1 یوحەننا 3:8 - ئنجیلا پیرۆز

⁸ یێ گونەهان دكەت، ئەو ژ ئبلیسیە، چنكو ئبلیس هەر ژ دەستپێكێ وەرە گونەهێ دكەت. كوڕێ خودێ ژ بەر هندێ یێ دیار بووی، دا كارێن ئبلیسی ژ ناڤ ببەت.

1 یوحەننا 3:8 ပူးပေါင်းရင်းမြစ်များ

مزگینیا مەتتای 12:28

لێ ئەگەر ئەز ب گیانێ خودێ ئەجنەیان دەردئێخم، ئەڤە پاشایەتیا خودێ یا ب سەر هەوە دا هاتی.

مزگینیا مەتتای 13:38

و زەڤی جیهانە و تۆڤێ باش كوڕێن پاشایەتیێنە و زیوان ژی كوڕێن خرابیێنە

مزگینیا مەتتای 4:3

تاقیكەر هاتە نك وی و گۆتێ: «ئەگەر تۆ كوڕێ خودێی، بێژە ڤان بەران ببنە نان!»

مزگینیا مەرقۆسی 1:24

و گۆت: «تە چ ژ مە دڤێت، عیسایێ ناسیرەیی؟ تۆ هاتی مە ژ ناڤ ببەی؟ ئەز دزانم تۆ كی، تۆ پیرۆزێ خودێی!»

مزگینیا لوقای 10:18

عیسای گۆتە وان: «من ئبلیس دیت وەكو برویسیێ ژ ئەسمانی كەفت.

مزگینیا یوحەننای 12:31

نوكە دەمێ دادكرنێیە ل سەر ڤێ جیهانێ، نوكە سەرۆكێ ڤێ جیهانێ دێ بۆ ژ دەرڤە هێتە دەرئێخستن.

مزگینیا یوحەننای 16:11

دەربارەی دادكرنێ، چنكو سەرۆكێ ڤێ جیهانێ هاتە گونەهباركرن.

مزگینیا یوحەننای 8:44

هوین ژ بابێ خۆ ئبلیسینە و هەوە دڤێت حەزێن بابێ خۆ ب ج‍‌ھ بینن. ئەو ل دەستپێكێ مێركوژ بوو و چ جاران لایەنگرێ راستیێ نەبوو، چنكو راستی د وی دا نینە. دەمێ ئەو درەوێ دكەت، ئەو ل گۆر سرۆشتێ خۆ دئاخڤیت، چنكو ئەو درەوینە و بابێ درەوێیە.

رۆما 16:20

خودایێ ئاشتیێ د دەمەكێ نێزیك دا دێ ئبلیسی د بن پێیێن هەوە ڤە هەڕشینیت. كەرەما خودانێ مە عیسای ل سەر هەوە بیت.

ئەفەسۆس 2:2

دەمێ هەوە ژیانا خۆ ل دویڤ چەرخا ڤێ جیهانێ بڕێڤە دبر، ل دویڤ سەروەرێ دەستهەلاتا بەرگەبای، ئەو گیانێ نوكە د ناڤ مرۆڤێن نەگوهدار دا كار دكەت.

كۆلۆسی 2:15

سەروەر و دەستهەلاتدار ژ چەك كرن و ل بەر چاڤێن هەمیان شەرمزار كرن، ب رێكا خاچێ سەركەفتن ل سەر وان ئینا.

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

عیبرانی 2:14

ئەڤجا مادەم زاڕۆك خوین و گۆشتن، عیسا ژی ب هەمان تشتان ل گەل وان بوو پشكدار، داكو ب مرنا خۆ وی یێ هێزا مرنێ د دەستی دا، ئانكو ئبلیسی، ژ ناڤ ببەت

عیبرانی 9:26

ئەگەر وەسا با، پێدڤی بوو مەسیحی هەر ژ دامەزراندنا جیهانێ گەلەك جاران ئازار كێشابان. لێ نوكە ل دویماهیا سەردەمان ئەو جارەكێ و بۆ هەروهەر دیار بوو، دا ب خۆگۆریكرنا خۆ گونەهێ راكەت.

2 پەترۆس 2:4

چنكو ئەگەر خودێ دلۆڤانی ب وان فریشتەیان نەبربیت یێن گونە‍‌ھ كرین، لێ هاڤێتبنە د دۆزەخێ دا، كو ئەو د كویراتیا تاریاتیێ دا بۆ رۆژا دادكرنێ د زنجیركری بن

1 یوحەننا 1:2

ژیان دیار بوو، مە ئەو دیتیە و شاهدەییێ بۆ ددەین و وێ ژیانا هەتا هەتایی بۆ هەوە رادگەهینین، ئەوا ل گەل بابی بوو و بۆ مە دیار بووی.

1 یوحەننا 3:10

ب ڤێ چەندێ زاڕۆكێن خودێ و زاڕۆكێن ئبلیسی ژ ئێك دیار دبن: هەر كەسێ راستداریێ نەكەت، ئەو نە ژ خودێیە، هەروەسا یێ حەز ژ خویشك یان برایێ خۆ نەكەت.

1 یوحەننا 3:5

هوین دزانن كو مەسیح یێ دیار بووی، دا گونەهان راكەت. گونە‍‌ھ د وی دا نینە.

1 یوحەننا 5:19

ئەم دزانین كو ئەم ژ خودێینە و هەمی جیهان ل بن دەستهەلاتا خرابكاریە.

یەهودا 1:6

هەروەسا وی، ئەو فریشتەیێن پێگەهێ خۆ نەپاراستی و جهێ خۆ هێلای، ل بن تاریاتیێ ب قەیدێن هەروهەری بۆ دادكرنا رۆژا مەزن هێلان.

ئاشكراكرن 20:10

و ئەو ئبلیسێ ئەو خاپاندین، بۆ ناڤ دەریاكا ئاگری و كپریتێ هاتە هاڤێتن، بۆ وی جهێ دڕندە و پێغەمبەرێ درەوین تێدا. ئەو دێ ب شەڤ و رۆژ، بۆ هەتا هەتایێ هێنە ئەشكەنجە دان.

ئاشكراكرن 20:15

هەر كەسێ ناڤێ وی تۆماركری د پەرتووكا ژیانێ دا نەهاتە دیتن، ئەو بۆ دەریاكا ئاگری هاتە هاڤێتن.