1 یوحەننا 4:1 - ئنجیلا پیرۆز

¹ گەلی خۆشتڤیان، باوەر ژ هەر گیانەكی نەكەن، لێ گیانان تاقی بكەن، كا ئەو ژ خودێنە یان نە، چنكو گەلەك پێغەمبەرێن درەوین یێن دەركەفتینە جیهانێ.

1 یوحەننا 4:1 ပူးပေါင်းရင်းမြစ်များ

مزگینیا مەرقۆسی 13:21

هنگی ئەگەر ئێكی گۆتە هەوە: ‹ئها ئەڤە مەسیح یێ ل ڤێرێ!› یان ژی ‹ئها ئەڤە یێ ل وێراهە!› باوەر نەكەن.

مزگینیا لوقای 12:57

بۆچی هوین ب خۆ ناهەلسەنگینن كا یا راست چیە؟

مزگینیا لوقای 21:8

عیسای گۆت: «هشیار بن نەهێنە دسەردابرن، چنكو گەلەك دێ ب ناڤێ من هێن و دێ بێژن ‹ئەز ئەوم!› و ‹ئەو دەم نێزیك بوو.› ل دویڤ وان نەچن.

كارێن هنارتیان 17:11

ئەڤ جوهییە ژ یێن ل سالونیكی جوامێرتر بوون، وان پەیڤا خودێ گەلەك ب گەرمی وەرگرت و رۆژانە نڤیسار دخواندن، دا بزانن كا فێركرنا پاولۆس و سیلاسی یا راست بوو یان نە.

كارێن هنارتیان 20:29

ئەز دزانم پشتی چوونا من، گورگێن هار دێ هێنە د ناڤ هەوە دا و دلۆڤانیێ ب كەرێ پەزی نابەن.

1 كورنتۆس 12:10

بۆ ئێكی شیان كو حنێران بكەت، بۆ ئێكی راگەهاندنا پەیاما خودێ، بۆ ئێكی شیانا ڤاڤارتنا گیانان، بۆ ئێكی ئاخفتن ب زمانێن جۆراوجۆر و بۆ ئێكێ دی وەرگێڕانا زمانان دهێتە دان.

1 كورنتۆس 14:29

بلا دوو یان سێ پێغەمبەر بئاخڤن، یێن دی ژی گۆتنێن وان بهەلسەنگینن.

1 سالونیكی 5:20

سڤكاتیێ ب پەیامێن پێغەمبەران نەكەن.

1 سالونیكی 5:21

هەمی تشتان تاقی بكەن و خۆ ب یێ باش ڤە بگرن.

2 سالونیكی 2:2

كو د هزرێن خۆ دا زوی نەلقیێن و نەڤەجنقن، ب رێكا گیانەكی، یان گۆتنەكێ، یان ژی نامەیەكێ هەروەكو ژ نك مە هاتبیت و بێژیت كو رۆژا خودانی یا هاتی.

1 تیمۆتاوس 4:1

گیان ب ئاشكرایی دبێژیت، كو د دەمێن دویماهیێ دا، هندەك دێ ژ باوەریێ پاشگەز بن، دێ ب دویڤ گیانێن خاپینۆك و فێركرنێن ئەجنەیان كەڤن،

2 تیمۆتاوس 3:13

مرۆڤێن خراب و فێلباز ژی دێ د خرابیێ دا پێشكەڤن، دێ خاپاندنێ كەن و هێنە خاپاندن.

2 پەترۆس 2:1

لێ كا چەوا پێغەمبەرێن درەوین د ناڤ گەلی دا پەیدا بوون، هەروەسا د ناڤ هەوە ژی دا دێ مامۆستایێن درەوین پەیدا بن. ئەو دێ ب نهێنی فێركرنێن وێرانكەر ئیننە د ناڤ هەوە دا، خۆ ئەو دێ وی خودانی ماندەل كەن یێ ئەو كڕین، هۆسا ئەو دێ ژناڤچوونەكا ب لەز ئیننە سەرێ خۆ.

1 یوحەننا 2:18

گەلی زاڕۆكان، ئەڤە دەمژمێرا دویماهیێیە. هەروەكو هەوە بهیستی كو دژەمەسیح دێ هێت، نوكە گەلەك دژەمەسیح یێن دەركەفتین. ژ ڤێ چەندێ ئەم دزانین دەمژمێرا دویماهیێیە.

1 یوحەننا 2:7

گەلی خۆشتڤیان، ئەز فەرمانەكا نوی بۆ هەوە نانڤیسم، لێ فەرمانەكا كەڤن، كو هەوە ژ دەستپێكێ هەبوو. فەرمانا كەڤن ئەو پەیڤە یا هەوە بهیستی.

2 یوحەننا 1:7

گەلەك كەسێن خاپینۆك ل جیهانێ بەڵاڤ بووینە، دانپێدانێ ناكەن كو عیسایێ مەسیح ب لەشی یێ هاتی. ئەڤەنە خاپینۆك و دژەمەسیح.

3 یوحەننا 1:11

هەی خۆشتڤی، چاڤ ل خرابیێ نەكە، لێ ل باشیێ بكە. هەر ئێكێ باشیێ دكەت، ئەو ژ خودێیە و یێ خرابیێ دكەت، ئەوی خودێ نەدیتیە.

ئاشكراكرن 2:2

من های ژ كریار و رەنج و خۆڕاگرتنا تە هەیە و دزانم تۆ نەشێی بێهنا خۆ ل سەر كەسێن خراب فرە‍‌ھ كەی. تە ئەو تاقی كرن یێن دبێژن ئەم هنارتینە، لێ ئەو نە هنارتینە، تە دیت ئەو درەوین دەركەفتن.