1 یوحەننا 3:3 - ئنجیلا پیرۆز

³ هەر كەسێ ئەڤ هیڤیە ب وی هەبیت، خۆ پاك دكەت، كا چەوا مەسیح یێ پاكە.

1 یوحەننا 3:3 ပူးပေါင်းရင်းမြစ်များ

مزگینیا مەتتای 5:48

ئەڤجا د بێكێماسی بن هەروەكو بابێ هەوە یێ ئەسمانی یێ بێكێماسیە.

مزگینیا لوقای 6:36

دلۆڤان بن هەروەكو بابێ هەوە یێ دلۆڤانە.

مزگینیا یوحەننای 17:19

ژ پێخەمەت وان ئەز خۆ پیرۆز دكەم، دا ئەو ژی ب راستیێ بهێنە پیرۆز كرن.

كارێن هنارتیان 15:9

ئەوی ب باوەریێ دلێ وان پاقژ كر و هۆسا چ جوداهی نەئێخستە د ناڤبەرا مە و وان دا.

رۆما 15:12

ئیشایا پێغەمبەر ژی دبێژیت: «تایەك دێ ژ رەها یێشای دەركەڤیت، ئەوێ بۆ حوكمداریێ ل سەر مللەتێن نەجوهی رادبیت، مللەت دێ هیڤیا خۆ ب وی ڤە گرێ دەن.»

2 كورنتۆس 7:1

ئەڤجا، مادەم ئەم خودانێن ڤان سۆزاینە، گەلی خۆشتڤیان، بلا ئەم خۆ ژ هەر جۆرەكێ پیساتیا لەشی و گیانی پاك بكەین و ژ بەر ترسا خودێ ب تەمامی پیرۆز ببین.

كۆلۆسی 1:5

ئەڤ باوەری و حەزژێكرنە ژ وێ هیڤیێ دزێت، یا بۆ هەوە د ئەسمانان دا هاتیە هەلگرتن، ئەو هیڤیا هەوە دەربارەی وێ د راگەهاندنا پەیڤا راستیێ دا بهیستی، ئانكو ئەو مزگینیا گەهشتیە هەوە. كا چەوا ئەو مزگینی د هەمی جیهانێ دا بەرهەمی ددەت و وەرارێ دكەت، وەسا د ناڤ هەوە ژی دا بەرهەمی ددەت و وەرارێ دكەت، هەر ژ وێ رۆژێ یا هەوە كەرەما خودێ بهیستی و ب دروستی نیاسی.

2 سالونیكی 2:16

بلا خودانێ مە عیسایێ مەسیح ب خۆ و بابێ مە خودێ، ئەوێ حەز ژ مە كری و هاندانا هەروهەر و هیڤیا باش ب كەرەمێ داینە مە،

تیتۆس 3:7

دا ب كەرەما وی، راستدار بهێینە هژمارتن و ببینە میراتگر ل هیڤیا ژیانا هەروهەر.

عیبرانی 12:14

بۆ ئاشتیێ ل گەل هەمی كەسان بزاڤێ بكەن، هەروەسا بۆ پیرۆزیێ، ئەوا بێی وێ كەس خودانی نابینیت.

عیبرانی 6:18

دا ب دوو تشتێن نەگوهۆڕ، یێن كو مەحالە خودێ تێدا درەوێ بكەت، مە هاندانەكا ب هێز هەبیت، ئەم ئەوێن پەنا بریە نك وی، دا خۆ ب وێ هیڤیێ ڤە بگرین، یا ل پێشیا مە هاتیە دانان.

عیبرانی 7:26

سەرۆككاهنەكێ وەسا بۆ مە یێ پێدڤی بوو، یێ پیرۆز و بێگونە‍‌ھ و بێكێماسی، یێ ژ گونەهكاران جودا كری و ژ ئەسمانان بلندتر لێ كری.

یەعقوب 4:8

خۆ نێزیكی خودێ بكەن، ئەو ژی دێ خۆ نێزیكی هەوە كەت. دەستێن خۆ پاقژ بكەن، گەلی گونەهكاران. دلێ خۆ پاك بكەن، گەلی دوودلان.

1 پەترۆس 1:15

لێ كا چەوا خودێ، ئەوێ گازی هەوە كری، یێ پیرۆزە، هوین ژی د هەمی رەفتارێن خۆ دا د پیرۆز بن.

1 پەترۆس 1:3

مەزناهی بۆ خودێ، بابێ خودانێ مە عیسایێ مەسیح، ئەوێ ل دویڤ دلۆڤانیا خۆ یا زێدە ب رێكا رابوونا عیسایێ مەسیح ژ ناڤ مریان، ژدایكبوونەكا نوی دایە مە و هۆسا مە هیڤیەكا زیندی

2 پەترۆس 1:4

وی ب ڤان تشتان سۆزێن گەلەك مەزن و بهاگران داینە مە، دا هوین ب وان ژ وێ پویچاتیێ، ئەوا ژ حەزێن جیهانێ دهێت، بڕەڤن و ببنە پشكدارێن سرۆشتێ خودایی.

2 پەترۆس 3:14

لەوما گەلی خۆشتڤیان، مادەم كو هوین ل چاڤەڕێی ڤان تشتانە، بزاڤێ بكەن كو ئەو هەوە هۆسا ببینیت، هوین یێن د ئاشتیێ دا د بێكێماسینە و گازندە ل سەر هەوە نینن.

1 یوحەننا 2:6

ئەوێ دبێژیت: «ئەز د ناڤ وی دا یێ بنەجهم،» پێدڤیە وەسا بژیت، هەروەكو عیسا ژیای.

1 یوحەننا 4:17

ب وێ چەندێ حەزژێكرن د ناڤ مە دا دهێتە كاملكرن، دا د رۆژا دادكرنێ دا دپشتڕاست بین، چنكو مەسیح یێ چەوایە، ئەم ژی ل ڤێ جیهانێ د وەساینە.