1 یوحەننا 5:9 - ئنجیلا پیرۆز

⁹ ئەگەر ئەم شاهدەییا مرۆڤان قەبیل بكەین، شاهدەییا خودێ مەزنترە، چنكو ئەڤە شاهدەییا خودێیە، ئەوا وی دەربارەی كوڕێ خۆ دای.

1 یوحەننا 5:9 ပူးပေါင်းရင်းမြစ်များ

مزگینیا مەتتای 17:5

هێشتا ئەو دئاخفت، وەسا چێبوو عەورەكێ رۆناهیدار سیبەر ل وان كر و دەنگەك ژ عەوری هات و گۆت: «ئەڤەیە كوڕێ من یێ خۆشتڤی، ئەوێ دلێ من پێ خۆش بووی، گوهێ خۆ بدەنێ!»

مزگینیا یوحەننای 10:38

لێ ئەگەر ئەز كارێن وی دكەم، خۆ ئەگەر هوین باوەر ژ من ژی نەكەن، باوەر ژ وان كاران بكەن، دا هوین بزانن و تێبگەهن كو باب یێ د ناڤ من دا و ئەز یێ د ناڤ وی دا.»

مزگینیا یوحەننای 5:39

هوین لێگەڕیانێ د نڤیسارێن پیرۆز دا دكەن، چنكو هوین هزر دكەن، ژیانا هەروهەر بۆ هەوە ب رێكا وان یا هەی و ئەو نڤیسار ب خۆ بۆ من شاهدەییێ ددەن.

كارێن هنارتیان 17:31

چنكو وی رۆژەكا دانای كو هەمی جیهانێ دادپەروەرانە داد بكەت ل سەر دەستێ زەڵامەكێ وی دەستنیشانكری. خودێ بەلگە ژی دایە هەمیان، دەمێ ئەو ژ ناڤ مریان راكری.»

كارێن هنارتیان 5:32

و ئەم شاهدەییێ ل سەر ڤێ چەندێ ددەین، هەروەسا گیانێ پیرۆز ژی یێ كو خودێ دایە وان كەسێن گوهداریا وی دكەن شاهدەییێ ددەت.»

عیبرانی 2:4

خودێ ژی پشتەڤانیا شاهدەییا وان دكر ب رێكا نیشان و مەندەهۆشی و حنێرێن جۆراوجۆر، هەروەسا ب بەهرەیێن گیانێ پیرۆز یێن ب حەزا خۆ دابەش دكەت.

عیبرانی 6:18

دا ب دوو تشتێن نەگوهۆڕ، یێن كو مەحالە خودێ تێدا درەوێ بكەت، مە هاندانەكا ب هێز هەبیت، ئەم ئەوێن پەنا بریە نك وی، دا خۆ ب وێ هیڤیێ ڤە بگرین، یا ل پێشیا مە هاتیە دانان.

1 یوحەننا 5:10

ئەوێ باوەریێ ب كوڕێ خودێ دئینیت، ئەڤ شاهدەییە د ناخێ وی ب خۆ دا هەیە. ئەوێ باوەر ژ خودێ نەكەت، ئەو خودێ ب درەوین دەردئێخیت، چنكو وی باوەری ب وێ شاهدەییێ نەئینایە، ئەوا خودێ دەربارەی كوڕێ خۆ دای.

1 یوحەننا 5:8

گیان و ئاڤ و خوین. ئەڤ هەر سێیە هەمان شاهدەیی ددەن.