1 پەترۆس 1:1 - ئنجیلا پیرۆز

¹ ژ من، پەترۆس، هنارتیێ عیسایێ مەسیح، بۆ كۆچبەرێن بەڵاڤبووی ل هەرێمێن پۆنتۆس، گالاتیا، كەپەدۆكیا، ئاسیا و بیتینیایێ،

1 پەترۆس 1:1 ပူးပေါင်းရင်းမြစ်များ

مزگینیا مەتتای 10:2

ئەڤەنە ناڤێن هەر دوازدە هنارتیان: ل پێشیێ شەمعون ئەوێ دگۆتنێ پەترۆس و ئەندراوسێ برایێ وی، یەعقوبێ كوڕێ زەبەدی و یوحەننایێ برایێ وی،

مزگینیا مەتتای 24:22

ئەگەر ئەو رۆژ نەهاتبانە كورتكرن، كەس قورتال نەدبوو، لێ ژ بەر هەلبژارتیان ئەو رۆژ دێ هێنە كورتكرن.

مزگینیا مەتتای 4:18

دەمێ عیسا ل بەر كنارێ دەریاكا جەلیل بڕێڤە دچوو، دوو برایێن ئێك دیتن، ئەو ژی شەمعون یێ دگۆتنێ پەترۆس و برایێ وی ئەندراوس بوون، یێ تۆڕێ دهاڤێژنە د دەریاكێ دا، چنكو ئەو ماسیگر بوون.

مزگینیا لوقای 18:7

ئەرێ ما خودێ مافێ هەلبژارتیێن خۆ، ئەوێن ب شەڤ و رۆژ هەوارا خۆ دگەهیننێ، وەرناگریت؟ ئەرێ دێ بەرسڤا وان گیرۆ كەت؟

مزگینیا یوحەننای 11:52

نە ب تنێ سەخمەراتی مللەتی، لێ دا زاڕۆكێن خودێ یێن بژاڵە خڕڤە كەت و بكەتە ئێك.

مزگینیا یوحەننای 7:35

ئەڤجا جوهیان د ناڤبەرا خۆ دا گۆت: «وی ل بەرە كیڤە بچیت كو ئەم نەبینین؟ ئەرێ دێ چیتە باژێڕێن یونانیان، ئەوێن جوهی لێ بەڵاڤ بووین و یونانیان فێر كەت؟

كارێن هنارتیان 18:2

ل وێرێ جوهیەك دیت ناڤێ وی ئەكیلا بوو، ژ دایكبوویێ پۆنتۆسێ بوو، ژ نوی ل گەل هەڤژینا خۆ پریسكیلایێ ژ ئیتالیا هاتبوو، چنكو كلودیۆسێ قەیسەر فەرمانا دەرئێخستنا جوهیان ژ رۆمایێ دابوو. پاولۆسی قەستا وان كر،

كارێن هنارتیان 18:23

پشتی دەمەكی ل وێرێ مای، كەفتە رێ و ج‍‌ھ ب ج‍‌ھ ل سەر هەرێمێن گالاتیا و فریگیە گەڕیا و هەمی شاگرد بهێز ئێخستن.

كارێن هنارتیان 19:10

ئەڤ رەوشە دوو ساڵان یا بەردەوام بوو، تاكو هەمی ئاكنجیێن هەرێما ئاسیا ژ جوهی و یونانیان، پەیڤا خودانی بهیستی.

كارێن هنارتیان 6:9

لێ هندەك جوهیێن ‹كنیشتەیا ئازادكریان› ژ قەیرەوانێ و ئەسكەندەریێ، ل گەل هندەكێن دی ژ هەرێمێن كیلیكیا و ئاسیا رابوون و گەنگەشە ل گەل ستیڤانۆسی كر.

كارێن هنارتیان 8:4

ئەوێن بەڵاڤ بووین ژ جهەكی دچوونە جهەكی و مزگینی ب پەیڤێ ددان،

1 كورنتۆس 16:19

جڤاكێن باوەردارێن هەرێما ئاسیایێ سڵاڤان ل هەوە دكەن. هەروەسا ئەكیلا و پریسكیلا ل گەل جڤاكا باوەرداران یا ل مالا وان كۆم دبیت، ب ناڤێ خودانی گەلەك سڵاڤان ل هەوە دكەن.

2 كورنتۆس 1:8

مە نەڤێت، گەلی خویشك و برایان، كو هوین دەربارەی تەنگاڤیێن مە، ئەوێن ل هەرێما ئاسیایێ ب سەرێ مە هاتین، د بێ ئاگە‍‌ھ بن، بارێ مە زێدە ژ شیانا مە گران بوو، تا ئەم ژ ژیانێ ژی بێ ئومێد بووین.

گالاتیا 1:2

ژ هەمی برایێن ل گەل من ژی، بۆ جڤاكێن باوەردارێن گالاتیایێ:

ئەفەسۆس 2:19

ئەڤجا ئێدی هوین نە خەلك و بیانینە، لێ هوین ل گەل پیرۆزكریان هەڤوەڵاتینە و ئەندامێن مالا خودێنە.

2 تیمۆتاوس 1:15

تۆ دزانی كو هەمی ئەوێن ل هەرێما ئاسیایێ پشتا خۆ دایە من، ژ وان فووگەلۆس و هێرمۆگێنیس ژی.

عیبرانی 11:13

ئەو هەمی د باوەریێ دا مرن و سۆز ب دەست خۆ ڤە نەئینا، لێ ژ دویر ڤە دیتن و بخێرهاتنا وان كر و دانپێدان كر كو ئەو ل سەر ئەردی د هاڤی و بیانینە.

یەعقوب 1:1

ژ من، یەعقوب، بەنیێ خودێ و خودان عیسایێ مەسیح، بۆ هەر دوازدە هۆزێن دەربەدەر، سڵاڤ.

1 پەترۆس 2:11

گەلی خۆشتڤیان، ئەز هیڤی ژ هەوە دكەم، هوین وەكو بیانی و رێڤنگ ل ڤێ جیهانێ، خۆ ژ ئارەزوویێن لەشی یێن دژی دەروونی شەڕی دكەن، دویر بئێخن.

2 پەترۆس 1:1

ژ من، شەمعون پەترۆس، بەنی و هنارتیێ عیسایێ مەسیح، بۆ وان یێن ب راستداریا خودێ، قورتالكەرێ مە عیسایێ مەسیح، باوەریەكا بهاگران یا وەكو یا مە وەرگرتی:

ئاشكراكرن 1:11

وی دگۆت: «تشتێ تۆ دبینی د پەرتووكەكێ دا بنڤیسە و بۆ هەر حەفت جڤاكان بهنێرە: بۆ ئەفەسۆسێ و بۆ سمیرنایێ و بۆ پەرگامایێ و بۆ تیاتیرایێ و بۆ ساردیسێ و بۆ فیلادەلفیایێ و بۆ لاودیكیایێ.»