1 یوحەننا 4:8 - ئنجیلا پیرۆز

⁸ ئەوێ حەزژێكرنێ ناكەت، خودێ نانیاسیت، چنكو خودێ حەزژێكرنە.

1 یوحەننا 4:8 ပူးပေါင်းရင်းမြစ်များ

2 كورنتۆس 13:11

ل دویماهیێ گەلی خویشك و برایان، د دلخۆش بن، خۆ راستڤە كەن، ئێكودوو هان بدەن، هەڤهزر بن، ب ئاشتیێ بژین، ئەڤجا خودایێ حەزژێكرنێ و ئاشتیێ دێ ل گەل هەوە بیت.

ئەفەسۆس 2:4

لێ خودایێ كو ب دلۆڤانیێ دەولەمەند، ژ پێخەمەت حەزژێكرنا خۆ یا مەزن، ئەوا پێ حەز ژ مە كری،

عیبرانی 12:29

چنكو «خودایێ مە ئاگرەكێ خۆرەكە.»

1 یوحەننا 1:5

ئەڤەیە ئەو پەیاما مە ژ عیسایێ مەسیح بهیستی و بۆ هەوە رادگەهینین: خودێ رۆناهیە و چ تاریاتی تێدا نینە.

1 یوحەننا 2:4

ئەوێ دبێژیت: «ئەز وی دنیاسم» و فەرمانێن وی ب ج‍‌ھ نەئینیت، ئەو درەوینە و راستی د دلێ وی دا نینە.

1 یوحەننا 2:9

ئەوێ دبێژیت: «ئەز یێ د رۆناهیێ دا» و كەربێن وی ژ خویشك یان برایێ وی ڤەدبن، ئەو هێشتا یێ د تاریاتیێ دا.

1 یوحەننا 3:10

ب ڤێ چەندێ زاڕۆكێن خودێ و زاڕۆكێن ئبلیسی ژ ئێك دیار دبن: هەر كەسێ راستداریێ نەكەت، ئەو نە ژ خودێیە، هەروەسا یێ حەز ژ خویشك یان برایێ خۆ نەكەت.

1 یوحەننا 3:6

هەر كەسێ د ناڤ وی دا یێ بنەج‍‌ھ بیت، گونەهێ ناكەت. هەر كەسێ گونەهێ بكەت، نە ئەو دیتیە و نە ژی ئەو نیاسیە.

1 یوحەننا 4:16

ئەڤجا ئەم وێ حەزژێكرنا خودێ بۆ مە هەی دزانین و باوەر ژێ دكەین. خودێ حەزژێكرنە. ئەوێ د ناڤ حەزژێكرنێ دا بنەج‍‌ھ دبیت، د ناڤ خودێ دا یێ بنەجهە و خودێ د ناڤ وی دا.

1 یوحەننا 4:7

گەلی خۆشتڤیان، بلا ئەم حەز ژ ئێكودوو بكەین، چنكو حەزژێكرن ژ خودێیە. هەر كەسێ حەزژێكرنێ دكەت، ئەو یێ ژ خودێ بووی و خودێ دنیاسیت.