1 پەترۆس 1:17 - ئنجیلا پیرۆز

¹⁷ ئەگەر هوین دبێژنە وی ‹باب›، یێ ل دویڤ كارێ هەر كەسەكی، بێی لایەنگری حوكمی ددەت، دەمێ خۆ یێ كۆچبەریێ د ترسا وی دا دەرباز بكەن.

1 پەترۆس 1:17 ပူးပေါင်းရင်းမြစ်များ

مزگینیا مەتتای 16:27

كوڕێ مرۆڤ دێ ب مەزناهیا بابێ خۆ ڤە ل گەل فریشتەیێن خۆ هێت، هنگی هەر كەسەك دێ ل دویڤ كارێن خۆ هێتە خەلاتكرن.

مزگینیا مەتتای 22:16

ئینا هندەك شاگردێن خۆ ل گەل لایەنگرێن هێرودێسی هنارتنە نك وی و گۆتنێ: «مامۆستا، ئەم دزانین تۆ یێ راستگۆی و رێكا خودێ راست نیشا خەلكی ددەی، تۆ هەمیان وەكو ئێك دبینی و تۆ بەرێ خۆ نادەیە ئاستێن مرۆڤان.

مزگینیا مەتتای 6:9

ئەڤجا هوین نڤێژان هۆسا بكەن: بابێ مە یێ ل ئەسمانان، بلا ناڤێ تە پیرۆز بیت،

رۆما 11:20

راستە، ئەو ژ بەر بێباوەریێ هاتنە بڕین و تۆ ب باوەریێ جهگیر بووی. ئەڤجا خۆ دفنبلند نەكە، لێ بترسە.

2 كورنتۆس 1:2

كەرەم و ئاشتی ژ بابێ مە خودێ و ژ خودان عیسایێ مەسیح ل سەر هەوە بن.

2 كورنتۆس 5:6

لەوما هەرگاڤ د پشتڕاستین و دزانین كو هندی ئەم د لەشی دا د ئاكنجی بین، ئەم ژ خودانی د دویرین.

2 كورنتۆس 7:1

ئەڤجا، مادەم ئەم خودانێن ڤان سۆزاینە، گەلی خۆشتڤیان، بلا ئەم خۆ ژ هەر جۆرەكێ پیساتیا لەشی و گیانی پاك بكەین و ژ بەر ترسا خودێ ب تەمامی پیرۆز ببین.

2 كورنتۆس 7:11

بەرێ خۆ بدەنێ، هەر وێ خەمباریا ل دویڤ حەزا خودێ د هەوە دا چەند بەرهەم ئینایە: چەند خەمخۆری، چەند حەز كو هوین خۆ روی سپی دەرئێخن، چەند تۆڕەبوون ژ بەر نەڕاستیێ، چەند سەهم، چەند بیریكرن، چەند دلگەرمی، چەند بجهئینانا دادپەروەریێ! د هەمی تشتان دا هەوە سەلماند كو هوین د ڤێ بابەتی دا د بێگونەهن.

گالاتیا 2:6

لێ ئەوێن ب پایەبەرز دهێنە نیاسین، (ئەو ب راستی چ بن، بۆ من نە گرنگە، خودێ بەرێ خۆ نادەتە پایەبەرزیا مرۆڤان) ئەوان كەسان چ ل من زێدە نەكر.

ئەفەسۆس 1:17

و داخواز دكەم كو خودایێ خودانێ مە عیسایێ مەسیح، بابێ مەزناهیێ، گیانێ ئاقلمەندیێ و تێگەهشتنا ئاشكراكرنا خودێ بدەتە هەوە، دا هوین وی هێشتا باشتر بنیاسن.

ئەفەسۆس 3:14

ژ بەر ڤێ چەندێ، ئەز چۆكڤەدانێ بۆ بابی دبەم،

ئەفەسۆس 6:9

هوین ژی، گەلی خودانان، هەمان تشتان بۆ وان بكەن و دەست ژ گەفلێكرنێ بەردەن، چنكو هوین دزانن كو خودانێ وان و هەوە هەمیان ل ئەسمانیە و ل نك وی لایەنگری نینە.

فیلیپی 2:12

ئەڤجا گەلی خۆشتڤیێن من، كا چەوا هەوە هەرگاڤ گوهداری كریە، نە ب تنێ دەمێ ئەز ل نك هەوە، لێ نوكە هێشتا پتر، دەمێ كو ئەز نە ل نك هەوە، قورتالبوونا خۆ ب ترس و لەرز پێشڤە ببەن،

كۆلۆسی 3:25

لێ یێ نەڕاستیێ بكەت دێ سزایێ نەڕاستیا خۆ وەرگریت و لایەنگری نینە.

عیبرانی 12:28

لەوما، ژ بەر كو ئەم پاشایەتیەكا ناهێتە هەژاندن وەردگرین، بلا ئەم سوپاسیا خودێ بكەین و وەسا وی بپەرێسین، ب شێوازەكی كو جهێ رەزامەندیا وی بیت، ئەو شێواز یێ ب خودێترسی و سەهمگرتن بیت.

عیبرانی 4:1

لەوما بلا ئەم بترسین، نەكو سەرەڕای دەرفەتا سۆزا ب ژۆركەفتنا د ناڤ بێهنڤەدانا وی دا هێشتا یا مای، ئێك ژ هەوە ب وێ سۆزێ را نەگەهیت.

1 پەترۆس 2:11

گەلی خۆشتڤیان، ئەز هیڤی ژ هەوە دكەم، هوین وەكو بیانی و رێڤنگ ل ڤێ جیهانێ، خۆ ژ ئارەزوویێن لەشی یێن دژی دەروونی شەڕی دكەن، دویر بئێخن.

1 پەترۆس 3:15

لێ مەسیحی وەكو خودان د دلێ خۆ دا پیرۆز راگرن و هەمی دەمان د ئامادە بن، دا بەرسڤا هەر كەسەكی بدەن كو دەربارەی ئەگەرێ وێ هیڤیا د هەوە دا پرسیارێ ژ هەوە دكەت،