1 پەترۆس 1:10 - ئنجیلا پیرۆز

¹⁰ دەربارەی ڤێ قورتالبوونێ، پێغەمبەرێن پەیاما خودێ راگەهاندی ل دۆر وێ كەرەما خودێ بۆ هەوە ئامادە كربوو، لێگەڕیان و ڤەكۆلین كرن.

1 پەترۆس 1:10 ပူးပေါင်းရင်းမြစ်များ

مزگینیا مەتتای 13:17

ئەز ب راستی دبێژمە هەوە: هزرەتا گەلەك پێغەمبەر و راستداران ئەو بوو، وێ چەندێ ببینن یا هوین دبینن، لێ وان نەدیت و وێ چەندێ ببهیسن یا هوین دبهیسن، لێ وان نەبهیست.

مزگینیا مەتتای 26:24

كوڕێ مرۆڤ دێ وەسا چیت، هەروەكو دەربارەی وی هاتیە نڤیسین، لێ نەخوزیكێن وی كەسی یێ كوڕێ مرۆڤ رادەست بكەت. بۆ وی كەسی باشتر بوو ئەو ژ دایك نەببا.»

مزگینیا لوقای 10:24

ئەز دبێژمە هەوە: گەلەك پێغەمبەر و پاشایان حەز دكر وێ چەندێ ببینن یا هوین دبینن، لێ وان نەدیت، وان حەز دكر وێ چەندێ ببهیسن یا هوین دبهیسن، لێ وان نەبهیست.»

مزگینیا لوقای 24:44

پاشی گۆتە وان: «ئەڤە ئەو گۆتنە یا كو هێشتا ئەز د ناڤ هەوە دا من گۆتیە هەوە، كو دڤێت چ تشتێ دەربارەی من د دەستوورێ مووسای و پەرتووكێن پێغەمبەران و زەبوورێ دا هاتیە نڤیسین، ب ج‍‌ھ بهێت.»

مزگینیا یوحەننای 5:39

هوین لێگەڕیانێ د نڤیسارێن پیرۆز دا دكەن، چنكو هوین هزر دكەن، ژیانا هەروهەر بۆ هەوە ب رێكا وان یا هەی و ئەو نڤیسار ب خۆ بۆ من شاهدەییێ ددەن.

مزگینیا یوحەننای 7:52

وان بەرسڤا وی دا و گۆتن: «ئەرێ تۆ ژی خەلكێ جەلیلێی؟ لێڤەكۆلە، دێ بینی كو چ پێغەمبەر ژ جەلیلێ رانابن!»

كارێن هنارتیان 10:43

هەمی پێغەمبەر شاهدەییێ بۆ ددەن، كو هەر كەسێ باوەریێ ب وی بینیت، دێ لێبورینا گونەهان ب ناڤێ وی وەرگریت.»

كارێن هنارتیان 17:11

ئەڤ جوهییە ژ یێن ل سالونیكی جوامێرتر بوون، وان پەیڤا خودێ گەلەك ب گەرمی وەرگرت و رۆژانە نڤیسار دخواندن، دا بزانن كا فێركرنا پاولۆس و سیلاسی یا راست بوو یان نە.

كارێن هنارتیان 28:23

رۆژەك بۆ وی دەستنیشان كر، ئینا گەلەك كەس هاتنە جهێ ئاكنجیبوونا وی. ئەوی ژی هەر ژ سپێدێ تا ئێڤاری وەكو شاهدەك پاشایەتیا خودێ بۆ وان شڕۆڤە دكر. ئەوی بزاڤ دكر ب رێكا دەستوورێ مووسای و نڤیسارێن پێغەمبەران، وان قاییل بكەت كو عیسا ب خۆ مەسیحە.

كارێن هنارتیان 7:52

ما بابێن هەوە كیژ پێغەمبەر تەپەسەر نەكریە؟ وان ئەو كوشتن یێن پێشوەخت هاتنا یێ راست و دروست راگەهاندی، ئەو راست و دروستێ هوین نوكە بووینە بێبەخت و كوژەكێن وی!

عیبرانی 11:13

ئەو هەمی د باوەریێ دا مرن و سۆز ب دەست خۆ ڤە نەئینا، لێ ژ دویر ڤە دیتن و بخێرهاتنا وان كر و دانپێدان كر كو ئەو ل سەر ئەردی د هاڤی و بیانینە.

عیبرانی 11:40

چنكو خودێ پێشوەخت تشتەكێ باشتر بۆ مە ئامادە كریە، داكو ئەو بێی مە نەهێنە كاملكرن.

1 پەترۆس 1:11

گیانێ مەسیحی یێ د وان دا، پێشوەخت بۆ وان شاهدەیی ددا ل سەر ئازارێن مەسیحی و مەزناهیێن پشتی هنگی دێ هێن، وان ژی بزاڤ دكر كو بزانن كا كەنگی و د رەوشەكا چەوا دا دێ ئەڤ چەندە روی دەت.

1 پەترۆس 1:13

لەوما مێشكێ خۆ بۆ كاری ئامادە بكەن و ل سەر هشێن خۆ بن، ب تەمامی هیڤیا خۆ ب وێ كەرەمێ ڤە گرێ بدەن، ئەوا ل دەمێ دیاربوونا عیسایێ مەسیح دێ بۆ هەوە هێتە ئینان.