1 یوحەننا 4:6 - ئنجیلا پیرۆز

⁶ ئەم ژ خودێینە. ئەوێ خودێ دنیاسیت گوهێ خۆ ددەتە مە و ئەوێ نە ژ خودێیە، گوهێ خۆ نادەتە مە. ژ بەر وێ چەندێ ئەم گیانێ راستیێ و گیانێ شاشیێ ژ ئێك جودا دكەین.

1 یوحەننا 4:6 ပူးပေါင်းရင်းမြစ်များ

مزگینیا لوقای 10:22

«هەمی تشت ژ لایێ بابێ من ڤە بۆ من یێن هاتینە دان. كەس نزانیت كوڕ كیە ژبلی بابی، هەروەسا كەس نزانیت باب كیە ژبلی كوڕی و هەر كەسێ كوڕی بڤێت بابی بۆ وی ئاشكرا بكەت.»

مزگینیا یوحەننای 10:16

من پەزێن دی ژی یێن هەین، كو نە ژ ڤێ كۆتانێنە، دڤێت ئەز وان ژی بینم و ئەو دێ گوهێ خۆ دەنە دەنگێ من و دێ بنە ئێك كەرێ پەزی ل گەل ئێك شڤان.

مزگینیا یوحەننای 10:27

پەزێ من گوهێ خۆ ددەتە دەنگێ من و ئەز وان دنیاسم و ئەو ل دویڤ من دهێن.

مزگینیا یوحەننای 10:3

بۆ وی دەرگەهڤان دەرگەهی ڤەدكەت و پەز گوهێ خۆ ددەنە دەنگێ وی، ب ناڤ گازی پەزێن خۆ دكەت و دئینیتە ژ دەرڤە.

مزگینیا یوحەننای 13:20

ب راستی ب راستی دبێژمە هەوە: ئەوێ وی قەبیل بكەت یێ ئەز دهنێرم، ئەڤە وی ئەز قەبیل كرم و ئەوێ من قەبیل بكەت، ئەوی ئەو قەبیل كر یێ ئەز هنارتیم.»

مزگینیا یوحەننای 14:17

ئەو ژی گیانێ راستیێیە، یێ كو جیهان نەشێت وی قەبیل بكەت، چنكو جیهان نە وی دبینیت، نە ژی دنیاسیت. لێ هوین وی دنیاسن، چنكو ل گەل هەوە یێ بنەجهە و دێ د ناڤ هەوە دا بیت.

مزگینیا یوحەننای 15:26

دەمێ ئەو هاریكار دهێت، یێ ئەز دێ ژ نك بابی بۆ هەوە هنێرم، گیانێ راستیێ، ئەوێ ژ نك بابی دەردكەڤیت، دێ بۆ من شاهدەییێ دەت.

مزگینیا یوحەننای 16:13

ئەڤجا دەمێ ئەو، گیانێ راستیێ، هات، دێ هەوە گەهینیتە هەمی راستیێ، چنكو ئەو ژ نك خۆ نائاخڤیت، لێ یا ئەو دبهیسیت، دێ وێ بێژیت و دێ تشتێن هێشتا روی نەداین بۆ هەوە راگەهینیت.

مزگینیا یوحەننای 18:37

ئینا پیلاتۆسی گۆتێ: «ئانكو تۆ پاشای؟» عیسای بەرسڤا وی دا: «تە ب خۆ گۆت كو ئەز پاشامە. ئەز بۆ ڤێ چەندێ یێ ژ دایك بوویم و بۆ ڤێ چەندێ یێ هاتیمە جیهانێ، دا شاهدەییێ بۆ راستیێ بدەم. هەر كەسێ ژ راستیێ بیت، دێ گوهێ خۆ دەتە دەنگێ من.»

مزگینیا یوحەننای 20:21

دیسان گۆتە وان: «ئاشتی بۆ هەوە بیت! كا چەوا بابی ئەز هنارتم، وەسا ئەز ژی هەوە دهنێرم.»

مزگینیا یوحەننای 8:19

ئینا وان پرسیار ژێ كر: «كا بابێ تە؟» عیسای بەرسڤ دا: «هوین نە من دنیاسن، نە ژی بابێ من دنیاسن. ئەگەر هەوە ئەز نیاسیبام، دا بابێ من ژی نیاسن.»

مزگینیا یوحەننای 8:23

وی گۆتە وان: «هوین ژ خوارێنە، ئەز ژ سڵالم. هوین ژ ڤێ جیهانێنە، ئەز نە ژ ڤێ جیهانێمە.

رۆما 1:1

ژ من، پاولۆس، بەنیێ مەسیح عیسای، ئەوێ هاتیە گازیكرن دا ببیتە هنارتی و بۆ مزگینیا خودێ هاتیە تەرخانكرن،

رۆما 11:8

هەروەكو هاتیە نڤیسین: «خودێ ئەو كرنە د خەوەكا كویر دا و چاڤێن كو نەبینن و گوهێن كو نەبهیسن دانە وان، ئەو تا ئەڤرۆ ژی د وەسانە.»

1 كورنتۆس 14:37

ئەگەر ئێك هزر بكەت كو ئەو پێغەمبەرە یان ژی مرۆڤەكێ روحانیە، بلا بزانیت كو ئەو تشتێ من بۆ هەوە نڤیسی فەرمانا خودانیە.

2 كورنتۆس 10:7

هوین ل تشتێن ل بەر چاڤ دنێڕن. ئەگەر ئێك یێ پشتڕاستە كو ئەو یێ مەسیحیە، بلا ل دۆر ڤێ چەندێ جارەكا دی هزر بكەت و بزانیت، كا چەوا ئەو یێ مەسیحیە، ئەم ژی وەسا یێن مەسیحینە.

2 سالونیكی 1:8

و ئەو د ئاگرەكێ ب گوڕی دا تۆلێ ژ وان ڤەكەت یێن خودێ نانیاسن و گوهداریا مزگینیا خودانێ مە عیسای ناكەن.

1 تیمۆتاوس 4:1

گیان ب ئاشكرایی دبێژیت، كو د دەمێن دویماهیێ دا، هندەك دێ ژ باوەریێ پاشگەز بن، دێ ب دویڤ گیانێن خاپینۆك و فێركرنێن ئەجنەیان كەڤن،

2 پەترۆس 3:2

دا بیرا هەوە بهێتە پەیڤێن پێغەمبەرێن پیرۆز و فەرمانێن خودان و قورتالكەری یێن هنارتیێن هەوە هوین پێ ئاگەهدار كرین.

1 یوحەننا 4:1

گەلی خۆشتڤیان، باوەر ژ هەر گیانەكی نەكەن، لێ گیانان تاقی بكەن، كا ئەو ژ خودێنە یان نە، چنكو گەلەك پێغەمبەرێن درەوین یێن دەركەفتینە جیهانێ.

1 یوحەننا 4:4

هوین ژ خودێنە گەلی زاڕۆكان و هوین ل سەر پێغەمبەرێن درەوین ب سەركەفتن، چنكو گیانێ پیرۆز یێ د هەوە دا مەزنترە ژ گیانێ ئبلیسی یێ د جیهانێ دا.

1 یوحەننا 4:8

ئەوێ حەزژێكرنێ ناكەت، خودێ نانیاسیت، چنكو خودێ حەزژێكرنە.

1 یوحەننا 5:19

ئەم دزانین كو ئەم ژ خودێینە و هەمی جیهان ل بن دەستهەلاتا خرابكاریە.

یەهودا 1:17

لێ هوین، گەلی خۆشتڤیان، بیرا خۆ بیننە وان ئاخفتنان یێن پێشوەخت هنارتیێن خودانێ مە عیسایێ مەسیح گۆتین.