1 یوحەننا 3:2 - ئنجیلا پیرۆز

² گەلی خۆشتڤیان، نوكە ئەم زاڕۆكێن خودێینە و هێشتا دیار نەبوویە كا دێ بینە چ. لێ ئەم دزانین كو دەمێ ئەو دیار دبیت، ئەم ژی دێ وەكو وی بین، چنكو كا ئەو یێ چەوایە، دێ وی وەسا بینین.

1 یوحەننا 3:2 ပူးပေါင်းရင်းမြစ်များ

مزگینیا مەتتای 5:8

خوزیكێن دلپاقژان، چنكو ئەو دێ خودێ بینن.

مزگینیا لوقای 17:30

ل رۆژا كوڕێ مرۆڤ ژی دیار دبیت، دێ یا وەسا بیت.

مزگینیا لوقای 20:36

ئێدی ئەو نەشێن بمرن ژی، چنكو ئەو وەكو فریشتەیانن. ئەو كوڕێن خودێنە، چنكو كوڕێن رابوونێنە.

مزگینیا یوحەننای 1:12

لێ هەمی ئەوێن ئەو قەبیل كری، ئانكو باوەری ب ناڤێ وی ئینای، ماف دا وان كو ببنە زاڕۆكێن خودێ،

مزگینیا یوحەننای 11:52

نە ب تنێ سەخمەراتی مللەتی، لێ دا زاڕۆكێن خودێ یێن بژاڵە خڕڤە كەت و بكەتە ئێك.

مزگینیا یوحەننای 17:24

باب، من دڤێت كو ئەوێن تە داینە من، ل گەل من بن، ل وی جهێ ئەز لێ بم، دا وێ مەزناهیا تە دایە من ببینن، چنكو بەری دامەزراندنا جیهانێ تە حەز ژ من كر.

رۆما 8:16

گیانێ پیرۆز ب خۆ ژی ل گەل گیانێ مە شاهدەییێ ددەت، كو ئەم زاڕۆكێن خودێینە.

رۆما 8:18

ئەز دبینم كو ئازارێن مە ل ڤی سەردەمی ل گەل وێ مەزناهیا كو دێ بۆ مە هێتە ئاشكراكرن، ناهێنە هەڤبەركرن.

رۆما 8:19

ئافرندە ب گەرمی چاڤەڕێیا دیاربوونا كوڕێن خودێ دكەن.

رۆما 8:29

چنكو ئەوێن خودێ ئەو پێشوەخت هەلبژارتین، وی ئەو پێشوەخت ژی دەستنیشان كرن، دا وەكو وێنەیێ كوڕێ وی لێ بهێن، دا كوڕ د ناڤ گەلەك خویشك و برایێن خۆ دا یێ نەخری بیت.

1 كورنتۆس 13:12

ئەڤجا نوكە د خۆدیكێ را، ئەم شێلی دبینین، لێ وی دەمی ئەم دێ روی ب روی بینین. نوكە زانینا من نە یا كاملە، لێ وی دەمی ئەز دێ ب كاملی نیاسم، هەروەكو ئەز ب كاملی هاتیمە نیاسین.

1 كورنتۆس 15:49

كا چەوا وێنەیێ مرۆڤێ ژ ئاخێ ل بەر مە بوو، وێنەیێ مرۆڤێ ئەسمانی ژی دێ ل بەر مە بیت.

1 كورنتۆس 2:9

لێ هەروەكو هاتیە نڤیسین: «ئەو تشتێن چ چاڤان نەدیتین و چ گوهان نەبهیستین و نەهاتینە سەر هزرا چ مرۆڤان، ئەوێن خودێ ژ بۆ حەزژێكەرێن خۆ ئامادە كرین…»

2 كورنتۆس 3:18

ئەم هەمی ژی ب دێمەكێ بێ پێچە رەونەقیا خودانی رەنگڤەددەین، ژ رەونەقەكێ بۆ رەونەقەكا دی بەرەڤ وێنەیێ وی دهێینە گوهۆڕین، ئەڤ چەندە ژی ژ خودانیە، ئەوێ كو گیان ب خۆیە.

2 كورنتۆس 4:17

چنكو تەنگاڤیێن مە یێن سڤك و دەمكی، مەزناهیەكا گران یا هەتا هەتایی بۆ مە ئامادە دكەن، كو ل گەل چ تشتان ناهێتە هەڤبەركرن.

گالاتیا 3:26

د ئێكبوونا ل گەل مەسیح عیسای دا، هوین هەمی ب رێكا باوەریێ كوڕێن خودێنە،

گالاتیا 4:6

ژ بەر كو هوین كوڕێن وینە، خودێ گیانێ كوڕێ خۆ هنارتە د ناڤ دلێ مە دا، كو گازی خودێ دكەت: «ئابا! بابۆ!».

فیلیپی 3:21

ب هێزا خۆ یا دشێت هەر تشتەكی بندەستی خۆ بكەت، ئەو دێ لەشێ مە یێ لاواز و مربار گوهۆڕیت و وەكو لەشێ خۆ یێ ب روومەت لێ كەت.

كۆلۆسی 3:4

دەمێ مەسیح، ئەوێ كو ژیانا هەوەیە، دیار دبیت، هنگی هوین ژی دێ ل گەل وی د مەزناهیێ دا دیار بن.

عیبرانی 9:28

وەسا مەسیح ژی ژ بەر راكرنا گونەهێن گەلەكان ب تنێ جارەكێ هاتە پێشكێش كرن. ئەو دێ بۆ جارا دوویێ دیار بیت، نە ژ بەر راكرنا گونەهان، لێ ژ بەر قورتالكرنا وان یێن چاڤەڕێیا وی دكەن.

2 پەترۆس 1:4

وی ب ڤان تشتان سۆزێن گەلەك مەزن و بهاگران داینە مە، دا هوین ب وان ژ وێ پویچاتیێ، ئەوا ژ حەزێن جیهانێ دهێت، بڕەڤن و ببنە پشكدارێن سرۆشتێ خودایی.

1 یوحەننا 2:28

نوكە ژی، گەلی زاڕۆكان، د ناڤ وی دا بنەج‍‌ھ ببن، داكو دەمێ ئەو دیار ببیت، مە پشتڕاستی هەبیت و د هاتنا وی دا شەرم ژێ نەكەین.

1 یوحەننا 2:7

گەلی خۆشتڤیان، ئەز فەرمانەكا نوی بۆ هەوە نانڤیسم، لێ فەرمانەكا كەڤن، كو هەوە ژ دەستپێكێ هەبوو. فەرمانا كەڤن ئەو پەیڤە یا هەوە بهیستی.

1 یوحەننا 3:1

بەرێ خۆ بدەنێ، چ حەزژێكرنە بابی دایە مە، داكو ب زاڕۆكێن خودێ بهێینە بناڤكرن! ب راستی ژی ئەم ئەوین. ژ بەر هندێ جیهان مە نانیاسیت، چنكو ئەو نەنیاسی.

1 یوحەننا 3:10

ب ڤێ چەندێ زاڕۆكێن خودێ و زاڕۆكێن ئبلیسی ژ ئێك دیار دبن: هەر كەسێ راستداریێ نەكەت، ئەو نە ژ خودێیە، هەروەسا یێ حەز ژ خویشك یان برایێ خۆ نەكەت.

1 یوحەننا 3:21

گەلی خۆشتڤیان، ئەگەر دلێ مە، مە گونەهبار نەكەت، مە ل نك خودێ پشتڕاستی یا هەی

1 یوحەننا 5:1

هەر كەسێ باوەر دكەت كو عیسا مەسیحە، ئەو كەس یێ ژ خودێ بووی. هەر كەسێ حەز ژ بابی دكەت ژی، حەز ژ وی ژی دكەت یێ ژ بابی بووی.

ئاشكراكرن 22:4

و دێ دێمێ وی بینن و ناڤێ وی دێ ل سەر ئەنیا وان بیت.