1 پەترۆس 1:18 - ئنجیلا پیرۆز

¹⁸ چنكو هوین دزانن كو هوین نە ب تشتێن ژ ناڤ دچن، وەكو زێڕ یان زیڤ، ژ وێ ژیانا بێمفا یا هەوە ژ باب و باپیرێن خۆ وەرگرتی، هاتینە ئازاد كرن،

1 پەترۆس 1:18 ပူးပေါင်းရင်းမြစ်များ

مزگینیا مەرقۆسی 8:37

مرۆڤ دشێت ب پێش ژیانا خۆ ڤە چ بدەت؟

رۆما 1:21

سەرەڕای كو وان خودێ نیاسی، وان ئەو وەك خودێ مەزن نەكر و سوپاسیا وی نەكر، لێ هزرێن وان دخرش بوون و تاریاتیێ ب سەر مێشكێ وان یێ كۆرەفام دا گرت.

1 كورنتۆس 3:20

دیسان هاتیە نڤیسین: «خودان هزرێن ئاقلمەندان دزانیت، كو د خرشن.»

1 كورنتۆس 6:20

چنكو هوین ب بهایەكێ گران یێن هاتینە كڕین. ژ بەر ڤێ چەندێ وە بكەن كو ب لەشێ هەوە مەزناهیا خودێ دیار ببیت.

1 كورنتۆس 7:23

هوین ب بهایەكێ گران هاتنە كڕین، ئەڤجا نەبنە بەنیێن مرۆڤان.

گالاتیا 1:4

ئەوێ خۆ گۆری گونەهێن مە كری، دا مە ل دویڤ حەزا خودێ و بابێ مە ژ جیهانا نوكە یا خراب قورتال بكەت.

ئەفەسۆس 4:17

لەوما ئەز ڤێ دبێژم و ب ناڤێ خودانی دووپات دكەم كو ئێدی هوین وەسا نەژین هەروەكو مللەتێن نەجوهی دژین، هزرێن وان دخرشن.

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

عیبرانی 9:12

ئەو نە ب خوینا نێری و جانەگایان، لێ ب خوینا خۆ، جارەكێ و بۆ هەروهەر چوو د جهێ هەری پیرۆز ڤە و رزگاركرنا هەتا هەتایی بۆ مە ب دەست ڤە ئینا.

1 پەترۆس 1:7

دا بەلگەیێ باوەریا هەوە، ئەوێ ب بهاتر ژ زێڕێ ژ ناڤ دچیت، یێ كو ب ئاگری دهێتە تاقیكرن، ببیتە جهێ پەسن و مەزناهی و سەربلندیێ ل دەمێ دیاربوونا عیسایێ مەسیح.

1 پەترۆس 4:3

ئێدی بەسە ئەو دەمێ هەوە بوراندی ل دویڤ حەزێن مللەتێن خودێنەنیاس، یێن كو رێكا بێدەلنگی، گوهنێلی، سەرخۆشی، ئاهەنگێن بەرەڵایی، ئاهەنگێن مەی ڤەخوارنێ و پووتپەرێسیا حەرام دگرن.

1 یوحەننا 3:5

هوین دزانن كو مەسیح یێ دیار بووی، دا گونەهان راكەت. گونە‍‌ھ د وی دا نینە.