1 یوحەننا 3:5 - ئنجیلا پیرۆز

⁵ هوین دزانن كو مەسیح یێ دیار بووی، دا گونەهان راكەت. گونە‍‌ھ د وی دا نینە.

1 یوحەننا 3:5 ပူးပေါင်းရင်းမြစ်များ

مزگینیا مەتتای 1:21

دێ وێ كوڕەك بیت و تۆ دێ ناڤێ وی كەیە عیسا، چنكو ئەو دێ گەلێ خۆ ژ گونەهێن وان قورتال كەت.»

مزگینیا لوقای 23:41

سزایێ مە یێ دادپەروەرانەیە، چنكو ئەم یێ سزایێ كریارێن خۆ وەردگرین، لێ ڤی مرۆڤی چ خرابی نەكریە.»

مزگینیا لوقای 23:47

دەمێ سەرلەشكەری ئەڤ تشتێ چێبووی دیتی، پەسنا خودێ كر و گۆت: «ب راستی، ئەڤ مرۆڤە یێ راستدار بوو.»

مزگینیا یوحەننای 1:29

ل رۆژا د دویڤ دا، یوحەننای دیت عیسا یێ بەرەڤ وی ڤە دهێت، ئینا گۆت: «ئەڤەیە بەرخێ خودێ ئەوێ گونەها جیهانێ رادكەت.

مزگینیا یوحەننای 1:31

من ئەو نەدنیاسی، لێ ئەز هاتم ب ئاڤێ تافیركرنێ بكەم، دا ئەو بۆ ئیسرائیلێ بهێتە دیاركرن.»

مزگینیا یوحەننای 14:30

ئێدی ئەز ل گەل هەوە گەلەك نائاخڤم، چنكو سەرۆكێ ڤێ جیهانێ یێ دهێت. ئەوی چ ل سەر من نینە.

مزگینیا یوحەننای 8:46

كی ژ هەوە دشێت گونەهەكێ ل سەر من بسەلمینیت؟ ئەڤجا ئەگەر ئەز راستیێ دبێژم، بۆچی هوین باوەر ژ من ناكەن؟

2 كورنتۆس 5:21

ئەوێ كو ئێكجار گونە‍‌ھ نەكری، خودێ ژ پێخەمەت مە ئەو كرە قوربانیێ گونەهێ، دا ئەم ب رێكا ئێكبوونا مە ل گەل وی ل نك خودێ راستدار دەركەڤین.

1 تیمۆتاوس 1:15

ئەڤ گۆتنە جهێ پشتڕاستیێ و هەژی قەبیلكرنا تەمامە: «مەسیح عیسا هاتە جیهانێ، دا گونەهكاران قورتال بكەت.» ئەز ژی ژ وان هەمیان گونەهكارترم،

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

عیبرانی 1:3

ئەو تیڕێژا مەزناهیا خودێیە و دەق و دەق وێنەیێ گەوهەرێ ویە، هەمی تشتێن د گەردوونێ دا ب پەیڤا خۆ یا هێزدار رێك دئێخیت. پشتی وی پاقژكرن بۆ گونەهێن مرۆڤان ئامادە كری، ل دەستێ راستێ یێ مەزناهیێ ل بلنداهیان روینشت.

عیبرانی 4:15

سەرۆككاهنێ مە یێ وەسا نینە كو دلێ وی بۆ لاوازیێن مە نەسوژیت، لێ ئەو ژی وەكو مە د هەمی تشتان دا هاتیە تاقیكرن، بێی كو گونەهێ بكەت.

عیبرانی 7:26

سەرۆككاهنەكێ وەسا بۆ مە یێ پێدڤی بوو، یێ پیرۆز و بێگونە‍‌ھ و بێكێماسی، یێ ژ گونەهكاران جودا كری و ژ ئەسمانان بلندتر لێ كری.

عیبرانی 9:26

ئەگەر وەسا با، پێدڤی بوو مەسیحی هەر ژ دامەزراندنا جیهانێ گەلەك جاران ئازار كێشابان. لێ نوكە ل دویماهیا سەردەمان ئەو جارەكێ و بۆ هەروهەر دیار بوو، دا ب خۆگۆریكرنا خۆ گونەهێ راكەت.

عیبرانی 9:28

وەسا مەسیح ژی ژ بەر راكرنا گونەهێن گەلەكان ب تنێ جارەكێ هاتە پێشكێش كرن. ئەو دێ بۆ جارا دوویێ دیار بیت، نە ژ بەر راكرنا گونەهان، لێ ژ بەر قورتالكرنا وان یێن چاڤەڕێیا وی دكەن.

1 پەترۆس 1:18

چنكو هوین دزانن كو هوین نە ب تشتێن ژ ناڤ دچن، وەكو زێڕ یان زیڤ، ژ وێ ژیانا بێمفا یا هەوە ژ باب و باپیرێن خۆ وەرگرتی، هاتینە ئازاد كرن،

1 پەترۆس 1:20

ئەو بەری دامەزراندنا جیهانێ هاتە دەستنیشانكرن، لێ ژ پێخەمەت هەوە د ڤان سەردەمێن دویماهیێ دا هاتە دیار كرن.

1 پەترۆس 2:22

«ئەوێ چ گونە‍‌ھ نەكرین و چ فێلبازی د دەڤی دا نەبوون.»

1 پەترۆس 2:24

وی ب خۆ ل سەر خاچێ گونەهێن مە د لەشێ خۆ دا هەلگرتن، دا ئەم دەربارەی گونەهان بمرین و بۆ راستیێ بژین. ب برینێن وی هوین ساخ بوون.

1 پەترۆس 3:18

چنكو مەسیح ژی جارەكێ و بۆ هەروهەر ژ پێخەمەت گونەهان هاتە ئازاردان، یێ راستدار ژ پێخەمەت نەڕاستداران، دا هەوە بگەهینیتە خودێ. ئەو د لەشی دا هاتە كوشتن، لێ ژ لایێ گیانی ڤە هاتە ڤەژاندن.

1 یوحەننا 1:2

ژیان دیار بوو، مە ئەو دیتیە و شاهدەییێ بۆ ددەین و وێ ژیانا هەتا هەتایی بۆ هەوە رادگەهینین، ئەوا ل گەل بابی بوو و بۆ مە دیار بووی.

1 یوحەننا 1:7

لێ ئەگەر ئەم د رۆناهیێ دا بڕێڤە بچین، هەروەكو ئەو د رۆناهیێ دا، مە هەڤپشكی یا ل گەل ئێكودوو هەی و خوینا كوڕێ وی، عیسای، مە ژ هەمی گونەهان پاقژ دكەت.

1 یوحەننا 2:1

گەلی زاڕۆكێن من، ئەز بۆ هەوە ڤان تشتان دنڤیسم، دا هوین گونەهان نەكەن. لێ ئەگەر كەسەك گونەهێ بكەت، مە ل نك بابی هاریكارەكێ هەی، كو عیسایێ مەسیحێ راستدارە.

1 یوحەننا 2:2

ئەوە كەفارەت بۆ گونەهێن مە، نە ب تنێ بۆ گونەهێن مە، لێ بۆ گونەهێن هەمی جیهانێ ژی.

1 یوحەننا 2:29

ئەگەر هوین بزانن كو ئەو یێ راستدارە، هوین دزانن كو هەر كەسێ راستداریێ بكەت، یێ ژ وی بووی.

1 یوحەننا 3:8

یێ گونەهان دكەت، ئەو ژ ئبلیسیە، چنكو ئبلیس هەر ژ دەستپێكێ وەرە گونەهێ دكەت. كوڕێ خودێ ژ بەر هندێ یێ دیار بووی، دا كارێن ئبلیسی ژ ناڤ ببەت.

ئاشكراكرن 1:5

و ژ عیسایێ مەسیح، شاهدێ دلسۆز، نەخریێ ژ ناڤ مریان و سەرۆكێ پاشایێن ئەردی. ئەوێ حەز ژ مە دكەت و ئەم ب خوینا خۆ ژ گونەهێن مە ئازاد كرین