1 یوحەننا 4:9 - ئنجیلا پیرۆز

⁹ هۆسا حەزژێكرنا خودێ د ناڤ مە دا دیار بوو: خودێ كوڕێ خۆ یێ ئێكانە هنارتە جیهانێ، داكو ئەم ب وی بژین.

1 یوحەننا 4:9 ပူးပေါင်းရင်းမြစ်များ

مزگینیا مەرقۆسی 12:6

ئەوی ئێك مابوو، ئەو ژی كوڕێ وی یێ خۆشتڤی بوو، ئینا ل دویماهیێ هنارتە نك وان. وی د دلێ خۆ دا دگۆت: ‹دێ رێزێ ل كوڕێ من گرن.›

مزگینیا لوقای 4:18

«گیانێ خودانی ل سەر منە، چنكو وی ئەز یێ ب زەیتكرنێ دەستنیشان كریم دا مزگینیێ بدەمە بەلەنگازان. ئەز یێ هنارتیم دا ئازادیێ بۆ دیلكریان و بینینێ بۆ كۆرەیان رابگەهینم، دا ئازادیێ بدەمە بندەستان،

مزگینیا یوحەننای 10:10

دز ناهێت ئەگەر بۆ دزینێ و كوشتنێ و ژناڤبرنێ نەبیت، لێ ئەز یێ هاتیم دا وان ژیان هەبیت، ژیانەكا پڕ هەبیت.

مزگینیا یوحەننای 14:6

ئینا عیسای بەرسڤ دا: «ئەزم رێك و راستی و ژیان. كەس ناهێتە نك بابی، ئەگەر ب رێیا من نەبیت.

مزگینیا یوحەننای 3:16

خودێ هۆسا حەز ژ جیهانێ كر، كو وی كوڕێ خۆ یێ ئێكانە دایێ، داكو هەر كەسێ باوەریێ پێ بینیت ژ ناڤ نەچیت، لێ ژیانا هەروهەر هەبیت.

مزگینیا یوحەننای 3:18

ئەوێ باوەریێ پێ بینیت ناهێتە گونەهباركرن، لێ ئەوێ باوەریێ پێ نەئینیت، ئەو هەر ژ نوكە هاتیە گونەهباركرن، چنكو وی باوەری ب ناڤێ كوڕێ خودێ یێ ئێكانە نەئینا.

مزگینیا یوحەننای 5:23

دا هەمی رێزێ ل كوڕی بگرن، هەروەكو رێزێ ل بابی دگرن. یێ رێزێ ل كوڕی نەگریت، ئەو رێزێ ل بابێ كوڕ هنارتی ژی ناگریت.

مزگینیا یوحەننای 6:29

عیسای بەرسڤا وان دا و گۆت: «كارێ خودێ ئەڤەیە: هوین باوەریێ ب وی بینن، ئەوێ كو وی هنارتی.»

مزگینیا یوحەننای 6:51

ئەزم نانێ ژیانێ، یێ كو ژ ئەسمانی هاتیە خوار. ئەگەر ئێكی ژ ڤی نانی خوار، دێ هەتا هەتایێ ژیت. ئەو نانێ كو ئەز دێ بۆ ژیانا جیهانێ دەم، لەشێ منە.»

مزگینیا یوحەننای 6:57

كا چەوا بابی، یێ كو سەرەكانیا ژیانێیە، ئەز هنارتم و ئەز ب وی دژیم، هۆسا ئەوێ من بخۆت، دێ ب من ژیت.

مزگینیا یوحەننای 8:29

ئەوێ ئەز هنارتیم ل گەل منە و وی ئەز نەهێلایمە ب تنێ، چنكو ئەز هەردەم وان تشتان دكەم یێن ئەو پێ رازی دبیت.»

مزگینیا یوحەننای 8:42

عیسای گۆتە وان: «ئەگەر خودێ بابێ هەوە با، دا هوین حەز ژ من كەن، چنكو ئەز ژ نك خودێ یێ دەركەفتیم و هاتیم. ئەز ژ نك خۆ نەهاتیمە، لێ ئەوی ئەز یێ هنارتیم.

مزگینیا یوحەننای 9:3

عیسای بەرسڤ دا: «نە ئەوی گونە‍‌ھ كریە و نە دایك و بابێن وی، لێ ئەڤ چەندە چێبوو دا كارێن خودێ د وی دا دیار ببن.

رۆما 8:32

ئەوێ دەستێ خۆ ژ كوڕێ خۆ ڤەنەگرتی، لێ ژ پێخەمەتی مە هەمیان ئەو رادەستی مرنێ كر، ئێدی چەوا ئەو هەمی تشتی ل گەل وی بێ بەرامبەر نادەتە مە؟

عیبرانی 1:5

چنكو، ما خودێ جارەكێ گۆتیە فریشتەیەكی: «تۆ كوڕێ منی، ئەڤرۆ من تۆ بووی»؟ یان ژی: «ئەز دێ بمە بابێ وی و ئەو دێ بیتە كوڕێ من»؟

1 یوحەننا 3:16

ئەم ب ڤێ چەندێ حەزژێكرنێ دزانین: عیسای ژیانا خۆ ژ پێخەمەت مە دانا. ئەڤجا پێدڤیە ئەم ژی ژیانا خۆ ژ پێخەمەت خویشك و برایان بدانین.

1 یوحەننا 4:10

حەزژێكرن ئەڤەیە: نە كو مە حەز ژ خودێ كریە، لێ وی حەز ژ مە كر و كوڕێ خۆ هنارت دا ببیتە كەفارەتا گونەهێن مە.

1 یوحەننا 4:16

ئەڤجا ئەم وێ حەزژێكرنا خودێ بۆ مە هەی دزانین و باوەر ژێ دكەین. خودێ حەزژێكرنە. ئەوێ د ناڤ حەزژێكرنێ دا بنەج‍‌ھ دبیت، د ناڤ خودێ دا یێ بنەجهە و خودێ د ناڤ وی دا.

1 یوحەننا 5:11

شاهدەیی ژی ئەڤەیە: خودێ ژیانا هەروهەر دایە مە و ئەڤ ژیانە د ناڤ كوڕێ وی دایە.

1 یوحەننا 5:13

من ئەڤە بۆ هەوە یێن باوەریێ ب ناڤێ كوڕێ خودێ هەی، نڤیسین، دا بزانن كو هەوە ژیانا هەروهەر یا هەی.