1 یوحەننا 4:7 - ئنجیلا پیرۆز

⁷ گەلی خۆشتڤیان، بلا ئەم حەز ژ ئێكودوو بكەین، چنكو حەزژێكرن ژ خودێیە. هەر كەسێ حەزژێكرنێ دكەت، ئەو یێ ژ خودێ بووی و خودێ دنیاسیت.

1 یوحەننا 4:7 ပူးပေါင်းရင်းမြစ်များ

مزگینیا یوحەننای 13:34

ئەز دێ فەرمانەكا نوی ل هەوە كەم: حەز ژ ئێكودوو بكەن. هەروەكو من حەز ژ هەوە كری، دڤێت هوین ژی حەز ژ ئێكودوو بكەن.

مزگینیا یوحەننای 17:3

ژیانا هەروهەر ژی ئەڤەیە: ئەو تە، ئانكو خودایێ راستەقینە یێ ئێكانە، و عیسایێ مەسیح یێ تە هنارتی، بنیاسن.

1 كورنتۆس 8:3

لێ ئەگەر ئێك حەز ژ خودێ دكەت، ئەو ل نك خودێ یێ نیاسە.

2 كورنتۆس 4:6

چنكو ئەو خودایێ گۆتی: «بلا رۆناهی ژ تاریاتیێ شەوقێ بدەت»، ئەوە یێ د دلێ مە دا شەوق دای، دا ئەم ب رێكا وێ شەوقا ژ دێمێ عیسایێ مەسیحی دەردكەڤیت، رەونەقیا خودێ بنیاسین.

گالاتیا 4:9

لێ نوكە پشتی كو هەوە خودێ نیاسی، ئانكو هێشتا دروستتر: هوین ژ لایێ خودێ ڤە هاتنە نیاسین، ئەڤجا چەوا دێ بۆ هێزێن سرۆشتی یێن لاواز و بەلەنگاز زڤڕنەڤە؟ چەوا هەوە دڤێت هوین دیسان بەنیاتیێ بۆ وان بكەن؟!

گالاتیا 5:22

لێ بەرهەمێ گیانێ پیرۆز ئەڤەیە: حەزژێكرن، دلخۆشی، ئاشتی، بێهنفرەهی، جوامێری، چاكی، دلسۆزی،

2 تیمۆتاوس 1:7

چنكو خودێ گیانێ ترسنۆكیێ نەدایە مە، لێ گیانێ هێزێ و حەزژێكرنێ و لخۆزاڵبوونێ دایە مە.

1 پەترۆس 1:22

هەوە دەروونێ خۆ ب ملكەچبوونا راستیێ پاك كریە و هۆسا حەزژێكرنا هەوە یا برایانە یا بێ دووڕویاتیە، ئەڤجا ژ نیڤا دلی ب گەرمی حەز ژ ئێكودوو بكەن.

1 یوحەننا 2:10

یێ حەز ژ خویشك و برایێن خۆ دكەت، ئەو د رۆناهیێ دا یێ بنەجهە و چ ئەگەرێن هەلنگفتنێ بۆ وی نینن.

1 یوحەننا 2:29

ئەگەر هوین بزانن كو ئەو یێ راستدارە، هوین دزانن كو هەر كەسێ راستداریێ بكەت، یێ ژ وی بووی.

1 یوحەننا 2:3

ئەم ب وێ چەندێ دزانین كو ئەم وی دنیاسین، ئەگەر ئەم فەرمانێن وی ب ج‍‌ھ بینین.

1 یوحەننا 2:4

ئەوێ دبێژیت: «ئەز وی دنیاسم» و فەرمانێن وی ب ج‍‌ھ نەئینیت، ئەو درەوینە و راستی د دلێ وی دا نینە.

1 یوحەننا 2:7

گەلی خۆشتڤیان، ئەز فەرمانەكا نوی بۆ هەوە نانڤیسم، لێ فەرمانەكا كەڤن، كو هەوە ژ دەستپێكێ هەبوو. فەرمانا كەڤن ئەو پەیڤە یا هەوە بهیستی.

1 یوحەننا 3:9

هەر كەسێ ژ خودێ بووی، گونەهێ ناكەت، چنكو بنیاتێ خودێ د وی دا یێ بنەجهە. ئەو نەشێت گونەهێ بكەت، چنكو ئەو یێ ژ خودێ بووی.

1 یوحەننا 4:11

گەلی خۆشتڤیان، مادەم خودێ هۆسا حەز ژ مە كر، پێدڤیە ئەم ژی حەز ژ ئێكودوو بكەین.

1 یوحەننا 4:12

چ جاران كەسێ خودێ نەدیتیە. ئەگەر ئەم حەز ژ ئێكودوو بكەین، خودێ د ناڤ مە دا بنەج‍‌ھ دبیت و حەزژێكرنا وی د مە دا كامل دبیت.

1 یوحەننا 4:16

ئەڤجا ئەم وێ حەزژێكرنا خودێ بۆ مە هەی دزانین و باوەر ژێ دكەین. خودێ حەزژێكرنە. ئەوێ د ناڤ حەزژێكرنێ دا بنەج‍‌ھ دبیت، د ناڤ خودێ دا یێ بنەجهە و خودێ د ناڤ وی دا.

1 یوحەننا 4:20

ئەگەر ئێك ببێژیت: «ئەز حەز ژ خودێ دكەم» و كەربێن وی ژ خویشك یان برایێ وی ڤەببن، ئەو یێ درەوینە. چنكو ئەو كەسێ حەز ژ خویشك یان برایێ خۆ نەكەت یێ كو دبینیت، ئەو نەشێت حەز ژ خودێ بكەت یێ كو نابینیت.

1 یوحەننا 4:8

ئەوێ حەزژێكرنێ ناكەت، خودێ نانیاسیت، چنكو خودێ حەزژێكرنە.

1 یوحەننا 5:1

هەر كەسێ باوەر دكەت كو عیسا مەسیحە، ئەو كەس یێ ژ خودێ بووی. هەر كەسێ حەز ژ بابی دكەت ژی، حەز ژ وی ژی دكەت یێ ژ بابی بووی.

2 یوحەننا 1:5

نوكە ژی هەی خانم، ئەز داخوازێ ژ تە دكەم كو ئەم حەز ژ ئێكودوو بكەین و ئەڤە نە فەرمانەكا نویە بۆ تە دنڤیسم، لێ ئەوە یا مە ژ دەستپێكێ هەبوو.