتە و دەستهەلاتدار و هێز ملكەچێن وینە.