1 یوحەننا 3:1 - ئنجیلا پیرۆز

¹ بەرێ خۆ بدەنێ، چ حەزژێكرنە بابی دایە مە، داكو ب زاڕۆكێن خودێ بهێینە بناڤكرن! ب راستی ژی ئەم ئەوین. ژ بەر هندێ جیهان مە نانیاسیت، چنكو ئەو نەنیاسی.

1 یوحەننا 3:1 ပူးပေါင်းရင်းမြစ်များ

مزگینیا لوقای 20:36

ئێدی ئەو نەشێن بمرن ژی، چنكو ئەو وەكو فریشتەیانن. ئەو كوڕێن خودێنە، چنكو كوڕێن رابوونێنە.

مزگینیا یوحەننای 1:12

لێ هەمی ئەوێن ئەو قەبیل كری، ئانكو باوەری ب ناڤێ وی ئینای، ماف دا وان كو ببنە زاڕۆكێن خودێ،

مزگینیا یوحەننای 11:52

نە ب تنێ سەخمەراتی مللەتی، لێ دا زاڕۆكێن خودێ یێن بژاڵە خڕڤە كەت و بكەتە ئێك.

مزگینیا یوحەننای 15:21

لێ ئەو دێ ڤان هەمی تشتان ژ بەر ناڤێ من ب سەرێ هەوە ئینن، چنكو ئەو وی نانیاسن یێ ئەز هنارتیم.

مزگینیا یوحەننای 16:3

دێ ڤان تشتان كەن، چنكو ئەو نە بابی دنیاسن و نە ژی من دنیاسن.

مزگینیا یوحەننای 17:25

بابێ راستدار، جیهان تە نانیاسیت، لێ ئەز تە دنیاسم و ئەڤە دزانن كو تە ئەز یێ هنارتیم.

مزگینیا یوحەننای 3:16

خودێ هۆسا حەز ژ جیهانێ كر، كو وی كوڕێ خۆ یێ ئێكانە دایێ، داكو هەر كەسێ باوەریێ پێ بینیت ژ ناڤ نەچیت، لێ ژیانا هەروهەر هەبیت.

رۆما 5:8

لێ خودێ حەزژێكرنا خۆ بۆ مە هۆسا دیار كر: هێشتا ئەم د گونەهكار بووین، مەسیح ژ بۆ مە مر.

رۆما 8:19

ئافرندە ب گەرمی چاڤەڕێیا دیاربوونا كوڕێن خودێ دكەن.

رۆما 8:21

كو ئافرندە ب خۆ ژی دێ ژ بەنیاتیا رزیبوونێ هێنە ئازادكرن، بەرەڤ ئازادیا ب مەزناهی یا زاڕۆكێن خودێ.

رۆما 8:32

ئەوێ دەستێ خۆ ژ كوڕێ خۆ ڤەنەگرتی، لێ ژ پێخەمەتی مە هەمیان ئەو رادەستی مرنێ كر، ئێدی چەوا ئەو هەمی تشتی ل گەل وی بێ بەرامبەر نادەتە مە؟

2 كورنتۆس 6:18

ئەز دێ بمە بابێ هەوە و هوین دێ بنە كوڕ و كچێن من. خودان، هێزدارێ هەر تشتی ڤێ دبێژیت.»

گالاتیا 3:26

د ئێكبوونا ل گەل مەسیح عیسای دا، هوین هەمی ب رێكا باوەریێ كوڕێن خودێنە،

گالاتیا 3:29

ئەڤجا ئەگەر هوین یێن مەسیحی بن، هۆسا هوین دویندەها ئیبراهیمینە و ل گۆر سۆزێ میراتگرن.

كۆلۆسی 3:3

چنكو هوین مرین، ژیانا هەوە ژی ل گەل مەسیحی ل نك خودێ هاتیە هەلگرتن.

1 یوحەننا 3:10

ب ڤێ چەندێ زاڕۆكێن خودێ و زاڕۆكێن ئبلیسی ژ ئێك دیار دبن: هەر كەسێ راستداریێ نەكەت، ئەو نە ژ خودێیە، هەروەسا یێ حەز ژ خویشك یان برایێ خۆ نەكەت.

1 یوحەننا 3:2

گەلی خۆشتڤیان، نوكە ئەم زاڕۆكێن خودێینە و هێشتا دیار نەبوویە كا دێ بینە چ. لێ ئەم دزانین كو دەمێ ئەو دیار دبیت، ئەم ژی دێ وەكو وی بین، چنكو كا ئەو یێ چەوایە، دێ وی وەسا بینین.

1 یوحەننا 4:17

ب وێ چەندێ حەزژێكرن د ناڤ مە دا دهێتە كاملكرن، دا د رۆژا دادكرنێ دا دپشتڕاست بین، چنكو مەسیح یێ چەوایە، ئەم ژی ل ڤێ جیهانێ د وەساینە.

ئاشكراكرن 21:7

هەر ئێكێ سەركەفتنێ بینیت، دێ بیتە میراتگرێ ڤان تشتان و ئەز دێ بمە خودایێ وی و ئەو دێ بیتە كوڕێ من.